#جـحـيـم_الـحـب🔥❤️
الـبـارت الـتانـي(2)❤️
بقلم دوجي رمضان🦋❤️
.
.
مــلاحظـة:- اي بـنت تقرأ ومـاتتفـاعلش ح نـزيلها من القروب ومش ح نطلعـها بس ح نحظـرها عشـان معـاش تقدر تخـش مرة تانية😴❤️
وقعدة نقول ممنوع نقل رواية ليا برا القروب💋❤️
______________________________________________
( قراءة مـمـتـعـه❤️🦋 )
.
.
خلود سمعت الصوت لفت وراها نصدمت لما شفاته??
أوس يشوفلها وساكت,
خلود نزلت عيونها ... تفضل كيف نقدر نساعدك
أوس ... ااء قوللها شن تبي هي
خلود شبحت لحمزة وعيونها تعبوا دموع ... حمزة
حمزة يشبحلها وبعد وقت تكلم بصدمة ... خلود
خلود هزت برأسه بمعنى ايه وابتسمت,
حمزة جري حضنها ... ييي تعااالي نقولوا ل حنين فوق تعالي
خلود ... بعدين حبيبي توا مش فاضية
حمزة مشي يجري ... تو نقوللها أني
أوس ... اسمك خلود؟
خلود من دون ماتشوفله رجعت تغسل في الماعين,
أوس ... مدايرة روحك ماتبيش تردي اصلآ أني حمار لي منزل مستواي ل وحدة زيك
خلود شبحتله وابتسمت ... يكفي أني مش رخيصة ولا بنت حرام مستواي أني يلي مفروض مايتقارنش مع مستواك أنت واحد حقيرر زيك
أوس بغيض ... ح تندمي بينا الأيام واذكري انك تخدمي في حوشنااا تو نوريك الحقير شن يدير فيك
خلود ضحكت بهزوة وكملت غسل ماعين,أما أوس طلع وهوا حاس بكمية الأهانة يلي تعرضلها🔥
👑🔥 . . . . . . رِوآياّت . . . . . . 🔥👑
👑🔥 . . . . . . بنُوتة الٌزَاوِية . . . . . .🔥👑
👑🔥 . . . . . . دُوجِي رَمضَان . . . . . . 🔥👑
حنين كملت ترتيب الغرفة نفتح الباب وخش حمزة,
حمزة ... نونة تعالي معاي شوفي من في لوطة بسرررعة
حنين ... خيرك تخلع من في؟
حمزة ... خلود خلود ورحمة أمي إلا هيا
حنين ... خلود؟ من 😳 متأكد حمزة
حمزة يجبد فيها من يدها ... والله هيا تعالي هيااا
حنين نزلت معاه وهيا مصدومة مش فاهمة خلود شن ادير هني مش تزوجت؟؟؟
...........................
ترن ترن ترن ترن☎️
وتين ناضت تأففف وردت ع تلفون ... هاااا شنييي
فراس ... خيرككك تعيطي
وتين نخلعت وشافت الرقم جت مقعمزة ... مني؟
فراس ... اطلعيلي براا
وتين ... علاش شن تبي مني شن تحساب كان قريت عليا الفاتحة خلاص يعني لا ياروح أمك مش ح ننزل
فراس ... تعرفيييي ماتنزليش نركبلككك تشوفي شن ندير فيكك
وتين فصلت ألخط في وجه وناضت تنادي مالقت حد خافت يركبلها حاق ف لبست جاكيتها ونزلت,
وتين شافاته واقف يدخن قربت ... هاا شن تبي انشالله الحوش مافيه حد جايني فيها هـ القوايـل عـلاش؟
فراس مسك يدها جبدتها منه بقوة!
وتين ... مكسورتك معاش تحطها ع مكسورتي
فراس شد يدها بقوة ... ضمي فمك احسن مانخربلك خليقتك
وتين ... سيب يدي ولا نلم عليك خلق الله
فراس خدي الخاتم يلي في يدها ... خلاص توا بري
وتين شبحت للخاتم يلي خداه ... نبيه الخاتم راه اغلى منك
فراس شبحلها بتفنيصة ... بري اركبي هيياا بنمشي
وتين ... وامشي من شادك 😒. وبدت تتمختر بشوية وهوا يشوفلها ومادارش اي ردة فعل,
وتين وقفت في الباب ... اسمععع
فراس هزلها رأسه بمعنى شني؟
وتين ... راك تنسى الخاتم 😒
فراس هز رأسه بهزوة ... خشيي هي تسقدي
وتين قلبت عيونها وخشت,
فراس أبتسم ع تصرفاتها ومشي❤️
أنت تقرأ
جحيم الحب (روايات ليبية)
Romanceجحيم الحب رابع رواية ليا بعد قوانين جمعتنا وطفلة بائسة وتعيسة الحظ♥️. مكتملة وماتنسوش المتابعة♥️. لا أسمح بسرقة احداث رواياتي ولا اسمائهم!.🚫
