عذاب الحب الجزء الثاني "قلوب حطمها العشق"

الفصل الثانى:.

صاح آمن فى أخية عبدالله وهو يراة يرتدى ملابسة
ويستعد للخروج بعد ان طلب منة المكوث اليوم بالمنزل ليستريح قليلا ويقضى معة بعض الوقت :.
_يا ابنى كنت خد النهاردة أجازة ارتاح شوية من تعب الايام اللى فاتت

هتف عبدالله بلا مبالاة وهو يمشط شعرة امام مرآة غرفتة:.
_عايز اروح اسلم على خالتك قبل ما اروح الإدارة
آخر مرة كلمتنى سمعتنى كلمتين ملهمش لزمة عن قلة اصلى وانى مبسألش عليها

ابتسم آمن ليقول بسخرية وهو جالس على طرف الفراش وينظر الى أخية عبر المرآة:.
_وانت هتقولى على لسان زينب احمد ربنا انها قلتلك الكلمتين دول بس انا توقعت انها تجيلك الإدارة وتشرشحلك وتحكلهم على قلة اصلك معاها

التفت عبدالله الية ليقول بمرح:.
_ما انا قولت اقصر الشر واروحلها أحسن

انتصب آمن فى وقفتة ليصبح فى مستوى طول اخية
ويقول بجدية :.
_بما انك خارج وعشق كمان خرجت هروح اجهز بقى واخرج انا كمان

هتف عبدالله متسائلا باهتمام:.
_هتروح الشركة

ابتسم آمن ليجيب أخية بمكر وهو يغمز بعينية:.
_هروح اروق نفسى قبل ما انزل الشغل تانى من بكرة

غمز لة اخية ليردف بمشاكسة:.
_الله يسهلة يا عم

ابتسم آمن ثم غادر غرفة شقيقة الأصغر ليتجهة الى غرفتة ويستعد الى الخروج هو الآخر
خرج عبدالله من غرفتة بعد ان تناول مفاتيحة وحافظة نقودة ووضعها بجيب سترتة الرمادية توجهة الى الأسفل
ليجد يوسف ابن عمتة يجلس مع والدتة ويتبادلا الحديث
اقترب عبدالله من ابن عمتة وهو يبتسم ليقول بمرح:.
_يا ابنى انا مش لسة سايبك مبقليش ساعتين اية جابك
ورايا بقالك أسبوعين فى خلقتى

ابتسم يوسف ليقول ساخرا:.
_ما انا مقدرتش على بعادك الساعتين دول

اتبع بحنين وهو يقترب من زوجة خالة:.
_حياة وحشتنى جيت اشوفها ياعنى مش جاى علشانك

أشار عبدالله بيدية ليقول محذرا بمرح:.
_عشرين متر لورا عشان لو خالك شافك وانت لزق فيها كدة هيعملك تمرة ويعلقك فى النخلة اللى برة

ضحكت حياة هى ويوسف ليردف يوسف ضاحكا:.
_لية وانا مستغنى عن نفسى انا اتأكدت انة مش هنا

صمت قليلا لتهتف حياة متسائلة وهى ترى ابنها
جاهز للخروج:.
_انت رايح فين يا عبدالله

نظر عبدالله الى والدتة ليجيبها بجدية:.
_هروح لزينب ازورها وبعد كدة هطلع على الإدارة انا والبية
قال جملتة الأخيرة وهو يشير الى يوسف اتبع وهو يتجهة الى باب الفيلا:.
_خليك انت قاعد مع حياة شوية وانا هخلص واكلمك
ونروح الإدارة سوا

هب يوسف واقفا ليقول بلهفة:.
_استنى هاجى معاك عند زينب

التفت عبدالله الية لينظر الية بدهشة من اللهفة الذى تحدث بها فهو دائماً يتحدث بجدية وجفاء وبرود
يخفى ما بداخلة ولكن تلك اللهفة الذى صدحت بصوتة
يعرف سببها جيدا ابتسم عبدالله ليقول بمكر:.
_ومالة بيت زينب هينور بيك يا جو
.............................................
جلست عشق برفقة نور ابنة عمتها بكافية يوجد داخل
احدى المولات الكبرى والشهيرة كانوا يتبادلوا الحديث سويا وهم ينتظروا مريم ابنة خالتها، اردفت عشق بمكر
وهى تسلط نظراتها على ابنة عمتها:.
_اشمعنى الاغنية دى بذات يا نور اللى اخترتيها لحلقة
النهاردة