فارس هدايته

الفصل العاشر

فرح : انا هتصل بفارس
حنين: لا كلمي ياسين عشان فارس هيتعصب ويعمل مشكله صفاء بتحذير وهي توجه حديثها لأمينة زوجة سيد وام عمر : عارفة يا أمينة  لو ابنك ليه علاقة باختفاء هداية انا اللي مش هسكت عشان ابنك زودها اوي
أمينة بلا مبالاة: متتكلميش علي ابني كده يا صفاء وهي اللي جابته لنفسها ••لم تتحمل حنين هذا كلام علي هداية فقاطعتها قائلة: لأ كله الا هداية اذا كنتي انتي متتحمليش كلمة علي ابنك فانا كمان هداية بنتي ومسمحش لحد يغلط فيها بنص كلمة حتي
 أمينة  بغيظ: انتي فاكرة نفسك امها مثلا امها ماتت الله يرحمها
حنين :امها مماتتش طول مانا عايشة والحمدلله أن هداية مش هنا عشان متسمعش كلامك دا تدخلت عائشة حتي تهدي الحوار بينهم
عائشة : بعد إذنك يا طنط حنين محتجاكي ثانية .. دخلوا الي غرفة هداية
 حنين : مالك يا عائشة في أي
عائشة : علشان خاطري يا طنط متتدخليش في نقاش معها علشان متكرهش هداية اكتر
حنين بحب: حاضر يا حبيتي ..فرح كلمتي ياسين
 فرح : لا بتصل بيه بيكنسل
حنين بقلق :انا بدات اقلق رني تاني
 فرح : أهوا رد الو ياسين انت فين مش بترد ليه
 ياسين : انا وفارس قاعدين مع جد هداية وعمامها في حاجة .. كان متعمد ازعاج عمر
 فرح : طيب لو فارس جنبك اقعد في حته بعيدة عنه وكلمني
 ياسين بقلق : في أي
 فرح : اسمع الكلام وهفهمك ** استأذن ياسين وخرج وفارس أركابه القلق
ياسين : في أي
 فرح : عمر ابن عم هداية قاعد معكم
 ياسين بغيرة : وانتي بقي عايزة منه أي
 فرح : اهدا هداية اختفت مرة واحدة فانا حاسة انو خطفها
ياسين : اختفت ازاي يعني
فرح بغيظ: احنا دلوقتي في البت اللي اختفت ولا في أسئلتك
ياسين : مش اعرف اختفت ازاي علشان اتصرف فرح: دخلت أوضتها واتاخرت فدخلت اشوفها ملقتهاش ودورت عليها في البيت كله
ياسين : طيب اقفلي دلوقتي وانا هتصرف..التفت فوجد فارس خلفه
 فارس:في أي
 ياسين : هداية مختفية ..دخلوا غرفة الجلوس
 فارس :هداية اختفت ومش موجود في البيت كله.. نظر عمر نظرة انتصار وسخرية
فارس هو يوجه حديثه اليه بتحذير : عارف لو كنت انت السبب في كده وحصلها حاجة مش هرحمك مصطفي : اهدا يا فارس انا عارف هي فين متقلقوش انا هروحلها بس لوحدي
خالد : لا انا رايح معاك
فارس : طب اتفضلوا اوصلكم ..وصلوا لمنزل والد هداية
مصطفي: ده المكان الوحيد اللي تقدر تروحله عن اذنك يا فارس يابني مش هقدر اقولك اتفضل
 فارس: لا يا عمي ولا يهمك انا هروح اجيب والدتي ليها ممكن تكون محتاجها
مصطفي : كلامك صح روح هاتها واحنا مستنيك ..ابتعد عمر عنهم قليلا ثم رد على هاتفه الذي رن أكثر من مرة لكنه لا يستطيع الرد أمام أحد
عمر : ايوة عايزة اي آي كل الرن ده
نور : اي التخلف اللي انت عملته إمبارح ده
عمر : والله أنا عملت اللي قولتي عليه وبعدين كنتي عملتي انتي اللي انتي عايزاه لوحدك
نور :انت بهدلت الدنيا خالص
عمر مليش دعوة ومعرفش ان ابن عمك حمق كده وواقع فيها
نور : اي اللي انت بتقوله ده يا اهبل انت
عمر : لا بصي انتي شغالة تغلطي وانا ساكت اي غلطة تاني هبوظ كل حاجة علينا احنا الاتنين وميهمنيش يا نعيش عيشة فل يا نموت احنا الكل ماشي فلمي لسانك معايا احسن
نور بخوف : طيب هتعمل اي دلوقتي
عمر : هو مستعجل اوي على كتب الكتاب مش عارف ليه ممكن يبقى الأسبوع ده اصلا
نور بقلق : ازاي يعني طيب وهي موافقة
اللي وصلني أن ايوة هي اختفت من البيت مرة واحدة كنت فاكر أن انتي اللي خطفتيها لما رنيتي
نور : لو اعرف كده مكنتش قصرت وكنت عملت كده فعلا يلا انا هروح اشوف اعمل اي في المصيبة دي وانت فكر برضو ومتعملش حاجة من دماغك
 ................................
