فصليه الشيخ سطام(لم تجفُ الدماء)

البارت الثالث

من انت؟

هل انت الشخص الحنين ام الشخص القاسي

ان جميع الناس او لنقول جميع الفتيات يتمنوك لهم لما انا اختلف عنهم ولا اتمناك

اريد جواب مقنع لهذا

هل انا فتاه بلا عقل لكي لا اتمناك ام انا بكامل قواي العقليه

~*~~*~*~*~*~*~~*~*~*~*~*~*~*~*~*~*~*~*~*~*~*~*

طلعت من الحمام و هوه ضل يباوع  عليه و كبل رجعت للحمام و قفلت الباب

وكتله شعندك هنا غير ادك الباب يله اتفوت

سطام: يعني اتريدين حضره جنابج ادك الباب حته افوت بغرفتي لو شنو

بيان: هاا هاي غرفتك مادري والله

سطام : اي غرفتي لازم اني الي اكلج شعندج هناا بس راح اعبره هل مره بمزاجي و مره الثانيه تاخذين ملابسج اتبدلين بل حمام افتهمتي لو افهمج بطريقتي مو كاعده تفترين بل منشفه براحتج 

بيان: اي افتهمت بس ممكن تطلع بره اريد اخذ ملابسي

سطام: هههههاي ضحكتيني اطلعيني من غرفتي ؟

بيان: لعد حباب بس انطيني جنطتي

سطام: هاج جنطتج هل مره هيج سويت حته لتنعاد مره الاخ اتصرف غير تصرف وياج

بيان: متنعاد والله , فتحت الباب شويه ومدلي الجنطه و اخذته و بدلت اووو ماعندي دشداشه شلبس هسه ايي شسويله خلي البس من العندي لبست تراك شويه طويل لون وردي وطلعت و شفته كاعد على القنفه ورجع رفع راسه ويباوع عليه و رفع حاجبه وكلي

سطام: هاي شلابسه حضرت جنابج اتريدين تنزلين جوه هيج والرياجيل طابه طالعه متستحين شنو ماعندج دشداشه ولو من العاصمه ميعرفون شنو دشداشه
بيان: ضليت اباوع عليه و كتله بس ما بي شي لبسي واني اصلا جنت اريد اروح لشموخ اخذ منه دشداشه بس راح من بالي

سطام : اي ما بيه شي ابد باعي جسمج كله امبين بيه ضلي هناا هسه اروح اجيبلج شي من شموخ واجي

بيان: هذاشبي يا الله والله ملابسي عريضه مابيه شي ديحسسني لابسه نص ردان و حصر عليه شبي هذا. وره اشويه دك الباب وكتله فوت جان ايكول هاج هاي لبسيه عود من تنزلين مو نازلتلي بهذا

اخذت الدشداشه منه و حطيته بجنطتي و كتله بس اريد مشط جان ايكلي هذا يمج بل جرار مال ميز اتواليت اخذي رحت اخذت المشط و كعدت امشط واشوفه من المرايه يباوع عليه ويرجع ايباوع على التلفون كملت شعري وضفرته و رحت كتله بس وين احط ملابسي جان ايكول اتوقع اكو كنتور كبالج شكبره حطي بي ملابسج كتله اوك رحت وكفت كبال الكنتور و ماعرف وين احطهن جان ايكلي ذني البابين على جهة اليسره الج حطي بيهن اغراضج فتحت الكنتور و رتبت ملابسي و اخذت تلفوني جنت ناسيته و اخذته ورحت كعدت على الجربايه واول ماردت افتحه سطام اجه وكبل جره  من ايدي وكلي شنو هذا ولج