جحيم الحب (روايات ليبية)

10

#جـحـيـم_الـحـب🔥⁦❤️⁩
الـحـلـقـة الـعـاشـرة(10)🔥⁦❤️⁩
بقلم خديجة رمضان (دوجي رمضان)🔥⁦❤️⁩
لايك قبل ماتقري 🤭⁦❤️⁩
______________________________________________
        جـــحـــيـــم الـــحـــب 🔥⁦❤️⁩
______________________________________________

رسل فاتحة النت وخاشة ع صفحة أوس ع الأنستا تتفرج ع صوره ... اااخ ياكبدددي طرررف🥺⁦❤️⁩⁦❤️⁩
وتتصفح وتتفرج وتتفاعل 😂⁦❤️⁩لين جاها فولو من حسابه نصدمت ومن الصدمة سكرت التلفون ورقدت😂!

كريمة ... مدامكم كلكم موجودين ح نحكيلكم
حمد شبحلها ... انشالله خير
كريمة ... زياد غدوا بيجي يخطب حنين
حنين أبتسمت بتوتر ونزلت رأسها؛
سعيد شبح لـِ حنين بصدمة!💔
حمد ... منو زياد هادا ولد المرحوم
كريمة ... اي هوا
حمد ... اهاا هادا الكبير ولا الصغير
كريمة ... الكبير ممكن ولا حنين
حنين بتوتر ... آه اي اي الكبير
حمد شبح لـِ سعيد 💔 ... اممم به أنتي شنو موافقة
حنين ساكتة؛!
حمد ... لو كنتي ماتبيش ماحد ح يغصبك ع شي انتي ماتبيشي!
حنين ... اي موافقة عن أذنكم . وناضت للغرفة؛
حمد ... سعيد مدامها موافقة حني مش ح نوقفوا في نصيب حد!
سعيد أبتسم مع انه من الداخل محروق🔥💔 ... أكيد ربي يهنيها . تصبحوا ع خير . وناض لغرفته:؛
كريمة ... الله غالب ماعنداش فيها نصيب مع أنه يحبها وواضح كل شي 💔
حمد ساكت وفي نفس الوقت مضايق من حنين كيف توافق نست المشاكل لداروهم لي بوها وشردوهم وحتى الشركة قسموها هما وبوها ماعطوه شي بس مع هادا مايبيش يوقف في نصيبها ويرفض لأنه كان واضح من رد حنين أنها تحبه💔

~~~~~~~~~~~~~~~~~~~~

صباح يوم جديد⁦🌤️⁩⁦🌤️⁩

حنين ... اففف تعرفيي يارسل مش مصدقة😍؛
رسل تاكل في الخيار ... تعرفي حتى أني مش مصددقةة😭!
حنين ... خيرك أنتي؟
رسل ... أوس دارلي متابعة ع الأنستا؛😭😭😍
حنين ... شكلنا بنجوا سلفات يارسل😍
رسل ... احا تخايلي😭😍
حنين بدت تضحك ... غير أسمعي بتجي اليوم ولا؟
رسل ... اكيد اكيد مستحيلل نفوت يوم زي هادا
ترن ترن؛
رسل ... وووك سكري وصلتني رسالة تم رصيدي عطيك البلي كملتيه عليا باي يافقرية . وفصلت الخط؛
حنين ... توا مش أني لي متصلة ربي يهدي وخلاص 😂😂
رسل خشت ع الرسالة فتحت عيونها بصدمة من أوووس معقوولة😳😳😳؟
كان مكتوب في الرسالة :- الشيتات كيف لقيتيهم ماشي حالهم ولا كيف؟
رسل ردت عليه ... أحلى شيتات قريتهم في حياتي كلها😍
أوس ... ايااه!
رسل بعتت ... اي لأنهم منك بس راه
بعدين فاقت لعمرها حذفتها قبل مايشوفها وبعتتله ... اي
أوس رد عليها ... شفتها الأولى 😉🔥
رسل شافتها ومن الحشمة ندبت خدودها لين  خلتهم بدمهم😭😭😭😂😂😂🔥؛

~~~~~~~~~~~~~~~~~~~~~~~

سعيد واقف في بلكونة غرفته ويفكر فجاءة قاطع تفكيره صوت مسج وصل ع تلفونه كيف جاي بيشوفه قاطعه طقان ع باب الغرفة!
سعيد حط التلفون وتلفت ... أدخل
كريمة خشت ... صباح الخير
سعيد أبتسم ... صباح النور كيف حالك اليوم
كريمة ... الحمدلله خيرك مانزلتش ع الفطور؟
سعيد ... م ماعنديش نيه
حنين فايته من جنب الغرفة وقفت في الممر تسمع فيهم؛!
كريمة ... كيف ماعندكش نيه لو كان ع خاطر موضوع حنين البنت نصيبها ولقاته وأني ماه كنت نقولك اخطبها قبل ماتمشي لحوش عمها وياخدها واحد منهم علاش كنت ترفض؟؟
سعيد شبح لأمه والكسرة في عيونه ... كلمتها كذا مرة بس هيا ماكنتش راضية نزلت من روحي وكبريائي ونبعتلها في رسايل ديما وماتردش ونتصل نفس الجو ماتردش وفي النهاية حظرتني،💔💔
كريمة تنهدت بألم ... خلاص انساها في مليون بنت غيرها غير اختار بس وأني نخطبلك من عيوني الزوز
سعيد ... لو لقيتي زيها اخطبيلي💔🔥
كريمة معاش تحملت تشوف ولدها مكسور أكثر من هكي طلعت من الغرفة!🥺
حنين حاطة يدها ع فمها ومصدومة بجديات هيا لي سمعاته يعني هوا يحبها فعلاً 💔💔