 فرح :هداية موجودة في بيت باباها وفارس جاي ياخدك يا ماما ليها ..في منزل هداية دخلوا المنزل فسمعوا صوت باكي يأتي من احدي الغرف كانت هداية تمسك صورة لوالديها وتبكي
هداية بانهيار : مشيتوا وسبتوني لمين مش وعدتني يابابا انك هتديني إجازة حفظ القران بنفسك وديما تقولي هفضل معاكي وهتفضل سندي سبتني لمين سبتني لوحدي مع مين وانتي يا ماما مش قولتي انك مستنية اليوم اللي اختم فيه علي احر من الجمر قولتي مستنياه علشان تلبسيني النقاب بنفسك يومها أهوا جه اليوم وكنت لوحدي مكنتيش معايا زي وعدتني مش قولتي أننا صحاب والصحاب مش بيسبوا بعض ابدا اديكي سبتني لوحدي سبتني من غير حد سبتوني من غير ظهر من غير حد السند عليه وانا واثقة الي مش هقع ومش هتخذل منه ابدا حصلي كتير انتوا مش موجدين وكنت محتاجة اوي تكونوا جنبي زي ما وعدتوني وعدتوني وخلفتوا مش دي ايه المنافق اللي كنتوا بتحذروني منها ديما ليه عملتوها يارب انا مش معترضة علي قضائك بس تعبت اوي من غيرهم ..كانوا يستمعوا الي حديثها ومنهارين من البكاء
حنين :هداية يا حبيتي افتحي الباب
هداية :سبوني لوحدي
 حنين : افتحي يا هداية علشان خاطري
هداية : علشان خاطري انا سيبوني لوحدي وامشوا وسيبوني لوحدي مش عايزة حد هنا
 مصطفي :افتحي هديكي حاجة احمد كان سايبها معايا
هداية: متضحكوش عليا عشان افتح الباب سيبوني وامشوا
مصطفي :وانا هكدب عليكي ليه بس افتحي شوفيها بنفسك
حنين : افتحي يا هداية علشان خاطري لو مفتحتيش مش هكلمك تاني ..واخيرا استجابت هداية لهم التقتها حنين بين أحضانها فور خروجها وظلت هداية تبكي لا تستطيع أن تتمالك نفسها من البكاء
 حنين : اهدي طيب اهدي مش عايزة تعرفي باباكي سايبلك ايه
فارس : هداية انا عمري ما شفتك ضعيفة بالعكس دايما بشوف كل اللي حواليكي بيستمدوا قوتهم منك مصطفى: يلا ياهداية نروح علشان اديكي امانتك هداية : لا مش همشي من هنا انا عايزة اقعد هنا خالد : هتقعدي هنا ازاي يا بنتي لوحدك
 هداية : مين قالكم اني هقعد لوحدي ماما وبابا معايا ..نظروا الي بعضهم باستغراب
حنين :هداية يا حبيبتي انتي كويسه
هداية : ممكن تسيبوني لوحدي معلش لو بتحبوني فعلا سيبوني .. خرج الجميع بالفعل وتركوها
في سيارة فارس كانت فرح تنتظرهم برفقة ياسين
فرح :انا قلقانة على هداية وصعبانة عليا اوي
ياسين :وانا كمان صعبانة عليا بس ده أمر الله واحنا منملكش الا الدعاء ليها ربنا يصبرها ..قطع حديثهم مجئ فارس وحنين
فرح بلهفة : ها طمنوني هداية كويسة ماما انتي كنتي بتبكي ليه
حنين: مفيش يا فرح
فرح :في اي يا جماعة ما تطمنوني
فارس : ادعيلها بس ربنا يهون عليها
حنين: فارس اهو انت شايف هداية عاملة ازاي اياك تكسرها او تضايقها لو عملت كده انا مش هسامحك ابدا
اكتفى فارس بعدم الرد وانتبه لسواقته
في منزل صالح عم فارس
صالح بغضب : انتو ازاي تسمحوا بده يحصل
نور : والله يا بابا انا مش عارفة حصل كده ازاي فارس هو اللي بوظ الدنيا وكل خططي كل مرة ببقى خلاص هخلص منها يعمل حاجة تبوظلي كل حاجة عملتها
