"اضحك واخفي حزن الايام عندي"
........................
دخل المستشفي بكل شموخ ووقف الجميع له احتراما لما لا وهو ملك الاقتصاد ومعروف ببروده وكرهه للأخطاء
دخل الي غرفه المدير بدون طرق الباب بالطبع وقف مدير المستشفي احتراما له وحياه
المدير: اهلا اهلا مراد بيه المستشفي نورت والله
مراد ببرود: اهلا بيك
المدير: اتفضل تحب تشرب ايه
مراد :قهوه
المدير: تحت امرك
فضلوا يتكلموا عن المستشفي واحوالها والمستثمرين اللي فيها
مراد :انا شايف ان اكتر قسم متركز عليه هو قسم الجراحه
المدير : ايوا حضرتك لان احنا بيجيلنا حالات صعبه جدا وكلها حالات جراحيه وبتبقي ما بين الحياه والموت فا احنا مجهزين قسم الجراحه بأحسن المعدات الموجوده لان الحالات اللي بتجيلنا صعبه
مراد:طيب انا عايز اشوف افضل دكتور جراحه وافضل مساعد موجودين في المستشفي
المدير : حاضر يا فندم تحت امرك
اتكلم المدير في التليفون مع السكرتيره
المدير :ايوا يا نجوه ابعتيلي الدكتور زين لو سمحتي والمساعد امير
المساعده : حاضر يا فندم
بعد دقيقتين
دخل غرفه المدير
زين: خير يا دكتور نشأت (المدير)
نشأت :اتفضل يا دكتور زين اقعد انت والمساعد بتاعك (امير)
نشأت: اتفضل يا مراد بيه دكتور زين احسن واكفأ دكتور هنا ودا امير احسن وافضل مساعد موجود هنا برضوا
مراد وهو يوجه نظره لزين: انت شايف ان امير افضل مساعد موجود هنا ؟
زين :ايوا طبعا
مراد :ليه؟
زين :لان انا اللي معلمه كل حاجه
نظر له امير بسخط 😒
مراد :طيب امير انت شايف ان دكتور زين افضل دكتور موجود هنا
امير : بصراحه لا دكتور زين مش افضل دكتور موجود هنا
نظر له نشأت وزين بذهول وغضب في نفس الوقت
مراد: ليه؟
امير:لان بوجود الدكتوره بيرلا معتقدش ان فيه حد افضل منها
مراد وهو يوجه نظره لنشأت :مين بيرلا؟
نشأت: دكتوره جراحه موجوده هنا
مراد :طيب وانت ليه شايفها احسن دكتوره هنا يا امير؟
امير: والله لاسباب كتيره جدا
مراد طيب تفضل قولي؟
امير :(بيتكلم بصفه جمع لانه كان هو واتنين زمايله تحت اشرافها )مبدأيا هي ذكيه جدا وسريعه بديهه كان في اكتر من مره المريض كان خلاص بيموت بس هي بتنقذه علي اخر لحظه بتعاملنا كلنا باحترام اول ما جيت كانت دايما تخلينا نقرأ كتب كبيره وغريبه واول مره بشوفها كانت تخلينا في اليوم نكتب 8صفح مرتين والوقت الباقي بتورينا حاجات علي المرضي عملي وبتفهمنا حاجات كتيره اوي وصعبه بس نوعا ما كانت بتشرحها بطريقه تخلينا نستسهلها كنت بفكر انها بتعذبنا او هي انانيه وانها مش عايزه تعلمنا وان احنا دكاتره المفروض نشوف عمليات ونعملها بنفسنا بس بعدين اكتشفت هي ليه كانت بتعمل كل دا لما دخلنا امتحان من لجنه فيها اربع حكام كانوا بيقيسوا مدي خبرتنا وكانوا بيسألونا اسئله كانت بالظبط نفس الأسأله الي كانت بنكتبها وكانوا بيتكلموا عن مواضيع كانت هي بتكلمنا عنها وحاجات كتيره زيها ودايما كانت مسؤوله عننا واي غلط كانت بتتحمله معانا وانا اعترف ان في مرات كتيره كان من الممكن المريض يموت بسببنا بس كانت دايما بتنقذ الموقف وبتقف جنبنا بس لما بنبقي لوحدنا بتفهمنا اللي بيحصل واي الغلط دا بس كله باحترام ومكنتش بتهينا او بتشتم مش زي بعض الدكاتره (وهو ينظر لزين بسخط)
أنت تقرأ
حبيبتي الغامضه
Humorهي مرحه ومضحكه و استثنائية لكن بلحظه يمكن ان تتغير ١٨٠ درجه لانسانه عصبيه وبارده بنفس الوقت... ماضيها محزن غريب سري ولا تتكلم به مع أحد هل سيأتي من يفتح بابها ؟ هو لم يفكر بالحب لكن ها قد اتت من ستسلب قلبه من دون ان يشعر قصه كوميديه رومانسيه الكتاب...
