مشاعرهم

P.. 5

احداث سابقه:

بصراحه.. بهذيج اللحضه جانت ورد بعدها بگلبي.. بس ضفت بدفتري شعر لاماني.. تسمعونه؟
( احس بنقص بالالوان ناقص لون ماعرفه
صفنت بصورتك واحترت الغرفه! )
اني ما حسيت نفسي منجذب لاماني ولو حتى شويه..
بس جنت بكل لحضه بحياتي اتذكر ورد
ومن حجيت ويا اماني جنت كلش مركز بحديثنا سوه
ركزت تركيز حتى اذا احجي ويه ورد.. ما اركز هيج
صحيح اني لسا احب ورد ومتعلق بيها بس.. اني الي نهيت علاقتي بيها علمود ما تتطور
وره ما اعتذرت من اماني رحت كعدت يم احمد وخلص العرس على خير وباركنا للعرسان ورحنا لبيتهم
كمال: احمد اني اسف.. بس ما اكدر ابقه ببيتكم اكثر من هيج.. الواحد لازم تصير جيته عزيزه
احمد: كمال انت تحجي صدك؟ اني مو كلتلك انت واحد من بيتنه بعد
كمال: احمد صارلي اسبوع يمكم
احمد: واذا؟؟
كمال: راح اخذ شقه ايجار
احمد: ماكو يله تعال ادخل
كمال: والله ما ادخل
احمد: والله تجي متروح منا
جنا نتناقش لحد ما ام احمد خربت السالفه
: يله فرشت الكم بالديوانيه تعالو نامو الدنيا ليل
احمد: اي صدك الدنيا ليل شنو ما تنعس انت؟؟
كعدت الصبح علمود اروح للمكان الي اشتغل بيه ولبست بدله الشغل وكعدت انتضر لحد ما..
كمال: لازم دتراقبيني؟
اماني: لا بربككك؟؟ منو الي ديراقب الثانيي
كمال: والله عاد حليها بشطارتج
اماني: اني هاذ المكان اشتري منه كهوه
كمال: واني هاذ المكان ابيعلج بي كهوه
اماني: اوهه انت تشتغل هنا..
كمال: عفيههههههه
اماني: ه ه ه ه... ديله انطيني كهوه
كمال: اشتغل عندج؟ ها اني اشتغل هنا.. تمام دقايق

خلينا نقدم الاحداث شويه.. ل 3 سنين.. يعني من صار اعمار:
ورد: 19
كمال: 20 لانو هو اكبر من ورد
اماني: 19
احمد: 21
كبرو الابطال وكبرت عقولهم.. وكمال يكول..
اني صح عشت ويه احمد واماني هواي واعتبرتهم اخوتي صحيح.. بس صارلي 3 سنوات متردد انو اخلي نفسي متعلق ب اماني.. صحيح اني مره كلت احبها ومره كلت بس اعجاب ومره كلت اعتبرهه اختي.. بس عوضتني عن هواي هواي اشياء
واولهم.. ورد
جنت كاعد بشقتي افكر ب اماني شدتسوي هسه وورد شدتسوي هسه... بس دك تليفوني وجان المتصل.. ورد
ورد: باجر عرسي من اخوك.. امين
كمال: تذليني مثلا؟
ورد: انت شتتوقع؟؟
كمال: مو اني اليذلني انسان..
(شجاك وخاطري تكسره تحط بية جرح وتروح
واگلهم شوفو حط ذكرى!!)
ورد: حتجي مو؟
كمال: راح اجي.. بس لاخوي مو الج
وصح راح انجرح بس فتره وتعدي..
ورد: ما اظن تعدي منها
كمال: شنو قصدج؟
ورد: بعرس اخوك تعرف قصدي
(ليش غنيت لغربتك واني يمك جانت عيوني وطن؟)

يتبع..