صالح بسخرية :وانت يا نحنوح أمك مش تساعد أختك وتبقى معاها ولا مش فالح غير في السهر برة
سلوى وهي زوجة صالح :بالراحة على العيال يا صالح وهما مش قاعدين كده
صالح : انتو محدش حاسس بيا ولا اللي بعمله علشانكم اهو ادينا عايشين بس لما أموت هتعيشوا ازاي
نور : بعد الشر عنك يا بابا متشلش هم وانا هتصرف
مازن اكتفى بالصمت لم يجد ردا مناسبا
استيقظت هداية في وقت القيام أدت صلاتها وقرأت وردها وظلت شاردة حتى امتلات الغرفة بضوء الشمس ارتدت ملابسها مستعدة للذهاب لجامعتها وفي الطريق هاتفت مريم
هداية : السلام عليكم ورحمة الله وبركاته ازيك يا مريم
مريم بلهفة : وعليكم السلام ورحمة الله وبركاته هداية حبيبتي عاملة ايه دلوقتي
هداية : الحمد لله تمام انتو اخباركم
مريم : بخير طول ما انتي بخير خضتينا عليكي اوي امبارح
هدية بضحكة ياس : مفيش داعي تتخضي انا تمام المهم انا داخلة الجامعة اهو انتو فين
مريم : يا خائنة هتدخلي من غيرنا احنا لسه قدامنا شوية وبعدين نازلة بدري ليه
هداية بملاطفة: كويس علشان اقعد لوحدي شوية علشان مش عايز صداع 
مريم بغيظ : طيب أما اجيلك نشوف الصداع ده سلام بقى علشان مصدعكيش
هداية : سلام ....في كافيه الجامعة كانت هداية جالسة تفكرهل ستوافق فعلا على فارس ام لا ولكن قطع شرودها ملاحظتها لفتاة تحدث نفسها ترددت في أن تذهب إليها ولكن حسمت الأمر وذهبت اليها
هداية : السلام عليكم ورحمة الله وبركاته
البنت سرى بداخلها شعور خوف من نقاب هداية: وعليكم السلام
هداية بلطف : انا لقيتك قاعدة لوحدك وانا كمان قاعدة لوحدي وحسيت في حاجة مضايقاكي بس الأول تسمحيلي اقعد ولا لا براحتك مش هزعل والله
البنت :اه طبعا اتفضلي
هداية :زاد الله فضلك يا رب
= أمين يا رب
هداية : اسم القمر اي
= رنا
هداية : اللهم بارك اسمك جميل اوي ما شاء الله
رنا بخجل :شكرا انتي كلامك لطيف اوي وانا حبيتك جدا اسمك اي بقى
هداية: انا ستي اسمي هداية
رنا : هو انتي هداية اللي في كلية صيدلة اللي جاتلها نوبة الخوف من فترة كده
هداية بضحك :اي ده انا اتشهرت اوي كده
رنا : هو احنا بس كنا قلقانين عليكي وكنا بنسال عليكي كتير الحمد لله اتطمنا المهم انتي كويسة دلوقتي
هداية : اه الحمد لله ممكن لو مفيش غلاسة بس اسأل مالك كنتي بتكلمي نفسك ليه ومش قصدي حاجة والله وعادي لو مش ه تقولي انا بس حابة اساعدك لأن من حسن إسلام المرء أن لا يتدخل فيما لا يعنيه
رنا :لا طبعا يا قمر انا ارتحتلك اوي اصلا بس في ولد عايزة يكلمني محتارة اوي خايفة اوي يكون بيتسلى بيا
هداية بحب : عارفة هو مستغل اي مستغل قلبك الضعيف بيستغلوا غريزة حب الاهتمام في البنت ويغرقوها اهتمام أولا الارتباط يا إما (زواج أو خطبه) غير كدا يا بنت الناس حرام حرام حرام ثانياً هتقوليلي هو بيحبني، هقولك دا حب حرام شرعاً
رنا: مين قال انو الحب حرام
