فصليه الشيخ سطام(لم تجفُ الدماء)

البارت الثامن الجزء الثاني

#فصليه_للشيخ_سطام

#البارت_الثامن_الجزء_الثاني

#مها_الدليمي

علقو عله الفقرات واريد التعليقات تصعد
ولتنسون التصويت⭐⭐⭐❤️
قرأه ممتعه لكم❤️
____
دخل سطام بحاله هستيريه بل غرفه و اني اباع عله وجهه الي جان يخوف بشكل مو طبيعي و كال كلمه

كلبت كل كياني

_بياااااان ابنههه

كمت بسرعه من مكاني و اني اشوف دشداشته البيضه اتحولت حمره عله كميه الدم الي بيه

وكفت يمه و اني احس روحي انشلت و ماكدر احركه

لزمت الحايط واني اباع عليه و اريده يحجي

_سطام كوول شبي حسسن كووول

وكع بل كاع و ميدكر يكوم ولا ينطق اي كلمه

اتقربت عليه و كعدت مقابيله

واني الزم وجه بثنين ايديه و امسح الدم ب ايدي و دموعي تجري
_حبيبي كول شبي حسن

_بيان رااح من عدنه رااح
_جذاب انته ابني ميروح و يعوفني ميرووح اني اكلك
عفيه كول شبي كول مابي شي و هسه يجي من المدرسه لتخاف

موو سطام لجذب، عليه هههههه اعرفك تنصب عليه ليش متبطل هااي السوالف ههههههه

كوووم خلي نروح ناخذ من المدرسه كوم يله كمت عله حيلي و اني اضحك و عقلي مكاعد يستجيب اي شي

و فقط جانت دموعي تنزل

اخذت العبايه بسرعه ولبستهم و اني اباع عليهم يبجون
احس عقلي فصل و مكاعد يستجيب اي شي

رجعت يم سطام و اني احاول اكومه

_كووووم سطاام خلي انجيب حسن من المدرسه

اخذني بحضنه و هوه يطبطب عليه. يحاول ايهديني ب اي كلمه

_بيان حبيبي هدي
_شهدي سطاام ابني ميمووت والله ميموت

علئ هل اثر سمعت صوت عياط قوي بره جان كفيل بانو يخليني ارجع للواقع الي اني بي

ابتعدت عنه بسرعه و فتحت الباب و اني اركض مثل المخبله

نزلت اخر بايه و اني اشوفهم كلهم مجمعين و يبجون و يلطمون

مشيت بوسطهم و اني احجي وياهم

لتبجووون ابني ميموت والله ابني ميروح و يعوفني هسه يجي لتخافوون اني اعرف بي

بس لتبجون عليكم الله

كعدت بل كااع و اني خاله ايدي عله راسي و دموعي تجري اكثر و اكثر

ماريد اصدك كل الي كاعد يصير اريد ابني يرجع

احس وجع بكلبي و جسمي كله المن ما اتحملته طيله حياتي

كمت من مكاني بهدوء و اني اتمشه لباب الخروج و اكول بصوت شبه مسموع