#جـحـيـم_الـحـب🔥❤️
الـحـلـقـة الـتـالـثـة عـشـر(13)🔥❤️
بقلم خديجة رمضان (دوجي رمضان)🔥❤️
______________________________________________
جـــحـــيـــم الـــحـــب 🔥❤️
______________________________________________
صباح يوم جديد🌤️🌤️
طق طق طق 🚪
أوس فتح الباب ... صبححح شن جايب أمك
رسل ... لو سمححت اقلب وجهك من قدامي مش طايقاتك
أوس ... جاية لحوشنا وتلزيي احترمي نفسسك
رسل دفاته وخشت؛
أوس لحقها ... إنتي بأي وجه حق جاية قريب ضيعتي منه الشركة شن جاية تبي؟
رسل خشت طلع في وجها زياد أبتسمت ... اهلا صباح الورد
زياد رافع حاجبه ... صباح النور شن عندك هني
رسل ... عندي فلتة كبدي وقلبي ووريدي وكلوتي و...
زياد قاطعها ... تسحابيني نسيت موضوع القهوة والمية الي قجيتاها عليا ولا كيف؟
رسل كيف جاية بتتكلم طلعت حنين؛
حنين ... رسلللل😍
رسل تخطت زياد وحضنت حنين ... ياروحي ريتي شن صاير يلزو فيا زياد وأوس من الحوش ترضيها في صاحبتك😭😭
حنين ضحكت ... غير خشي نهدرزوا الداخل
رسل ... اي اي احسن من المقمل وخوه
أوس قبل بيهجم عليها شده زياد ... ياعنن....$
زياد ... خلاص بري اركبي إنتي
رسل ... حاضر مع أنك حقير لكن أحسن من الي وراك . وركبت تجري ورا حنين؛
أوس ... البنت هادي بتجيب اخررتي
زياد ... المهم الشركة رجعناها الباقي طززز فيها والمهم أمك اليوم عندها مراجعة بعدين ارفعها هنيني عليها ع الأقل والشركة ليها ثلاته أيام مافتحتهاش
أوس ... باللهي شن قالولها ع السكر؟
زياد يلبس في سبيدروه ... من الصدمات قعدلها مزمن تذكر في وفاة بابا ارتفعلها وتوا في وفاة عهد زاد المهم رد بالك منهم أني لي ليل قعد برا
أوس ... قعد تحبها؟
زياد شبحله. .. مني؟
أوس ... حنين
زياد تنهد بألم وطبطب ع كتف أوس وطلع؛!
أوس قعمز ع الصالون في الصالة ... علاش الحب مش راضي يزبط معانا علاش يلي بيعيش في قصة حب لازم يعيش جحيمه💔!
~~~~~~~~~~~~~~~~~~~~~
تن تن تن؛📩📩
وتين تجهز في سفرة الفطور ... فراس تلفونك وصلت رسالة ياعمري
لما مردش عليا قربت لقيته في الحمام .... طلعت لصالة خديت التلفون لقيت الرسالة من رقم مجهول والتلفون من غير باسورد فتحتها من الفضول فقط ونصدمت وياريتني مافتحتها💔
كان مكتوب في الرسالة ... فراس ماترووحش ارجووك أني قاعدة محتاجتك اليوم مر عليا البنت مريضة حرارتها مرتفعة
سمعت بابا الحمام نفتح رديته مكانه ورجعت المطبخ؛؛
فراس طلع ينشف في شعره قرب باسها ع خدها ... شن ديري؟
وتين أبتسمت بتصنع وبعدت عليه ... ولا شي شوفت عينك الفطور!
فراس ... اممم كوويس خيرك تتكلمي من رأس خشممك
وتين ... شي فراس تعالى افطر وأكيد بنروحوا غدوا صح؟
فراس ... اي اكيددد
وتين ... تمام امالا بنجهز روحي من توا
فراس ... تمام المهم هيا نفطروا بسرعة مستاحشك
وتين سايرته بضحكة وأني من الداخل نغلي بس في شي يقولي مستحيلل فراس يخونك هوا يحبك يخاف عليك من دقة الشوكة كيف بيخونك بساهل؛💔
وفي جانب يقولي الرجالة خوانين تأكدي بنفسك لو أجل السفرة يعني وراه شي!؟
أنت تقرأ
جحيم الحب (روايات ليبية)
Storie d'amoreجحيم الحب رابع رواية ليا بعد قوانين جمعتنا وطفلة بائسة وتعيسة الحظ♥️. مكتملة وماتنسوش المتابعة♥️. لا أسمح بسرقة احداث رواياتي ولا اسمائهم!.🚫