 هداية: انا مقولتش انو الحب عمومًا حرام بالعكس دا أجمل شعور بيحس الأنسان بيه هو الحب ،ولو كان حرام مكنش التاريخ نقل لينا حب النبي-صلي الله عليه وسلم- لما قال عن السيدة خديجة "اني رزقت حبها" ولا لمّا قال عن السيدة عائشة "لا تُؤذونى فى عائِشة. ولكن انك ترتبطي وتحبي فـ السر حرام ثالثاً الحب إنو يخاف عليكي الحب إنو يدخل البيت من بابه مش يكلمك بحجة الظروف اللي مبتخلصش ولا الجيش اللي لسه هيدخله ولا دراسته اللي لسه هيكملها كل دي حجج بياكل بيها بعقلك حلاوة بمعنى اصح  بقااا  عارفة اند عايزة قلبك يتأكد وعايزة دليل من القرآن انو الارتباط حرام ودا كلام معظم البنات أو الشباب للأسف ممكن يكون مش فاهم بس لازم دليل حاضر هقولك دليل قال الله تعالى " لاتواعدوهن سرا" (سورة البقرة"235") هااا لسه مش حرام  لو بيحبك هيخاف عليكي مش هيخاف عليكي من الناس لا هيخاف عليكي من يوم القيامة  اه من يوم القيامة لما يوم القيامة يكون هو السبب من إنك تقعي من علي الصراط لما يكون هو السبب في إنك خونتي ثقه مامتك وباباكي وكلمتيه وسهرتي للفجر علشان تكلميه هل هما يستاهلوا أنهم يزعلوا علشان بنتهم خانتهموالله ميستاهلوا هما ملهومش ذنب أنهم ادولك تليفون وادولك ثقه ، اه ادولك ثقه اوعي تخونيها  لو لو شايفة انه صالح وهو ده اللي تقدري بجد تتخذيه زوج صالح سبيه سبيه وادعي بيه في القيام ولو نصيبك هيبقي ليكي وحد غالي عليا اوي قالي قبل كده من ترك شيئا لله عوضه خيرا منه  طول ما هو مش من محارمك مينفعش تكلميه، تعرفي حتي لو حفظك القرآن ولبسك النقاب وبيفكرك بالأذكار بردو حرام آه واللهِ  ربنا قال كمان"وأتوا البيوت من أبوابها" اهووو مجبتش حاجه من عندي مقالش من شات واتس أو ماسنجر ولا من بابجي هااا قال من البابِ لو هو راجل بجد هيجي البيت من بابه هحكيلك قصة كان في واحد في عهد سيدنا محمد اسمه سيدنا جليبيب عارفة ان الاسم غريب شوية المهم سيدنا ججبريل ده كان من فقراء الصحابة يعني كان فقير وكان دميم الوجه يعني مكنش عنده نعمة الوجه الحسن وده كان ابتلاء من ربنا ربنا ابتلاه بيه فكان كل اما يتقدم لوحده ترفضه وكل أما كان يروح لحد من الصحابة علشان يجوزه بنته كان يرفضه فراح لحبيبنا وسيدنا محمد صلى الله عليه وسلم وهو محبط وحاسس بهم شديد وقاله يا رسول الله لما لا يزوجني أصحابك فالنبي صلى الله عليه وسلم على طول يجبر بخاطر صلوات ربي وسلامه عليك يا حبيبي يا رسول الله فقاله على بيت معين من الأنصار والبيت ده كان في بنت من اجمل بنات المدينة فقاله روح للبيت ده وقولهم سيدنا محمد يريد ابنتكم الرسول صلى الله عليه وسلم عايز بنتكم علشان يجوزهالي فسيدنا جليبيب فرح جدا بكده واللي هو اخيرا فرجت فسيدنا جليبيب رضي الله عنه وأرضاه راح للبيت اللي سيدنا محمد صلى الله عليه وسلم قاله عليه وخلط الباب فالمال فتح وقاله خير يا جليبيب قاله سيدنا محمد يريد ابنتكم وملحقش يخلص الكلمة والإصدارات البنت فهم أن سيدنا محمد صلى الله عليه وسلم عايزها ليه هو طبعا فرح وقال لسيدنا جليبيب من عيني وهل لنا بخير من رسول الله فسيدنا جليبيب لحقه وقاله بس سيدنا محمد يريدها لي انا
