فصليه الشيخ سطام(لم تجفُ الدماء)

البارت الاول

مثل كل يوم ايدك المنبه الساعه 6ونص و اسد المنبه وارجع اناام ويرجع ايدك اخير شي اكول اهووو خلي اكوم احسلي

ومثل العاده اغسل وجهي و ابدل واخذ جنطتي وانزل جوه

ام بيان: ولج بسرعه امشي باعي الساعه ب7ونص تعاي اكلي بساع حته تروحين

بيان: ما اشتهي ماما صباح الخير بابا ورحت وره بابا وحضنته و بسته

ابو بيان : صباح النور بنيتي الحلوه المجتهده

ام بيان : ولج عوفي ابوج هسه امشي للمدرسه

بيان: اي ماما حروح والله ميصير ابوس ابويه و اروح لو تغارين باوعت ال ابويه وغمزتله وهو كعد يضحك ويكلله شبيج ام بيان شنو اتغارين من بنيتي تعاي باباتي بوسه لخ قبل متروحين وهاج فلوس

ام بيان: اني اغار من بنيتي تعاي لج بوسيني و غوري ابوج

بيان: رحت حضنته و اباوع لبويه و اضحك وهو يكلي هاا خنتيني يولي لو هاي الوالده بعد ماكدر اناقش يله روحي عاد راح تتاخرين

رحت لبست حذائي وطلعت و اتمشه بشارعنه وجان الجوو حيل حلوو وبي بروده و مغيم الجوو جان نهايه شهر ال 2و وصلت شارع بيت عمي بيناتنه شارع و شفت ابن عمي سلمت عليه و كملت طريقي ورحت للمدرسه ومدرستنه قريبه فرق شارعين عليه وصلت للمدرسه استلمتني المدرسه لان جنت لابسه حذاء احمر وضلت سنه اترزل واني ما اهتم يعني شنو عشتو عود نضام

لازم اله حذاء ابيض هسه انتو سوو خوش مدرسه وحطو رحلات وحمامات نضيفه عود بعدين احجو دخلت للساحه و رحت لصديقتي مريم

مريم صديقتي من الروضه اني وياها وليهسه بعدنه واحنه حاليا اعداديه صف سادس و علمي

راجعنه شويه و صار الاصطفاف يابه شكد اكرهه يعني ليش ميدخلونه كبل ونخلص عاد كملو ودخلونه لصفوف وبدت الدروس و اني كلش شاطره يعني درجاتي متقل عن ال 90 و كملنه الدوام ورجعت للبيت اول مااطب كبل اروح للطباخ اشوف امي شمسويه اكل لان اكون كلش جوعانه واكعد اكل بل جدر ههههه و امي تجيني اترزلني و تكلي

ام بيان : الواحد اول ميفوت ايسلم يبدل يغسل لو كبل للاكل و انوب بل جدر شبيج ادري جنتي بمجاعه هناك

بيان: يمه تعرفيني اني عيشتي جوعانه و تعبانه خليني اكل

ام بيان : امشي غسلي و بدلي و تعاي اكلي بين ما اصبلج

بيان: اي ماما رحت بساع بدلت و غسلت ونزلت اكل كملت اكل و صعدت نمت وكعدت بل5 وبديت اقره لحد 7 عاد انزل اتعشه واكعد ويه امي و ابويه ونضل نتشاقه اني ابويه من النوع كلش حنون عليه وعله اختي ريام اختي ريام متزوجه قبل سنه و مخلصه كليه قسم هندسه و زوجه اسمه سلام وياها بل كليه وانعجب بيه و اتزوجه ,
وابويه كلش ايحبنه واي شيء انريده ايجيبه النه و ما امخلينه بعازه شي الحمدالله و ما ماد ايده علينه بيوم ابويه ايحب التفاهم يعني اي شي انسويه ميضرب لا يتفاهم بس اذا انعاد الخطا مره لخ لا عاد يختلف ويانه كملت اكل و صعدت لغرفتي وبديت اقره لحد منمت من التعب وحاليا دا اشد اكثر بل دراسه لان ما بقه شي ونعطل و تبدي المرااجعه مالتنه حته نمتنح وزاري ......