فصلية يزن 🦋

بارت 14

فصلية يزن 🦋
للكاتبه ميم حاء 💛
_____________

وحك عيني البجتلك مال أختها

جذب تلكه ويه شخصك مال أختها

صورك من حركتي ملختها

وبجيت وملخت ثوبي العليه.💔

-------------------------------

مشينه بصوب البيت وجان الباب مال بيت كلش جبير مو مثل بيبان بيوتنه يصير لون اسود وضخم المهم وصلنه يم الباب وجان اكو اثنين ولد واكفين يم الباب وكاضين بديهم اسلحه اعتقد الحمايه للبيت يحرسون البيت لان واضح من بيتهم همه ناس متمكنين كلش

المهم عمي محسن ظل يحجي ويه واحد من هذول الولد الي واكفين بالباب وراح الولد وره تقريباً عشر دقايق اجه الحارس وبعد وياه رجال جبير بالعمر بس مو كلش اجى يمشون بصوبنه وجان الرجال شوارب عده نازلات لحيته وحواجبه عريضه وملامح وجه عصبي مبين كلش ونضراته تخوزر

خفت منه ورجعت ليوره وگفت وره عمو محسن اجه لعمو محسن انه بقيت واگفه وره عمو محسن بس اباوع امد راسي عليه واباوعله
وهوه مخلي ايديه ليوره وعاگد حواجبه ويباوعلي وانه وره عمو محسن

عقيل : السلام عليكم

محسن : وعليكم السلام خويه ، احنه اجينه انسلمكم الامانه

عقيل : قصدك الفصليه مو؟

زينب : اهوو اذا هذا الرجال الجبير هيج يگول وكارهني جا الي راح اشوفهم شنو

اجه ولد شاب لابس دشداشه سوده وجفيه لافه ع رگبته ، وگف يم هذا الرجال الجبير وظل يباوعلي ولا وخر عينه نهائياً بس من نضراته مبين مو عصبي يعني زين ، انه هم شي اول مره اشوفهم
ظليت اباوع اريد اعرفهم اريد اطمن زينين لو لا

تقرب يمي عمو ليث وگضني من ايدي حيل وصار گبالي علمود ليشوفونه وهوه جاي يحاجيني صك سنونه وخوزر عيونه

ليث : بت الكح.. عينج نزليه لا اعميه الج اكلتي الولد اكل بنضراتج

عاف ايدي وخر صار ع جه انه خفت من كلامه بقيت مدنگه گلت عيب لا يسويه هذا ويضربني گبالهم ، حجيت بيني وبين نفسي گلت هم صدگ عيب شبيني ظليت بس اباوع لا ياخذون عني نضره مو حلوه

محسن : خويه ابو شنو انته علمود اتواصل وياك

عقيل : الشيخ عقيل ابو محمد

محسن : اتشرفت بحضرتك

عقيل : عباس روح جيب عباه

زينب : سمعته گال عبايه مااعرف شنو الغلط بلبسي جان مو ضيگ واسع ، وهذا عباس ما صدگ گالوله راح يركض ركاض ، بقينه واگفين حتى مادخلنه گال استريحو ولا شي خلانه برا ع ما جاب العبايه

طلعت عبايه راس وانه ولا مره لابسته البس كله صايه يعني ما اعرفله وجان قياس العبايه جبير مو ع قياسي وطويله واسح سح