طبعا الأب سمع الخبر واتصدم مقدرش يمسك نفسه وقاله أما وجد غيرك يعني سيدنا محمد ملقاش غيرك فالام سمعت الكلام وجات بتسأل في اي قالها جليبيب بيقول ان سيدنا محمد عليه أفضل الصلاة واتم التسليم يريد ابنتنا قالت ونعمة عيني يعني من عيني قالها ان سيدنا محمد يريدها لجليبيب قالت والله لا ازوجها جليبيب عم الصمت لحظات وكلا الوالدين رافضين جليبيب قطع هذا الصمت خروج البنت وتقولهم كلمة كلنا بنحتاجها في الوقت ده قال اتردون على النبي امرا انتوا بتردوا أمر سيدنا محمد ..لاحظت هداية تجمع الكثير من الطلاب ليسمع الحديث وكأنها محاضرة وليس حديث بين اثنين فتحدثت بصفة عامة ..احنا دلوقتي بنرد امر رسول الله الرجال مش بتصلي في المسجد البنات مش بتلبس حجاب شرعي احنا بن رد أوامر سيدنا محمد مش بنعمل اللي أمرنا بيه الجملة اللي البنت قالتها بجد كلنا محتاجينها وقالت ايرضاه لي رسول الله ولا ارضاه لنفسي علشان كده سيدنا محمد أختار البنت دي مخترهاش علشان هي اجمل نساء المدينة لا اختارها علشان تقواها وطاعتها لأمر الله وأمر رسول حبيبتي في الله تقدري تسالي نفسك لو انتي كنتي موجودة في عهد رسول الله عليه أفضل الصلاة واتم التسليم كان هيختارك كان هيختارك بنفسه لحد من الصحابة هل انتي مطيعة لامر رول الله وبتقولي سمعنا واطعنا أختاه راجعي نفسك واتقي الله قالت البنت زوجوني جليبيب فإنه لن يضيعني ابدا المؤمن دايما شعاره كده اتبع أمر الله واتكل عليه وربنا مش هيضيعك ابدا اتقي ربنا في لبسك وتربية أولادك وقولي ربنا مش هيضيع اولادي غض بصرك وكل لقمة حلال وصلي وراعي ربنا ومتغشش وقول ربنا مش هيضيعني طبعا بعد المشهد ده سيدنا جليبيب يفرح جدا ويجري على النبي صلى الله عليه وسلم ويحكيله اللي حصل فالرسول صلوات ربي وسلامه عليه يفرح  ويقوله اللهم صب عليها الخير صبا ولا تجعل عيشها كدا كده يا بختها بجد بدعوة النبي ليها بقت أغنى نساء المدينة بسبب دعوة سيدنا محمد يا ترى لما نقابل النبي هيفرح بينا كده ويدعيلنا زي ما فرح بالبنت دي ودعالها ويتم الزفاف على خير الحمد لله وقضوا وقت جميل وسيدنا جليبيب رضي الله عنه وارضاه تزوج من واحدة جميلة مؤمنة كسب دنيا ودين واخرة وبعد الزواج بيومين تلاتة كده يسمع منادي الجهاد حي على الجهاد كله يروح للجهاد في سبيل الله وغزة مع سيدنا محمد صلوات ربي وسلامه عليه لو احنا مكان جليبيب وما صدقنا ربنا اكرمنا هل نسيب المتعة ومتاع النفس ونروح نجاهد مع رسول الله في سبيل الله سيدنا جليبيب ساب زوجته وذهب مع رسول الله وهو عارف احتمال يرجع واحتمال لا وعارف برضو انه مقدرش يكسر كلمة سيدنا محمد صلى الله عليه وسلم ويطلعوا للجهاد وتخلص الغزوة فسيدنا محمد طبعا في ناس استشهدت وناس مصابة فبيسال الصحابة هل تفقدون أحدا قالوا نعم مات فلان وفلان وفلانوكرر عليها السؤال ومرورا الإجابة فسيدنا محمد قالهم في حد انا بفتقده قالوا لا يا رسول الله فسيدنا محمد يقول ولكني أفتقد جليبيبا
