بمناسبة دخول عيد الأضحى علينا، أحب أن أقول لكم كل عام وأنت بصحة وخير، أتمنى أن يتقبل الله أعمالكم وطاعتكم، اللهم آمين.
كل عام وانتوا بخير
كل عام وانتوا واقفين معايا وبتشجعوني
عيد سعيد عليكوا يا حبايبي❤️✨
البنت اللي اسمها asmaaToot بجد حابه اشكرها لانها بتشجعني جدا بكومنتاتها وبجد ببقي فرحانه اوي
نبدأ الفصل :
وبعد مده دخل علي وعمر معا
علي :انا جبت الدواء
عمر :وانا حبت الاوراق اللي قولتي عليها اهي
دخلوا وجدوا بيرلا نايمه علي الكنبه ورجليها مرفوعه علي كرسي ومراد مش موجود فا عرفه انه في غرفته
علي :عمر روح صحي بيرلا ودخلها وخليها ترتاح في اوضتي وناديلي مراد
عمر : حاضر
طلع عمر نادا لمراد
نزل مراد ورأي بيرلا لاتزال نائمه فقال لعمر
:طلعا يا ابني تنام فوق
عمر :رايح اصحيها اهو
قعد مراد وعلي قصادهم علي الأريكه
عمر :بيرلا ...بيرلا.... بيرلااااااااااااااااااااااااااا
بيرلا وهي تنتفض من مكانها :جرا ايه يا حيوان في حد يصحي حد كده
عمر :ما انتي اللي مش راضيه تصحي
بيرلا :وانت عايز تصحيني ليه
عمر :عشان تطلعي تنامي فوق
بيرلا :لا شكرا انا مروحه
علي: مروحه فين يا بيرلا
بيرلا: مروحه رايحه بيتي
علي: وانت تقدري تعملي حاجه برجلك دي
بيرلا وهي تقلب بريموت التليفزيون :علي فكره انت بتستخف بيا وبعدين انا مستنيه حاجه
علي :مستنيه ايه
بيرلا:مستنيه سبونج بوب سكوير بانس يجي
علي:نعم يا ختي!!!!!
عمر: بجد.... هيجي امته..علي قناه ايه
بيرلا:هيجي كمان دقيقه علي قناه ام بس سي3
عمر :طب استني هعمل فشار وجاي
نظر علي للإثنين بذهول وشاور ولمراد بان يذهبوا للخارج.... وخرجوا
علي :دي بتقول سبونج بوب والتافه التاني بيقول هعمل فشار
مراد بضحك:يعم المهم انها كويسه وسامحت الاهبل دا
بدأوا يشتغلوا ....وعمر وبيرلا بيتفرجوا علي سبونج بوب سكوير بانتس
علي ومراد خلصوا شغل وقاموا يشوفوا حاجه ياكلوها سمعوا صوت تكسير وصراخ بيرلا من المطبخ راحوا بسرعه يشوفوا ايه اللي حصل
وصدموا مما رأوا
ببرلا بصراخ:يا غبي يا متخلف يا معتووووووووه
طلع عمر يستخبا ورا علي
علي :في ايه يا بيرلا وايه اللي كسر كل حاجه كدا
بيرلا بصراخ:اسأل الأهبل اللي وراك... اللي هيجلطتي قريب
علي :هببت ايه يا عمر
عمر:انا معملتش حاجه هي اللي مكبره الموضوع
بيرلا ومازالت تصرخ:انا اللي مكبره الموضوع يا بجح يا باااارد
مراد :اهدي يا بيرلا انتي لسه خارجه من المستشفي قولي ايه اللي حصل براحه واهدي
بيرلا بعد ما جلست علي الكرسي :الاستاذ لقيته جايب تلات بطيخات تمام؟
علي :بطيخ؟
بيرلا اه ومتسألنيش اتهف في عقله ازاي وفكر يجيب بطيخ المهم قالي هحطهم في التلاجه قولتله هتعرف يا عمر ولا هتقع وتكسرها قالي بكل ثقه عيب عليكي هكسرها ازاااي هو انا عيل ؟....فا دخلت معاه قولت اعملكوا اي حاجه تأكلوها لسه بفتح المياه عشان اغسل ايدي الاقي القمر اللي وراك دا كسر البطيخه ورفوف التلاجه والاكل اللي في التلاجه كل دا عشان الذكي اللي وراك دا حط البطيخه في اول رف في الرفوف اللي هو رف رقيق بيتحمل يتحط فيه البيض بالعافيه اصلا الرف اتكسر والبطيخه نزلت كسرت بقيه الرفوف قولي بقا انا اعمل ايه
