#جـحـيـم_الـحـب🔥❤️
الـحـلـقـة الـخامـسـة عـشـر(15)🔥❤️
بقلم خديجة رمضان (دوجي رمضان)🔥❤️
_____________________________________________
جـــحـــيـــم الـــحـــب 🔥❤️
______________________________________________
حنين لقاته سعيد اتفاجأت بس ردت ... ايوا
سعيد ... اهلا حنين مساء الخير
حنين ... اهلين مساء النور
سعيد ... كيف حالك
حنين ... تمام الحمدلله بخير
سعيد ... كلمتك في موضوع الخطوبة بنت عمك ربعنت واني ناوي بجديات
حنين نصدمت وقعدت ساكتة من الصدمة😳!؟
~~~~~~~~~~~~~
وتين تلف في شعرها قدام المرايا وتلفون فراس يتصل قدامها قربت من التلفون داراته صامت لقاته رقم يتصل كتباته في كاشف الأرقام ونصدمت في الرقم لما طلعلها الأسم اسم بنت؛؟؟؟؟
فراس خش للغرفة ... أسمعي فيصل لزيته رااه نفخهملي!!
وتين تلفتتله وتكلمت بهدوء ... تلفونك يتصل
فراس شبحلها بأستغراب وخدي التلفون ولما شاف الأتصال ملامح وجه تغيروا وطلع برا الغرفة!!؟
وتين قعمزت ع السرير زعمااا فراس يخونها؟؟ الرقم هادا قداش ليه يتصل بيه من قبل حتى مايسافروا شن القصةةة؟؟؟
~~~~~~~~~~~~~~~~~~~
حنين بلعت ريقها بتوتر ... بس!
سعيد قاطعها ... حنين هالمرة ماتكسريش بخاطري والله نحبك ومستعد ندير اي شي عشانك
حنين ... فاهمة عليك وأني اسفة ع لي درته....
سعيد ... أني مسامحك ع كل شي ومش زعلان منك ع شي❤️
حنين ... تمام بس خلينا توا الفترة هادي نزيدوا حتى شهر تاني وبعدين يصير خير
سعيد ... تمام تم
حنين ... تمام أني توا نقرأ بعدين نهدرزوا
سعيد تنهد ... تمام سلام
حنين فصلت ألخط ومسحت شعرها للخلف ودموعها نزلوا لا أرادياً هل يلي ادير فيه صح ولا غلطط؟؟
______________________________________________
👑🔥 . . . . . . رِوآياّت . . . . . . 🔥👑
👑🔥 . . . . . . بنُوتة الٌزَاوِية . . . . . .🔥👑
👑🔥 . . . . . . دُوجِي رَمضَان . . . . . . 🔥👑
______________________________________________
الـسـاعـة 1:00 ليلاً🖤
حنين ... اففف اسكت ياحمودة غدوا عندي امتحان يحليلييي اسسكتتت
حمودة. .. 😭😭😭😭
زياد فتح الباب وخش في يده الشيشة يخض فيها ... هاتيه هاتي
حنين مدتهوله خداه؛🖤
زياد شده كويس وعطاه الشيشة سكت❤️ ... اششش اشش ياحبيب خالوا
حنين تشوفله كيف يلعب في حمودة وقلبها يحكي في كلام أني حبيتك وماعمريش كرهتك في يوم قعدة نحبك لحد الدقيقة والتانية هادي❤️
زياد شبحلها وابتسم ... شفتي كيف رقد كان جعان بس
حنين أبتسمت بهدوء؛
زياد ناض وقف ... كملي قرايتك أني ماشي بيه لداري
حنين ... تمام
زياد طلع وصل الباب فتحه وتلفتلها ... ليلتك سعيدة
حنين ... ليلتك أسعد 🤍
وطلع؛
حنين تنفست بعمق ورجعت تقرأ 🖤
~~~~~~~~~~~~~~~~~~~~~~~
وتين قعدت تعامل في فراس عادي جداً ومابينتلاش حتى واحد في المية أنها شاكة خشوا رقدوا لكن في الحقيقة وتين ماكنتش راقدة التفكير يرفع فيها ويجيب لين حست بفراس ناض من جنبها وطلع برا من الغرفة وشوية تانية طلع برا الحوش!!!
وتين ناضت لمت شعرها كودة بأهمال وطلعت لصالة ادور فيها وتغليي فاتت ساعة واتنين وثلاته حتى الصبح قريب يطلع وفراس ماجاش؟؟؟
لين نفتح الباب بهدوء ونصدم لما لقاها واقفة في الصالة؛
وتين قربت منه ... وين كنت؟؟
فراس ينحي في دجاكيته ويمشي ... كان عندي شغل ضروري كملته وجيت
وتين تمشي وراها لين خشوا للغرفة ... تقدر تفهمني شن الشغلل هاداا يلي قريب يطلع عليك الصبح وإنت برا الحوش؛؟؟؟
فراس مسك الدجاكة في يده وشبحلها برفعة حاجب ... وأنتي من امتى التحقيق هاادا؟
وتين عيطت بقوة ... انييي نسأللل وينن كنت؟؟
فراس حذف الدجاكة ... نقصييي صوتك ماتفكريش أمي في هاليل!!
وتين ... لااا مش ح نقص تحسابني راقدة ع وداني رااااه فايقتلك وفايقة لي عماااايك الحقيرة يلي زيككك!
فراس عطاها كف لين جت طايحة ع السرير ... تماديتييي هلبااااا مرة خااين ومرة حقييير شن مازااال ماقلتيش انييي كللب ولددد كلببب يلي درتلكك قيمة
وتين ناضت وقفت ودموعها ينزلوا ... انيي كلبة يلي صدقتت واااحد زيك اخرتها تضربنييي والله معاد قاعدتلك فيييه! . ومشت تلبس في عباية الصلاة؛
فراس ... اطللعيي بريييي الباااب قدامك
وتين كملت لبس العباية وخدت تلفونها وطلعت برا الحوش؛
فراس مسح ع شعره ولحقها وطمن لما شافها خشت لحوش حناه رجع لشقة؛؛
أنت تقرأ
جحيم الحب (روايات ليبية)
Romanceجحيم الحب رابع رواية ليا بعد قوانين جمعتنا وطفلة بائسة وتعيسة الحظ♥️. مكتملة وماتنسوش المتابعة♥️. لا أسمح بسرقة احداث رواياتي ولا اسمائهم!.🚫
