مشاعرهم

P.. 6

احداث سابقه..:

ورد: باجر عرسي من اخوك.. امين
كمال: تذليني مثلا؟
ورد: انت شتتوقع؟؟
كمال: مو اني اليذلني انسان..
(شجاك وخاطري تكسره تحط بية جرح وتروح
واگلهم شوفو حط ذكرى!!)
ورد: حتجي مو؟
كمال: راح اجي.. بس لاخوي مو الج
وصح راح انجرح بس فتره وتعدي..
ورد: ما اظن تعدي منها
كمال: شنو قصدج؟
ورد: بعرس اخوك تعرف قصدي
(ليش غنيت لغربتك واني يمك جانت عيوني وطن؟)
قبل ما انام دكيت على اماني..
احمد يدري حروح لبغداد وراح يجي وياي
من دكيت على اماني كلت الها..
كمال:  اماني اني الباجر رايح لبغداد وبصراحه ما اعرف شوكت ارجع
اماني:  ليش ما كلتلي من زمان
كمال:  بسرعه صارت
اماني:  بس راح ترجع مو؟
كمال: .... اي راح ارجع
اماني:  تروح وترجع بالسلامه  انشالله..
كمال:  تصبحين على خير
اماني:  وانت من اهله
قفلت تليفوني وعلى اسسسااس راح انام..
بس من استوعبت شعوري.. اني لحد هسه احب ورد
بس دا احاول اخلي نفسي انساها باستغلال اماني
استغلال اماني مو الي ببالكم هذاك الاستغلال لا
اقصد استغلال فكري
بقيت افكر شلون صار شكل ورد هسه
وشلون حالهه واني راح اكون موجود باجر
بقيت افكر لحد ما نمت
كعدت الساعه 4:00 الفجر علمود احضر جنطتي
اي نعم ما حضرت جنطتي
كمت حضرتها وبدلت وعدلت نفسي وطلعت برا اشوف الجو
بس لكيت شي على سيارتي..
لكيت بوكيه ورد روز من الي احبه ومكتوب بكارت..
FROM.. A
يعني ( من.. ا)
اوك اعترف فرحت بس خليته بالبيت وخليت بي مي علمود ما يذبل لحد ما ارجع
مريت على بيت احمد علمود اخذه
رحت دكيت الباب طلعلي احمد سلمت عليه وطلعت وراه اماني تودعنا
شبگت اخوها وكالتله ديربالك على نفسك
كمال:  واني؟
احمد:  شتريد انت
كمال:  اقصد هم ديربالك علية
احمد:  دمشي امشي
وصلنا لبغداد ساعه ب 12..
والعرس ساعه 5
كمال: اكو مجال انام شويه
احمد:  ليش انت مراح تروح لبيت اهلك؟
كمال:  احمد تره اني ابنهم مو چنتهم
اول وتالي اروح
باوعلي احمد مستغرب وكال..
احمد:  تمام يلا نام شويه واكعدك
وره ما رحنا للعرس ومشى الوقت.. وشفت اهلي.. بقه شخص واحد ما شفته.. الي هو ورد
مشى نص العرس.. واجه الشيخ
وحضرو كلشي وورد ماكو
كمنا ندور على ورد لحد ما خابرتني..
ورد:  لتكول لاحد اني خابرتك.. ولتكلي اي شي
بس باوع فوگ
جانت ورد على حافه السطح..
وبدون اي وعي صرخت باسمها بصوت عالي
ومن الكل باوعلي..
گمزت ورد..
( يا بخت ذيچ العيون العايش الهن..
ويابعد كلمات گلبي الـ ما گلتهن..)

يتبع..