فصلية يزن 🦋

بارت 13

فصلية يزن 🦋
للكاتبة ميم حاء 💛
___________

هي أعمقُ من أن يستحقها شخص
سطحي ، أكثرُ حنيّةً من أن يعرف
أهميتها شخصٌ قاسٍ .. تشبه الكمّ
الهائل من الأحلام التي لا تتحقق في
حياة المرء إلا مرة دفعةً واحدة .

__________________

وصلنه للسوك نزلنه من السياره وعمه مريم وعمه سعاد يمشن گبالي وانه وراهن وزهراء وياي تمشي جان السوگ كلش ازدحام وبيه اشكال الملابس تجنن وكلشي حلو ما جايه قبل للسوگ لان عمه سعاد مجانت تاخذني للسوگ بس مالي خلك ابداً حتى اگلب واباوع للملابس

دخلنه للمحل وجان محل دشاديش وبدت عمه سعاد تگلب بالدشاديش وكل شوي هاي حلوه عليج لا هاي احلى وبس هيه تحجي وخابصه الدنيا من كد فرحته انه بس اهز براسي وحتى ماقبلت اگدر الملابس ما انتبهت شنو اخذن من ملابس بيت واخذلي همين ملابس طلعه وملابس داخليه ومكياج وعطور بس مو هواي اشياء قليله صارن بس جنطه وحده

كملنه من السوك ونريد نرجع وما صدگت راح نرجع لان ردت بس ارجع وانام لان حيل تعبانه نفسيتي والتفكير كاتلني كتل

سعاد : يا خيه ام مصطفى ما اشترينه حلقه

زينب : حلقه شنو انتي شو عبالك عندج عرس ترا مو عرس هذا

ظليت اصيح بالسوگ والناس تباوع وهيه فشلت بس رادت تسكتني وانه ولا همني اي احد ظليت احجي ومنفعله لان صدك شي يقهر عبالك عده عرس من صدك ولا كأنو رايحه اخدم وراح اعيش بجهنم

مريم : يمه زينب عيب گبال الناس امشي بالبيت نتناقش

سكتت ما حجيت شي لان الناس كله ظلت تباوع رحت وكفت تكسي واجن وراي ركبنه وعمه سعاد اباوعله منتقمه تتمنى تگضني وتگطعني تگطع بس ماتگدر متحملتني لان تدري بيه راح اروح

ركبنه ورجعنه للبيت ع طول الطريق انه اباوع ع الطريق وهنه ذاباته ع الصامت همين وصلنه للبيت بابا جان كاعد بالديوانيه رحت گبل صعدت فوگ رادت تجي وراي زهراء بس سمعت عمه مريم تگللهه عوفيه خليه بحده صعدت للغرفه تمنيت اول ما افتح الباب الگه مصطفى بالغرفه بس ماكو احد ذبيت روحي ع الجربايه وابجي بحرگه اريد اعرف مصيري شنو وهمين خايفه وافكر شراح يصير من اروح هناك يم ناس ما اعرفهم ،المهم نمت وانه ابجي يعني غفيت شوي ع ما گعدتني زهراء

زهراء : زنوبه حبيبتي يلا صبينه غده وانتي مماكله شي يلا تعاي تغدي

زينب : مااريد اي شي ما اشتهي العسل

زهراء : مو زين الي جاي تسوينه بروحج ترا

زينب : زهراء انتي حاسه بيه جاي تحسين بالي جاي امر بيه ؟

زهراء : ادري واللله ادري يا حبيبتي انتي بس شسوين قابل هذا امر الله ما يصير نعترض

زينب : امر الله ؟ رب العالمين ليش هيج وياي اخذ امي مني وما شبعت منه تركت الدراسه عشت عيشه الخدم ويه سعاد وهسه فصليه ؟ شضاملي بعد رب العالمين