مشاعرهم

P.. 7

احداث سابقه:

كمنا ندور على ورد لحد ما خابرتني..
ورد:  لتكول لاحد اني خابرتك.. ولتكلي اي شي
بس باوع فوگ
جانت ورد على حافه السطح..
وبدون اي وعي صرخت باسمها بصوت عالي
ومن الكل باوعلي..
گمزت ورد..
( يا بخت ذيچ العيون العايش الهن..
ويابعد كلمات گلبي الـ ما گلتهن..)
من كمزت ورد الكل انتفض واني بقيت مركز عليها علمود واذا وكعت الزمها.. بس السطح جان كلش عادي
وعافت ورد العرس.. وعافتني
اعترف انو اني حسيت بالذنب بسبب انو تعاملت وياها بقساوه لمدهه 3 او 4 سنين تقريبا بس لو انو هي كايلتلي انو هي متريد تتزوج اخوي جان حاولت انهي موضوع هاذ الزواج.. بس ما جانت عندي اي فكره
صار عرس ورد هو وفاتها بنفس اليوم
بعد الحادثه هاي بقيت ببغداد ورجع احمد بس مع هاذ كله
بقيت اتواصل وياه.. بس اماني لا
اني من النوع الاناني والي ما يحب انو يبادر بمحادثه وهي تعرف هاذ الشي..
وبيوم سمعت صوت صراخ بالبيت وعركه كلش جبيره
طلعت الهم جاي اسئل شكو..
لكيتهم ديتعاركون بسبب الشي الي مكتوب بوصيه ورد
( اني ابد ما جنت معترضه على زواجي من امين بس لمن تحرش بية وكلت لابويه ابويه جان الوضع اعتيادي عنده وكأنو كلشي مصار ومن كلت لامي جانت خايفه على سمعتنا يم الناس وما خافت علية والشي الوحيد الي خلاني اسوي الشي الي سويته بيوم زواجي هو اعتداء امين هو واصدقائه علية قبل ليله من زواجنا.. قبل ما اتصل بكمال.. واذا قرة احد بيكم الكلام الي كاتبته اني بوصيتي... ف خلي يكول للكل انو اني ما سامحتهم كلهم.. من جبيرهم لحد اصغر واحد بيهم)
استوعبت بهذيج اللحضه انو ورد خابرتني بهذاك اليوم تبجي بسبب الحادثه الي صارت بس ما بينت الي واني الي جنت ما مهتم وشافت ما مني امل وسدت التليفون
وبقيت الوم بنفسي 4 سنين من بعد موت ورد
لحد ما بيوم من الايام تذكرت اماني وذكرياتنا سوه
وقررت ارجع لاربيل.. علمود اشوفها
تلكاني احمد وكلتله انو اني كلش مشتاقله ومشتاق لاهله ومن شفت اهله.. ما شفت اماني
حسبالي بالشغل بس احمد كلي هسه يخابرها ونلتقي سوه كلنا بالحديقه..
بس من شفتها من بعيد جان يمها اطفال
خليت كل الافكار السلبيه على صفحه وكلت يمكن
اطفال اصدقائهه او هيج شي
كعدنا وما تجرئت اسئلهه منو هذول الاطفال
بس من كام احمد ديجيبلنا شي ناكله واحنا كاعدين
كمال:  منو هاذ الحلو الصغيرون..
اماني:  هذا ابني.. اسمه كمال
باوعتلهه واني مصدوم صدمه بحياتي ما صارتلي
واني اباوعلها كملت كلامها..
اماني:  وهاي بنتي.. ورد
كمال:  شوكت هاذ كله صار؟
اماني:  من رحت.. كمال عمره سنتين هسه
وورد سنه..مراح تكلي مبروك؟
كمال:  بس اني..
اماني:  لتكلي حبيتج.. انت بعمرك ما حبيتني
انت حاولت تحبني.. بس مو علمودي.. علمود تنسى ورد
واخذ هاذ الكتاب هديه مني.. ومن ترجع لشقتك.. افتح على صفحه (29) يوم التاريخ الي التقينا بي..
جنت متوقع من ترجع تلكاني منتضرتك مو؟
سبب واحد خلاني اتركك واتزوج.. من اجيت هنا لاربيل وتركت ورد.. نسيتها
ورحت هسه لبغداد 3 سنين لعد شلون ما تنساني؟
بعدين كمت وتركتها وحدها بالحديقه واني امشي مبتعد عنها اسمع صوتها وهي تشهگ عالخفيف من البجي
وما اجذب اني هم بجيت لان جانت املي الوحيد
ركزو وياي اني من عفت ورد جان عمري بحدود ال
17 ومن رجعت لبغداد جان عمري 20
ومن رجعت لاربيل عمري 23
يعني 3 سنين هنا باربيل و 3 سنين ببغداد
بس بعد ما عرفت انو اماني تزوجت وجابت طفلين
وورد عافتني وراحت لمكان احسن.. قررت اكمل حياتي وحدي متخوف من انو ادخل بعلاقه تجرحني مره ثانيه
و ها صح بخصوص الكتاب الي انطتنياه اماني.. لكيت بالـ صفحه رقم 29 ورده من الورود الروز الي خلتهم على سيارتي قبل ما اروح لبغداد..

وهسه اني ب 2022 الشاعر المعروف كمال ***
عمري 28.. وعايش وحدي وبعدني متخوف من فكره انو احب مره ثانيه..

[النهايه]