نظر علي ومراد لعمر
عمر :اي يا رجاله في اي
علي :بكل هدوء كل اللي عملته دا يتلم من غير كلمه واحده والا والله يا عمر هطردك برا البيت
عمر :لالا خلاص وعلي اي يعني هلمهم
علي وهو يمد ايده لبيرلا :تعالي يا بيرلا ارتاحي الدكتور قال انك لازم ترتاحي ومتتحركيش
أمسكت بيرلا بيده وهي تقول :ما انتوا من الصبح معايا ومأكلتوش حاجه
علي وهو يقبل دماغ اخته لانه بعلم انها تتألم ومع ذلك تفكر به
علي : متقلقيش يا حبيبتي احنا شويه بس لما الحيوان دا يلم اللي هببه وهدخل انا ومراد ونعمل حاجه لينا نأكلها.....اه صحيح اتفرجتي علي سبونج بوب
بيرلا بضحك :😂اه اتفرچت
و٠جلسوا مع بعض في هدوء حتي كسرت بيرلا هذا الصمت
بيرلا :بقولك اي يا واد يا علي
علي :وااد يا علي انا علي اللي مفيش حد في الشركه او برا الشركه يجيله الجرأه انو يبص في عيني يتقالي يا واد يا علي ...يالا ادي اخره اللي يقعد مع عيال
بيرلا: عيله في عينك وبعدين بقولك ايه اللي بره دول حاجه وانا حاجه ولا اييي؟
علي :صح طبعا وانا استجر اقول غير كدا
ببرلا :اااه بحسب ....المهم
علي :اتفضلي
بيرلا بوجه طفولي :انا عايزه اشتغل معاكوا
علي :مع مين ؟
بيرلا :معاكوا انت ومراد والحيوان
علي :طب ما انتي شغاله في المستشفي
بيرلا :لا ما انا خلاص هسيب الطب
علي :اشمعنا ؟
بيرلا بحزن حاولت اخفائه :مفيش كده
شعر علي ان بيرلا تخفي شئ لكنه تجاهله هي تاتي هي وتخبره
علي بابتسامه:لازم اسأل شركائي الاول
بس ثواني هشوف الولا اللي جوه دا عشان انا جعان اوي
ودخل علي لعمر
وجهت بيرلا نظهرها لمراد وقالت بابتسامه جميله ورقيقه تزين وجهها:مراد
مراد بتخدر وهو يسمع اسمه اللذي اصبح يعشقه من شفاها :هممم
بيرلا بصوت رقيق وانثوي :ممكن اشتغل معاكوا؟
مراد وهو يشعر انها اذا طلبت منه ان يقتل نفسه الان سيفعل:انا بالنسبالي عادي دا ياريت... احنا عايزين ناس تشتغل معانا واكتر من قسم وانتي علي حسب خبرتك في انهي قسم
بيرلا بسعاده طفوليه :بجد؟
مراد:اه بجد
بيرلا :ميرسي اوي يا مراد ....طب هبدأ من امتي ؟
مراد:لما تخفي شويه انتي لسه خارجه من مستشفي والدكتور قال ممنوع حركه او انفعال وانتي تقوليلي شغل وغير كده انتي رجلك مكسوره ومحتاجه ثلاث اسابيع عشان تخف
بيرلا بحزن طفولي :معاك حق
مراد بابتسامه علي حزنها اللطيف :بس ممكن اخليكي تساعديني لما اجي هنا البيت ايه رأيك
بيرلا بفرح: موافقه طبعا
خلص البارت❤️✨
دا بارت صغير كدا وخفيف بمناسبه العيد بس بكره او بعده ان شاء الله هيبقي في فصل طويل واحداثه تحفه
أنت تقرأ
حبيبتي الغامضه
Humorهي مرحه ومضحكه و استثنائية لكن بلحظه يمكن ان تتغير ١٨٠ درجه لانسانه عصبيه وبارده بنفس الوقت... ماضيها محزن غريب سري ولا تتكلم به مع أحد هل سيأتي من يفتح بابها ؟ هو لم يفكر بالحب لكن ها قد اتت من ستسلب قلبه من دون ان يشعر قصه كوميديه رومانسيه الكتاب...
