طغيان

مشهد تشويقي

مشهد :

" منو أنت..... شتريد من عدنا ليش دسوي هذا كله الله يخليك"
گالت وهي ترجف وخايفة من اللي امامها بعد مانزل بطوله الفارع من السيارة ومحاوطينهم الحراس بكل مكان بعد محاولات هروب هي وصديقتها واخوها الصغير بسيارتهم وبعد عشر دقائق من المطاردة انتهت بأنو تحاوطهم سيارات الحماية بكل مكان مانعتهم من انو يتحركون اي خطوة ثانية سواء كانت للأمام او للخلف
ناطق بصوته الحاد والمرعب " لأي درجة احتليتي عقلي بحيث خليتيني اطاردج بكل مكان"

"عوفنا نروح شتريد منها لخاطر الله" گالت سرى صديقتها وهي تحاول انو ترجعها خلفها هي والطفل الصغير اللي لازمته بيدها
وكل اللي سواه بأنو اشر للحراس اللي اتقربوا ويبعدوها هي والطفل عن امام محبوبته مخليهم يصرخون بأعلى صوتهم
ومتقرب للي جانت ترجف وتتراجع ليوره بكل خطوه يتقدمها
" خطوة وحده ليوره واول طلقة ح تجي براس اخوج" گالها لـ اللي جمدت عن الحركة وهي تشهق بخوف ودموعها ينزلن بعد ماشافت مسدسه
متقرب منها بهدوء بحيث متفصل عنه خطوة وحده منزل راسه الها وبالتحديد يم رقبتها، فصل عن الدنيا وهو يشتم رائحتها ماد ايده بهدوء لخصرها وهو حريص بانو يتحرك بهدوء حتى لاتخاف منه
يناقض نفسه بنفسه بعد ماخلاها ترجف من صوته والمسدس اللي بيده، ساحبها اله وضامها ل جسمه بعد مارفعها عن الارض حتى توصل لطوله همس لنفسه "افيش ياريحتج" رافع راسه من رقبتها ومأشر لواحد من الحراس اللي محاوطينهم
متقرب من رئيسه وماد اله الابره الحاويه على منوم حتى يحقنها لـ اللي بين ايده ترجف
انتبهت على سرى وهي تأشر الها من سيارتها اللي اجبروها الحرس تصعد الها، حست انو اكو شي ديصير صارت ادفعه من صدره وتحاول تبتعد عنه بس كان مثل الصخر ميتحرك وهي كانت اصغر واضعف من انو ادفعه حاوطها بأيده اكثر ضاغط على جسمها بطريقة تأذيها ومقرب ايده الحاويه على الابره من ايدها وحاقنها الها وهي تبجي وتشهق اكثر بين الكلمة والثانية
"لا وخر هاي شدسوي شنو بيها هاي الابرة" حاقنها غير مهتم بكلامها او دفعاتها اله وبعدها مقبلها على ايدها بنفس مكان الابرة وماكانت اله كم ثانية وهي تغمض عيونها ويرتخي جسمها ولزمتها ايدينه، رافعها عن الارض شايلها بين احضانه ماشي بيها لسيارته ومأشر للحراس حتى ينطلقون مرة ثانية وهالمرة حبيبة گلبه بين ايده وبأحضانه...........

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أحم هلاو گايز شلونكم، ف شنو يعني هاي اول رواية اكتبها أو لا صراحةً ثاني رواية والاولى منشرتها ف قررت ابلش بهاي واحس انو يعني اكشن وحماس وخوف و رعب وكلشي حرفياً كلشي يحبه گلبكم واحس حيل فرحانة وهذا بارت تشويقي للرواية او مشهد وعن قريب ح انزل اول بارتين بس اكملهن واريد اشوف رأيكم 😔🤍