عيلتنا

الحلقه(14)

(طبعاً بعد جهد جهيييد وصلو ومخيلاش  الجو بعياطات البنات في طريق وجوو اصيل في سواقه قعد غير يسطرب في طريق وشويه ووصلو)
العارف متعفلق : انيييي شن قلت عليهااا سواقه الحميير اهيا
اصيل منزل راسه : تغييره جوو
العارف  : تخايل لو درت حادث ومعاك بنات
اصيل : بعيد السو عليا امى هما عمرهم طويل اطول من عمري
سند : به ياجدي بنقعدو واقفين رجل فوق ورجل لوطه زي الجيش ولا شنو
العارف  : بتقعد انت والفرخ اصيل اهني 
اصيل :ومحمووود دار الهبال اكتر منا به
العارف ضربه بالعصا علي رجله : مدخلكش فيه محمود توا ابدا حرش زي العيل
اصيل عيط : احيييي ياجدي موعرها
حلومه جايه : خليهم ياحاج سامحهم
العارف تعفلق : تي شن نسامحهم وهما قريب قلبو السياره
حلومه ضحكت : ولادي هادم يديرو لي يبوه
العارف  : اي زيدي زيدي
اصيل  : جدي غاااااار حي حي
العارف ضربه بالعصا : اسكتت ياولد
حلومه : جدك في القلب 
سند عيط : اووووووووووو
العارف ضحك : سلمها الحاجه
حلومه : خليهم يهيجو الولاد ومخصكش فيهم
العارف  : علي خاطر جداكم سامحتكم اليوم
اصيل  : تي منوره جداي قدووع
حلومه ضحكت :  تحشم يافرخ....فجاءه خش عصام هوا ومرته
عصام استغرب : خيركم واقفين اهني
حلومه ابتسمت : اهلين بالغالي والغاليه
نور ضحكت : اهلين عمتي شن حالك
اصيل  : هادا شنو
عصام :  شنو
اصيل  : اسمع اني ديما نعرف ان في شهر معسل تعسيل بعد العرس يعني وينه منشوفش فيه
عصام ضحك : اسبوع الجاي بنمشو لتركيا ارتاح
اصيل : اوووو تركيا مره وحدا به مالفيد خيرها
عصام : مالفيد شنو
سند ضحك :  مالديف ياغبي
اصيل : به نفس بعضها نفس النطق الهم فتحتولي حصه عربي
________________________________
عند البنات
في الغرفه
قمر ترتب في شنطتها : قصدكم كلنا بننحشو في الغرفه هادي
اماني ترتب في العطور : مشعارفه ممكن بنقسمو
سنابل تضفر في شعرها : جداي قالت بيجي خوها منير بيلحق
رغد خشت  : يا بنات مشفتوش روان
سلسبيل : محمد مزال مجاش
رغد فتحت تلفون : توا نتصل بيها
ابرار  : علاش شن فيه
رغد : خايفه الان امي باديه تشك
اماني : بري اتصلي بيها بسرعه
مروه خاشه : بنات عمتي امال بتجي
سنابل : بتجي قالت وبتجيب معاها ريماس
قمر ضحكت بخبث : هادا وين بيولع الجوو
مروه بخبث : معاااك
اماني : ارقدي انتي وياها
مرام خاشه : اسمعوو قسمو قبل ما يزحمو  الغرف الان مستحيلا نرقدو كلنا اهني
قمر  : عادي وين تحطوني نفس بعض
ابرار : خلاص ارقدو كلكم اهني الان بيصير تفركيس
مروه : تمام
نور خشت بهدوء : هلا يابنات كيفكم
قمر  : اهلا  بعروستنا
نور ضحكت : هلا بيك
نور : مريتوش روان وين
اماني ارتبكت : اءءء رووواان قريب توصل
نور ابتسمت : تمام
_____________________________
عند روان
محمد يسوق : فطرتي
روان : اي فطرت
محمد : بلا كدب قمر قتلي مفطرتيش وامس مبيتيش حتى تاكلي
روان ببرود : امورييي ناكل او لا
محمد مسك ايدها : قاعده متبيش تنحي البرود اهوا
روان بعدت ايدها : اموري ياسيدد مدخلكش
محمد ضحك : تمام اني بننزل بناخدلك فطور قنين ونجي
روان : تعب في روحك الان مش ح ناكل
محمد : نزل ومردش
روان : تنهدت واتكت علي الروشن تتفرج فجاءه رن تلفون وكان تلفون محمد
روان : مسكت تلفون ولقت مكتوب حبي
روان تعفلقت : حبك برص ان شاء الله
روان ردت بصوت دلع : الوو
الولد انصدم : اءء منوو
روان : انصدمت وخافت في نفس الوقت
الولد : ردييي منو انتي و وين محمد
روان ارتبكت : اءءء اانننن ني بنت عمه ررررواان
الولد ضحك : اها عرفتك شن الاخبار
روان : تتتمام غيير قتلك محمد نزل شويه ويكلمك
الولد ابتسم : تمام قوليله قالك معاد اتصل  بيا بعدين
روان :تتمام هي باي(وسكرت)
روان تخبط : حي علياا حييي بنموت ياربي
محمد ركب سياره : اسف عطلت عليك
روان :  ببببههه نبي نروح هيا
محمد استغرب : شن جاب تلفوني عندك
روان  ارتبكت : لا غير قلت بنشوف ساعهه
محمد ضحك : تمام هي خودي ملقيتش غير  بريوش وعصير طبيعي وعارفك تحبيه
روان : بالله روح بيا توا منبيش
