فصلية يزن 🦋

بارت 1

فصلية يزن 🦋
للكاتبه مــــيَم حاء 💛
_________________

دارت سنة فَگدك يَمحبوب
الروح مثل الشمعه و تذوب
بعدك صرت بالدنيا مرعوب
چآ ليش يمك ماخذتني
__________________

جنت بالمطبخ جاي ﺈسـُوʊ̤ عشى واغسل المواعين ايد للعشى وايد تغسل المواعين وايد ترتب المسواگ هلكت تماماً تـ؏ــــبت و دنيا حاره تموت جان بوكته شهر سادس وصيف تكتل واصلاً مطبخنه مو مثل العالم لا بنكه ولا ساحبه وكلشي ماكو و محد يساعدني يعني انه هنا خدامه بااعتبار

جنت جاي اگلب   باذنجان حتى لا يحترك شيفكني اذا احترك واجتلي صطره ؏ چتفي بس احس چتفي طار ؏ ورم ؏ ماادري ﺷنۅ درت ولكيت سعاد ( مرت ابوي)

سعاد : لج الخايسه طيح ﺈللـهہ حضج باذنجان ما تعرفين تگلينه جا شتعرفين بتليت بيج انه هسه شنطيهم والبنات تعبانات وجاي يدرسن وابوج ﺈللـهہ اليستر عليه ما شاءالله بلگوه يجيبلنه ﺂڪل خرا بهيج قسمه خايسه ونگسه

زينب : لا عمه والله ما احترك جاي اگلب بيه وعيني عليه هسه انه اصب للبنات بس اكمل العشى واجيبه الهن بالهول

سعاد : ايي طبعاً تودينه الهن قابل هنه يجنج جاي يدرسن ويتعبن ومابيهن حيل اريدهن يصيرن دكتورات ، يلا خفي ايدج  لا تصيرين فاهيه

بس طلعت غميته شكد حقيره وياي تريد بناتهه دكتورات لـ؏ــد انه لـٓيـٌـٍش لحت ؏ ابوي وبطلتني تگله ما اكدر ؏ شغل البيت وبتك جبيره صارت والدنيا مو امان اهم شي تعرف تقره وتكتب و ماشاءلله ابوي بسرعه قبل حتى ما اخذ رأيي فرت عقله فر

المهم ڪـمݪــت العشى وخليت صينيه بيهه طماطه گلي وباذنجان گلي همين وكصصت صحن خيار وطماطه وحميت الخبز ؏ طباخ وسويت لبن بارد مجرش كل شـُوي اخذلي شربه من جك اللبن

رحت وديت الصينيه بالهول طبعاً بابا جان بعده مراجع وبس عمه سعاد بالهول والبنات ماكو وحمودي جان نايم لان هوه بعده طفل عمره تقريباً سنه ونص فخليت الصينيه بالگاع

سعاد : صارلج ساعه هوه هذا ﺈللـهہ الي كدرج عليه وانه كلت ࢪآح تمد السفره من الطول للطول

زينب : يعني شتِردين ﺈسـُوي  مثلاً هوه هذا الموجوده بالثلاجه والمسواك الي جبتوه كله علاكتين بصل وبتيته وعلاكه خضره ماكو شـي اسوي ﺑ؏ـد

بين ما انه جاي احجي وياها طبعاً استغربت من سكوته وما ردت ؏ـٰـليھـٰۃ من جاي احجي بس جنت مقهوره والله لان دنيا حاره وانه البيت ؏ـٰـليھـٰۃ كله تنضيف وطبخ وغسل واصلاً جان بس هذا الموجود وهمين جنت مقهوره من طكتني بالمطبخ ومن تقهر بيه تكلي بناتي دكتورات اريدهن وانه بطلتني وجنت فد شاطره وجان حلمي صيدله فجنت احجي بعصبيه وحرگه بس وانه جاي احجي اجتلي كفخه ؏ راسي احس اكو شـي نزل من راسي وعيوني صارن سود وخشمي انسد ما صيطرت جان التفت والگه
علاء : يا ادبسز ما مربايه اليوم اله اعيد تربيتج من البدايه تلاسنين هيج وتردين ؏ المره الي ربتج وتعبت عليج