#جـحـيـم_الـحـب🔥❤️
الـبـارت الـرابـع(4)❤️
بقلم خديجة رمضان (دوجي رمضان)🦋❤️
______________________________________________
جـــحـــيـــم الـــحـــب 🔥❤️
______________________________________________
زياد يشوفلها وساكت؛❤️
حنين ... ب بب بنرقد خخ خلاص بعدد
زياد ضحك وتكلم بهدوء ... مش قلتي ماجانيش النوم!
حنين بتوتر ... ت توا جي
زياد ابتسم ... في حد قالك أنك حلوة من قريب❤️
حنين حست قلبها قريب يطلع من مكانه نزلت رأسها ترعش مع بعضها🤭
زياد بعد من عليها؛
حنين ناضت تجري بسرعة لغرفتها وحاطة يدها ع قلبها😳❤️
زياد شبح للقمر وهوا مبتسم❤️
( أحـدهم عـبث بِـقلبـي ❤️ فــ جعـلهُ ينبض بـأسمهِ كُـل دقيقـة ! )
______________________________________________
صـبـاح يـوم جـديـد🌤️🌤️
حنين ناضت لبست سبيدروا أبيض وسورية مخططة ابيض وأسود وسروال ازرق كايبوا ووشاح أبيض❤️طالعة جميلة
نزلت للصالة❤️
حنين قعمزت تفطر معاهم ... صباح الخير
الكل ... صباح الورد
عبد الغني ... أمس كلمني سعيد ولد خالك قال نتصل بيها تلفونها مقفل
حنين ... لما نرقد نحط فيه مقفل بس
عبد الغني ... اها ويسلم عليك
حنين ... سلمه
زياد يشوفلها وقارن حواجبه!
حنين شبحتله ونزلت عيونها بسرعة؛
حمزة نازل من فوق هوا وأوس ... هههه لالا مش ح نقوللها
أوس ... تي مابرد وجهك ليا ساعة نشرح الزحح
عبد الغني هز رأسه بهزوة ... أنت أمتى بتعقل وتخدم فِ الشركة معا خوك
أوس قعمز ع الكرسي ... ونبي اخطوني
عبد الغني ... تحشم وتكلم بأسلوب لما نكلمك
أوس ... انتم هكي ديما حاطين رأسكم من رأسي أني انسان مانبيش نخدم إلا بشهادتي
عبد الغني ... تي أما شهادة هوا كله تزوير
أوس ناض ... تزوير مش تزوير أني حرررر
زياد ناض دفه من كتفه ... اطلعع اقلب وجهك برااا هي
أوس ... وإنت شن دخل ##&&$ في الموضوع
عبد الغني ... شن الكلام هادا يلي ماتحشمش اطلععع برااا معاشش بنشوف وجهكك
أوس ... طالع هي اقعدوا فيهاا
رقية ناضت لحقاته؛
عبد الغني ... اي هادا الي فالحة فيه انتييي اصلآ من الي مخربه غيرك . وركب لِ غرفته
حنين نشوف ومصدومة كيف نقلبوا فجأة😳؟
زياد شبح لِ حنين ... هيا انتي قدامي
حنين رمشت عيونها بصدمة وطلعت وراه؛
حمزة لحقها يجري ... أمتى بتروحي به مانبيش نقعد بروحي
حنين ... خلاص اهي معاك عمتي رقية
حمزة ... لالا نبيش
حنين ... حمزة من غير جو
خلود ... حمزة خيرك تنق ع الصبح
حنين سلمت عليها ... صباحو
خلود ... صباح الورد خيره حمزة؟
حنين ... مايبيش يقعد بروحه
خلود مدتله يدها ... تعالى معاي نعطيك تلعب بالتلفون
حمزة مسك يدها ... باه
بيييب بيييييب!
حنين ... وووك هادا زياد هي بااي
______________________________________________
غيداء ... وتين خايفة أني
وتين شبحتلها بأستغراب ... من شنو؟
غيداء ... خايفة تتزوجي ونقعدوا بروحنا 💔
سرور ... اي وخايفة حتى نموتوا زي م ...
وتين قاطعتها ... خلاااص مستحيلل نخليكم أني بنتزوج بس مش هاربة لما نقعد 24 ساعة وجي في وجهكم نوضي أنتي وياها من غير عار أني أمتى تخليت عليكم اصلآ
غيداء ... وتين اني نحبك هلبا تعرفي لو ترجع الأيامات ح نشكر ماما بعد ربي لوجودك معانا❤️
وتين أبتسمت❤️
غيداء وسرور حضنوها❤️
صبرية خشت عليهم أبتسمت وعيونها دمعوا كانت متمنية أنها تكون بيناتهم💔
وتين شبحتها بعدت خواتها وناضت وقفت. .. افطرتوا
غيداء ... لالا
صبرية ... تعالوا هي جهزت الفطور
غيداء أبتسمت ... حاضر هيا سرور . وتين بتفطري معانا؟
وتين ... لحظة نغير ونلحقكم
سرور ... تمام .وطلعت هيا وغيداء وصبرية❤️
وتين اتصل تلفونها طلع فراس ردت بعد وقت ... صباح الهم والغم
فراس تنهد بملل ... ماعنديش خلوق ليك
وتين ... اممم به علاش متصل؟
فراس سكت!,
وتين ... وين مشيت؟
فراس ... قاعد تعرفي شن نبي
وتين بأستغراب ... شن تبي؟؟
فراس بأستفزاز ... نشد حد نعطيه طريحة لين نقول بسس
وتين بصدمة ... يالطيف الطف
فراس ضحك ع جنب يكلم في صاحبه من بعيد ... هيا جاي . هيا اقلبي من عليا
وتين فصلت ألخط؛ وضحكت🤦♀️😪
أنت تقرأ
جحيم الحب (روايات ليبية)
Romanceجحيم الحب رابع رواية ليا بعد قوانين جمعتنا وطفلة بائسة وتعيسة الحظ♥️. مكتملة وماتنسوش المتابعة♥️. لا أسمح بسرقة احداث رواياتي ولا اسمائهم!.🚫
