مشاعرهم

P.. 2

حداث سابقه..:

ورد: .. كمال
(من وكتها لا اراديا بجيت..
من سمعت اسمي على شفاهك اجه..
وانت ما رديت بس احجي واكول
انت ما رديت بس گلبك حچه..)
كمال:  ها؟
ورد:  راح تتذكرني؟
كمال: چذب اذا اكلج اي
ورد: تصبح على خير
قفلت تليفوني وكعدت ابجي.. وجانت اخير مكالمه النا
.. من فشلتني كبال روحي وكابلت روحي وبجيت

now:
كعدت الصبح وما لكيت صديق والدي بالبيت
ما انطيت اهميه للموضوع لانو هو قبل ما نجي كال الي انو هو هواي يطلع يتونس
طلعت من البيت وره ما قفلت الباب وشفت شخص يحجي بغدادي بالمنطقه فصرنا اصدقاء
اسمه احمد
رحنا اني واحمد نتونس ويشوفني المنطقه ويعلمني شويه من الكلمات الكردستانيه...
واحنا نمشي بالصدفه سألني..
احمد:  شتحب؟
كمال:  احب ورد
احمد:  حلوو حلوو عاد تدري احنا عدنا بالحديقه هواي ورد
كمال:  حافضو عليهن
جنت اتعامل ببرود وياه لانو جنت تعبان وشكلي ووضعي ابد ميساعد انو اضحك حتى
رجعت بليل للبيت ولكيت الباب مفتوح ف عرفت انو صديق ابوي اخيرا اجة
لكيته كاعد عالقنفه منتضرني وسألني..:
:  ليش تأخرت؟
كلتله بكل بساطه جنت وية احد اصدقائي الجدد
: وانت منو سمحلك تصادق هنا؟  اخذت اذني؟
كمال:  ليش انت جنت موجود اصلا؟ من الصبح وهستوك رجعت احبس نفسي مثلا علمود اخذ اذنك؟
: انت هنا علمود تشتغل وتصرف بسس
كمال:  وانت هنا علمود تدير بالك علية بسس انت لا تقدم ولا تأخر واذا جان هذا بيتك والك القرار بي
ف اني طالع..
طلعت من البيت لمكان ما ادري شنو هو صفيت بمكان كبال البحر كعدت عليه وخليت جنطتي بصفي..
طلعت الورقه والقلم وبديت اقره واني دا ابجي
لكيت هواي اشعار.. وهواي احاسيس طلعت من قريت الدفتر..
جنت بكليوم نجتمع بيه اني وورد.. اكتبلها شعر وهي متدري
واكثر شعر هي حبته..
(ماخذني الزهو وفرحان
ما مشتاقلك ما جيت يم بابك
بعدها بروحي تلعب ريحه ثيابك)
فتحت تليفوني لكيت مكالمه من ابوي ما رديت لان ادري راح يحجي عن سالفه صاحبه وليش اني طلعت من البيت..
تكفيت الشر وكلت بعدين احجي ويا
واني اباوع عالبحر..
( صار النوم مو شرده اشوف عيونك بكل صفنه تتبده)
جانت الساعه 11:11
دك تلفوني وجان المتصل.. ورد
شلت التليفون بساع بس وعيت ورديت بصوت عادي..
كمال:  الو؟
ورد:  ينطيك كلبك ننتهي وبس بالاحلام تشوفني؟
رديت عليها وره ما نزلت دموعي وكلتلها:
كمال:  ما كافي دمرتيني؟
ورد:  ليش دمرتك كمال شنو سويتلك شي اني
كمال:  انتي ما سويتيلي شي انتي سويتي اشياء ورد
اشياء لو احجيلجياهه حته نفسج تكرهيها
وبكل اشيائج المكروهة... حبيتج
واني كتلج.. انو هذيج جانت اخير مكالمه.. لانو ما اردي اتذكرج بعد لا بحياتي الحاليه ولا المستقبليه.. انتي لشخص ثاني..صحيح اني طفل عمري صار 17 سنه
بس حبي الج اكبر من عمري بهواي.. احنا بنفس العمر
بس بغير تفكير
ورد:  يجي يوم واجي گبالك واذكرك بية بالگوه..

يتبع..