النهارده انا جاي افضفض معاكم فعلاً مش اتفلسف عليكم بالكلام
اغلبنا ونا اولكم اما بيحصل معاه حاجه متعجبهوش بيقول
لي يا رب كدا..؟؟
اشمعنا انا...؟؟
يا رب مهم مرتاحين اهو لي انا لاء؟
ونفضل بقا نمشي ف الشارع كل اللي نعرفه واللي منعرفهوش يعرف اننا كنا عاوزين حاجه وحصل عكسها
كل اللي يعرفك واللي ميعرفكش يعرف انك محلتش ف الامتحان النهارده
يعرف ان مفيش معاك فلوس تروح الساحل
لي كل اللي يعرفك واللي لاء يعرف انك زعلان او ان عندك مشاكل؟
مين منهم هيعملك اي...؟؟
السؤال دا طول عمري بسألو لنفسي مين منهم يعملك اي؟
ياخي دا انا لو سألتك ابسط سؤال ممكن تتخيلو ف حياتك على اكتر حاجه بتتمناها ف حياتك مش هتعرف تجاوب🤦🏻♂️
نتراهن؟
طيب لو قولتلك نفسك ف اي ؟ نفسك تحقق اي ف حياتك؟؟
اغلبكم اجابته نفسي اكون ناجح
طب لو سألتك يعني اي ناجح؟؟
قبل متكمل قراءة فكر بجد وحاول تجاوب ع السؤال بتاعي
يعني اي ناجح؟
فكرت؟
ههههه انت حتى محاولتش تفكر وبتفر بسرعه عشان تشوف هقولك اي تاني
بجد بقا اقف وفكر محتاج منك دقيقه تفكير بس اسأل نفسك يعني اي ناجح
اكتبولي اجابتكم
مهو النجاح غايه بس عشان تحقق الغايه دي محتاج تعرف اي غايتك
اغلبكم هيقول النجاح اني احقق نفسي ف مجال ويبقا معايا فلوس وامشي اتمنظر ع الناس
ايوه يعني النجاح بالنسبالك ان الناس تقول دا فلان ناجح؟
طب لي ديماً رابط حياتك بالناس
لو سألتك عن ابسط مثال بتقوله كل ام مصريه
كل ما تحب والبس ما يحبه الناس؟
ايوه البس ما يحبه الناس لي؟
مين فيهم دفعلي تمن اللبس دا عشان استنى يعجبه
= بس الناس هتتكلم عليا وتقول دا زوقه وحش
ـ يعني لو لبست اللي يعجبهم مش هيتكلمو؟
لو قولت ايوه يبقا بتكدب علي نفسك لأن الناس كدا كدا بتتكلم ومحدش فيهم عاش ظروفك ولا مر بتجربتك
اما تشتري طقم شيك بيقولو شوف لابس اي عامل نفسه ابن محمد علي باشا
لبست طقم متوسط يقولو اي دا هو لابس كدا لي
لبست طقم وحش اي القرف اللي هو لابسه دا
الحقيقه كلهم بصو للشكل
مبصوش انك اشتريت طقم شيك عشان عجبك وانك خارج مع صحابك
ولا اما اشتريت متوسط عجبهم عشان انت عاوز تبقا بسيط وتلبس عادي زي اي حد
ولا اما اشتريت طقم رخيص عشان دي مقدرتك مثلا او دا اللي معاك حاليا سابوك ف حالك
الحقيقه محدش عاش ظروفك
واللي انت مش قادر تصدقو ان محدش منهم فارق معاه انت عاوز اي؟؟!!
والاكيد
ان محدش منهم هيفرق معاه انت بتمر ب اي
بس انت غبي
ايوه غبي
ههههه زعلتك كلمة غبي؟
طب يا غبي يا غبي يا غبي
