بسم الله الرحمن الرحيم اللهم صل وسلم وبارك على سيدنا محمد وعلى اله وصحبه اجمعين
_____________________________
مراد بصدمه : ايه.....
ابتسمت بيرلا له باتساع
مراد:معلش قوليها تاني ... مسمعتش كويس انتي قولتي ايه دلوقتي؟
بيرلا :بقولك اروح ؟
مراد:لا مش دي اللي بعدها
بيرلا بضحك :انا مقولتش حاجه .
مراد:لا قولتي
بيرلا: تصدق نسيت
مراد بدون شعور احتضنها بقوه كبيره جدا
بيرلا:انت يا عمو
مراد ابتعد عنها : عمو ؟ ! طب قولي انتي قولتي ايه الوقتي
بيرلا بجديه :مراد
مراد بهيام:نعم
بيرلا :انا بحبك ....حاولت متعلقش لاني بخاف بس حسيت انك غير ..حبيتك من غير ما احس يمكن لاني حسيت فيك (علي) اللي كان دائما معايا في اصعب الاوقات كنت بتبينلي انك مهتم بيا وانا كنت بفرح بالاهتمام دا بالاخص بقا الشاورما
مراد ضحك: انا كمان حبيتك من غير ما احس فجأه لقتني عايز اشوفك ....عايز اقضي وقت معاكي عايز اتكلم معاكي ومخلصش كلام ابدا فجأه لقيتك بتوحشيني اوي ... وبعدين بقا بدأت احب كل حاجه فيكي عيونك الزرقا اللي زي موج البحر اللي بفضل ابصلهم واغرق فيهم وانا مبسوط ....ولما بتبقي لونها اخضر في الشمس احس اني دخلت في غابه جميله وسريه محدش يعرف عنها حاجه ...ملامحك اللي تقدر تتغير في ثانيه ١٨٠ درجه ممكن تبقي جديه وصعبه و شخصيتك بارده ....وفي ثانيه تبقي عيله صغيره بتفرح بابسط حاجه .... وشعرك الطويل اللي بقيت بتمني اني امسكه .....لما تعبتي بقا حسيت ان روحي بتروح ودماغي وقفت ...بعدين مش عارف اعمل ايه بس الحمد لله ربنا بيحبني وخلاكي معايا ....انا بحبك اوي يا بيرلا اكتر مما تتصوري .... فضلت في التلات اسابيع دول ادور عليكي في كل مكان بعت ناس تروح تشوفك في كل مكان ....قال بحزن :كنتي فين ...روحتي فين وسبتينا كل دا ؟
بيرلا :كان لازم انظم افكاري واهدي وابعد شويه عن الجو دا انا تعبانه ومش قادره اقدم حاجه تانيه بقيت مش زي الاول وانا لو فضلت زيادة عمر كان هيقول كلام انا مش هقدر استحمله انا كفايه عليا اوي كدا .....انا عارفه انك كنت بدور عليا حتي اني شفت ناس بتسأل عليا وعرفت انك انت اللي مشغلهم بدأت اراقبك من بعيد ....انت اتغيرت ...وضعت يدها علي خده :انت مبقتش زي زمان انت دلوقتي حسه انك تعبان ....ومش كويس ولا بتاكل كويس ولا بتركز في شغلك ...خسرت وزن كتير ومش مهتم بنفسك و انا السبب في كل دا ..حسيت اني لازم ابعد ...
مراد مقاطعا لها:انا كل اللي محتاجه انك تفضلي جمبي وبس مش عايز حاجه تانيه.. تخليكي معايا وانا هبعدك عن أي حاجه تزعلك وعمري ما هجرحك في يوم ...انا عايز ابقي جزء من حياتك يا بيرلا
بيرلا:اومال انت اي الوقتي
مراد :مش حياتك دي...انا عايز اعرف كل حاجه عن حياتك ايه اللي بيزعلك ويفرحك احكيلي عن جدك احكيلي عن كل يوم وحش شوفتيه واي لحظه حلوه حسيتها بي انا مش هضغط عليكي انا عايز انتي اللي تيجي من نفسك وتحكيلي ...وهفضل مستني لحد ما تفتحي قلبك وتبقب واثقه فيا ومهما تحكيلي الموضوع مش همل منك ابدا ...
ابتسمت بيرلا له
أنت تقرأ
حبيبتي الغامضه
Mizahهي مرحه ومضحكه و استثنائية لكن بلحظه يمكن ان تتغير ١٨٠ درجه لانسانه عصبيه وبارده بنفس الوقت... ماضيها محزن غريب سري ولا تتكلم به مع أحد هل سيأتي من يفتح بابها ؟ هو لم يفكر بالحب لكن ها قد اتت من ستسلب قلبه من دون ان يشعر قصه كوميديه رومانسيه الكتاب...
