احداث سابقه:
الحال في بغداد..:
ورد: بابا تحجي صدك هو غير تحرش بيههه
: غير امين ماكو بنتي وحتلو تحرش بيج بالاخير انتي مرته
ورد: بابا ما اريده اني ما اريد امين وانتم خليتوه ينهي علية قبل 3 سنين يعني من جان عمري 14 انت متخيل؟؟
: ماكو مشكله بنتي تكفي الشر واسكتي والا استخدم غير اسلوب
طلعت ورد من غرفه ابوها وهي دتبجي ومن طلعت من الغرفه جان كبالها امين
امين: لا يالله... شنوو انتي متستحين
ليش تكولين لابوج علينا؟؟
ورد: عليك انتت انت واحد قذر واتمنى لو جان كمال الي ناهي علية ولا انت جنت قابله بالقسمه بس من افعالك كرهتها وتمنيت لو انو متت ولا قبلت بيك
امين: هالمره حجيتيها.. ثاني مره لسانج ينكص.. حلو؟
نرجع لكمال:
وره الشغل بساعتين خابرني احمد..
احمد: كمال انت وين؟
كمال: دا اشتري ملابس
احمد: وهسه كملت لو بعدك
كمال: هستوني جاي اختار
احمد: اشتري ملابس مناسبه عرس صديق العائله اليوم
كمال: واني شعليه
احمد: دنجب وتعال محد يروح وياي بس انت واختي
ابوي وامي باجر يروحولهم
كمال: اوك اوك باي
اشتريت ملابس ورحت لبيت احمد وعدلت نفسي وطلعنا
كمال: لعد اختك وين؟
احمد: شنوو؟
كمال: لك لا لا قصدي انو انت كلت هي تجي ويانا
احمد: ههههه ادري.. راح تروح ويه صديقاتهه للعرس
كمال: ديله امشي
رحنا للعرس وجان الوضع تمام لحد ما كمت اساعدهم وخليت للخطار العصير وهاي السوالف بسسس لمن جنت اودي العصير لاحمد..
كمال: لا يالله
اماني: لا مستححييلللل متشوف انتتت
كمال: وحق الله مجنت منتبه
اماني: هاي انت؟؟
كمال: اوهه هاي انتي
اماني: هاي ثاني مره اليوم ثاني مرههه
كمال: اااا تريدين كلينس؟
اماني: اريد توخر من كدامي
كمال: صار حاضر تفضلي
احمد: وين العصير؟
كمال: وكعته عله وحده لابسه فستان سمائي وجهه ابيض وشعرها اسود تعرفها؟
احمد: لك حيوان هاي اختي اماني
كمال: هههه حبيب كلبي..اليوم واني رايح ادور شغل وكعت الكهوه عليهه..
احمد: عادي مو بعيده عليك
كمال: اني هسه اجي
كمال: انسه اماني اني كلش اعتذر وجنت مستعجل قبل شوي
اماني: اذا تبقى عليك انت طول عمرك مستعجل.. شلون عرفت اسمي؟؟
كمال: اني صديق احمد
اماني: احمد؟ يا احمد؟ ها اخوي اي عرفتك عرفتك
كمال: اني اسمي كمال
اماني: تشرفت بمعرفتك
كمال: اني الشريف
اماني: العفو؟
كمال: ا ا اقصد الي الشرف
بصراحه.. بهذيج اللحضه جانت ورد بعدها بگلبي.. بس ضفت بدفتري شعر لاماني.. تسمعونه؟
( احس بنقص بالالوان ناقص لون ماعرفه
صفنت بصورتك واحترت الغرفه! )
يتبع..
أنت تقرأ
مشاعرهم
Poetryكعدنا بصف دجله انة وياك مره.. وما گتلي ولا ذكرت العيشه وياك.. مُره واريدنك تعيد الروح والاحلام.. مَره ونشيل دموعنا ونضحك سوية..