محمد مسك البريوش وخدا طرف : هاك
روان قلبت وجهها  : منبيش قتلك
محمد : بحركه سريعه حط طرف بريوش في فمها
روان : انصدمت ومقدرتش كيف تاكله
محمد شرب شويه من نسكافي : شن رايك
روان ابتسمت : حللو
محمد ضحك : شكلاطه كلها في وجهك
روان :  تبصررر
محمد خدا طرف كينكس : يب هاتي نمسحلك
روان : لالا هات توا نمسح بروحي 
محمد : عندك مرايه
روان : هات تلفونك
محمد : تي هاتي توا نمسحلك بلا جو
روان : ارتبكت وسكتت
محمد : خلي نمسحو الاتار متع الجريمه خير ما يعرفو البنات ويهبلو بعدين
روان ضحكت : به هيا خف روحك
محمد : يمسحلها وقاصد يوترها في كل حركه يديرها😂
محمد بعد : خلاص كملنا
روان متوتره وترعش : تتتمام شككرا
محمد : هههه العفو.....فجاءه رن تلفون
محمد مسك تلفون : هادا اصيل
محمد : نعم
اصيل  : وينك الهم نحسابوك الا نطرت البنت
محمد : هي جاي في طريق غير وقفت ناخد في ميه
اصيل : به هيا خف روحك وجيبلي معاك  كرت10
محمد انصدم : تي امسس بعتلك 5وين حطيتها يافرخ
اصيل  : تشبح فيا خدمهه نخدم يراجل غير هيا جيبلي
محمد ضحك : باهي به (وسكر)
محمد : خش علي مكالمات وانصدم
محمد :  اني نزلت فيه حد اتصل
روان : قريب ماتت من الخوف
محمد تلفت : نكلم في مني اني
روان دموع في عيونها : اي مسجل حبي
محمد : وانتي رديتي 
روان : نحسابه بنت
محمد قام حاجبه : نعمم
محمد : كيف بنت يعني وكنا بنت من قالك تردي
روان : قلت خلي نهزبها
محمد : انتي شن دخلك
روان تلفتت بأصرار : زي ما انت تدخل اني ندخل
محمد قرب : اني ندخل عادي امى انتي لا
روان استفزها الكلام : والله يابابا قوله لحد تاني اهوا ومن جديد معاش تدخل باش مندخلش اني
محمد ببرود : اني ندخل وحرر متجيش وتحكمي 
روان : من وليت
محمد : مدخلكش
روان : حتى انت مدخلكش 
محمد : شن قالك الولد
روان  : مقالش شي قالك كلمني بعدين وتمت يعني نحيها افكار سخيفه لي ف راسك
محمد ضحك : حضك جاتك مع معاد الان معاد واتق فيه ونعرفه لكن كنا حد تاني تعرفي شن بيصير بعدين
روان : سكتت وقلبت وجهها لجيهه تانيه
______________________________
عند رغد
رغد : ماشيه ورافعه صندوق ميه....فجاءه
وليد وقف قدامها وخداه : معاش تقيمي رزين
رغد :  لااا عادي مش رزين هلبا
وليد قرب : مش باهي ليك اسمعي كلام
رغد استغربت :  علاش
وليد ضحك : تبي تعرفي علاش
رغد : اكيد
وليد : انتم البنات وراكم هلبا مواضيع وغلط تقيمي رزين الان.....قبل مايكمل
رغد عيطت وضرباته : اسكتتت يا بارد
وليد ضحك : انتي غبيه متفهميش
رغد قلبت وجهها : قليل الادب
وليد قرب : معاك انتي بس
رغد ضحكت : هيا ارفع صندوق بلا هبال
وليد : غير صندوق في ايديا كنا هادا قمتك انتي ورفعتك
رغد : تحشم
وليد ضحك : ومشاء ووراه رغد
رغد وهوا ماشي : شن رايك نكلم جدي
رغد استغربت : علي شنو
وليد : علي موضوع زواج
رغد تحشمت :  اءءءءء مننعرفش
وليد ضحك : قتلك معاش تتحشمي وانتي معاي خليك طبيعيه
رغد : مشعارفه ياوليد يعني...
وليد وقف : يعني متبينيش
رغد عيطت : لاااع نبيك لكن متوتره شويه
وليد ابتسم : خودي وقتك وفكري
رغد : نحبك ونحب معاملتك الحلوه
وليد  : متخلينيش نحدف صندوق ونجيك
رغد  : ضحكت ومشت تجري
وليد  : ابتسم وكمل طريقه
_______________________________
عند ميرال
ميرال : مقعمزه علي درجيحه وتقرا في روايه
سند من وراها : شن تقرا الحلو
ميرال ابتسمت : روايه طفله ولكن تهبل❤
سند قرب وحضنها من الخلف : طفلتي لتهبل
ميرال ارتبكت : سندد بعد بيشوفنا حدد
سند بعد شويه : شن رايك نخطفك
ميرال بدلع : انلا
سند ضحك : اعطيني بوسه به
ميرال وقفت : تحشم
سند : معاك انتي ننسا كل شي
ميرال : بااارد (ومشت تجري)
سند ضحك : لما نوريك
________________________________
عند البنات
قمر : عمتي فاطمه وين جهاز متع مكيف
فاطمه تغسل في طواسي : شوفيه عند مروه
مروه وهيا جايه : عند جداي تلقيه
رغد مقعمزه : ميرووو
ميرال تتصفح في تلفون : عيونها
رغد عدلت قعميزتها : اسمعي...يتبععع❤🔥

آلگآتبهہ‏‏ : بنت آلآمـيـر👑❤