فصليه الشيخ سطام(لم تجفُ الدماء)

البارت الثاني

أيا حزن ابتعد عنـّـــــــــي ودع جرحي يزل همـــــــــي
وإنّي بك يا حزنـــــــــي غيــر العذاب لا أجنــــــــــــي
تعبت من كثرة التمنـّـــي ولست أنت بسائلٍ عنـّـــــــــــي أيا حزن لاتسئ ظنـّــــي فأنت في غنــــىً عنـّـــــــــــي
فلي من الآلام ما يبكــــي ولي من الجروح ما يدمـــــــي
ألا يا حزن أتعتقـــــــــــــد أنّـــنـــي منك اكتفيــــــــــــــت
ألم يحن الأوان بعـــــــــد ألم يحن زوالك يا حزنــــــــــي؟ 
~*~*~*~*~*~*~*~*~*~*~*~*~*~*~*~*~*~*~*~*~*

وصلنه للبيت وضليت امشي وراه طبينه للبيت جان ايصيح بكل صوته حسيت البيت انرج و كال وينكم جبته

ضليت واكفه جان تجي مره من بعيد وجه امشخط ولابسه دشداشه سوده و لافه فوطه سوده و اجتي ركض عليه و جان اتجرني حيل من شالي والشال وكع بل كاع وشعري كله طلع جان اتجرني بل كاع وتصير فوكي وكاعده و تضرب بيه راشديات و تجر بشعري جان يجي عليه سطام وكعد يدفعه ويوخر بيه وهيه مستمره بل ضرب والفشار الي اكو نصه سامعته ونص لا ما بقت شي يعتب عليه و كلساع اتردد كتالت ابني كدامي و ما اسوي شي عاد عاط سطام عيطه يمكن انرج البيت و يصيح وخرري منه لا بل قراان احررك البيت حررك وخري

عاد وخرت واني ابجي وشعري مكفش و اشيل بحجابي البسه و اشوف نسوان واكفات وحجيه تطلع اكبر منه وجهال انوب منين انطي وجهي من الكتله الي اول مره اكله لو من شعري الي تكطع و انكشف كدامه لو من الفشار لو من الفشله كدامهم جان يصيح

سطام: تعاي شمووخ اخذيه وديه فوك بسااع وانتو كل وحده لشغله لا احرك البيت عليكم والله

بيان: اجتي اخذتني و صعدتني فوك فوتتني بغرفه جبيره اول مفتت بيه فتحت الاضويه وجانت بيه جربايه جبيره لون اوف وايت وكنتور اوف وايت و جبير وبي جام و ميز اتواليت و قنفه و تلفزين و اكو ثلاجه صغيره و بيه حمام

كعدتني على القنفه وكالت مسحيه بوجهي خيه هاي ام المرحوم و متحملت سامحيه لخاطري و اني اهز براسي من دون كلام  و ابجي

شموخ: ياا عجل مرت اخوي خرسه ما تحجي

بيان: هيه كالت هيج ضحكت

شموخ: اي عيني ضحكي عبالي جايبينه وحده خرسه الحمدالله طلعتي تحجين و حلوه والله حضك كعد يا سطام

بيان: هيه تحجي واني مفاهمه قصده جان عيوني ترجع ادمع وبجيت

شموخ: شبيج يحضي ليش تبجين مو جنتي شحلوج تضحكين شجاج و بجيتي

بيان: اباوعله وابجي ماعرف شكول اله

شموخ: راح اعوفج هسه روحي غسلي ونامي والباجر الصبح اكعدلج خوش كعده و تحجيلي شبيج

بيان: طلعت وسدت الباب وراها واني كعدت ابجي بل زايد وكمت اشهك نزعت العبايه و الشال و فتت للحمام و غسلت وجهي كعدت على الجربايه واباوع يمكن هاي غرفته عاد مادري عله نفسي ونمت