هداية بصوت يغلبه البكاء :نعم استشهد سيدنا جليبيب مات وسيدنا محمد مفتقده سيدنا محمد أرسل الصحابة يبحثوا عنه لقيوه مستشهد وحواليه سبعة من المشركين مقتولين ايوة سيدنا جليبيب قتل سبعة من المشركين واستشهد سيدنا محمد قال جليبيب مني وانا منه كل ده مكافأة نهاية الخدمة هو خدم صح وسمع كلام سيدنا محمد واحنا عملنا اي في حياتنا علشان نبقى نصهم حتى النبي حمله على ايده ووضعه في القبر بايده ودعاله سيدنا عبد الله بن مسعود قال تمنيت أن أكون مكان جليبيب ليحمله النبي على ساعديه هل لما ربنا بينده علينا للصلاة بنلبيه اخواتي واخواني اتقوا الله ..انتهت من الكلام ووجدت حشد من الناس حولها يستمعون لها بتأثر والدموع تملأ عينهم ..اندهشت من كثرة العدد وما أن انتهت حتى ذهب كل شخص إلى عمله وكان من ضمن المستمعين فارس
مريم :اي يا بنتي العظمة دي
رنا : بجد شكرا مش عارفة اقولك اي
هداية : متقوليش حاجة
ايمان : مش تعرفينا طيب
هداية : اه دي رنا دول مريم وايمان صحاب شللي  في حياتي
مريم : اسكت يا لساني اسكت يا لساني طب يلا ياختي المحاضرة قربت تبدا قطع حديثهم أحد الأصوات
فارس : دكتورة هداية ممكن دقيقة ...همست هداية لصديقاتها : اطلعوا وانا هحصلكم
هداية : ها حاضر اتفضل حضرتك محتاج حاجة
فارس : اه عايز رؤية شرعية تاني
هداية :طيب لو سمحت أي كلام بخصوص الموضوع ده يبقى مع عمي هنا جامعة وانا مقدرش اتكلم في حاجة بخصوص الموضوع ده هنا انا اسفة عن اذنك
فارس : مفيش أسف بس كتب الكتاب بكرة
هداية بصدمة : نعم حضرتك بتهزر
فارس :انا هبلغ عمك وجدك بكل حاجة سلام ..ذهب وترك هداية بصدمتها تحدث نفسها : اي ده ده بجد. .دخلت المدرج بهدوء تام
إيمان : هادية يعني مش عوايدك
هداية : بت إنتي حلي عن دماغي
مريم : مالك يا هداية في اي كنتي كويسة تحت الدكتور فارس قالك حاجة
هداية : ابقى نتكلم في الشركة ..كان دكتور هذه المحاضرة هو فارس ولم يبعد عينه عن هداية طول وقت المحاضرة .. في الشركة
مريم :مالك بقى اي اللي شقلب كيانك كده
هداية بتعجب : شقلب كياني ! دي آخرة الروايات بتاعتك
ايمان :سيبك من روايتها دلوقتي وطمنينا في ايه
هداية:بيقول كتب الكتاب بكرة
مريم : ده أي ده بجد بسرعة كده
هداية : انا بجد مش عارفة اعمل اي انتو كملوا شغل انا راجعة البيت مش قادرة بجد سلام
ايمان : طيب هتقدري ترجعي لوحدك ..اومأت إليها هداية بنعم
مريم :طيب هتمشي كده ازاي
هداية :هكلم فرح وهي تتصرف يلا سلام ...في المساء في الرؤية الشرعية
فارس : هتفضلي ساكتة كده كتير
هداية بتوتر واحراج : حضرتك اللي طلبت رؤية تاني فأكيد حضرتك اللي عندك كلام تقوله
فارس : وافقتي عليا ليه
هداية بتوتر :انا صليت استخارة وارتحت جدا وكمان حلمت حلم فعرفت أن في خير في الامر وكمان علشان الموقف اللي حضرتك انك كنت عايز تنقذني من عمر بأي شكل وكمان حضرتك جيت على نفسك في الأمر وكمان علشان لو انا رفضت حضرتك عمر مش هيسيبني في حالي
فارس بفرحة : طيب عندك اي شرط او طلب
هداية بتوتر اكتر وتردد : اه وحضرتك ليك الحرية برضو ان انا ابقى في أوضة وحضرتك في اوضة اوضنا منفصلة
فارس : تمام في اي حاجة تاني
هداية: لا عن اذنك..غادر فارس وذهب إلى بيته
مصطفى : ها يا هداية يا حبيبتي مش هترجعي معايا البيت وحش اوي من غيرك
هداية بحزن : اسفة يا بابا بجد بس انا محتاجة اقعد هنا مش هقدر سامحني
مصطفى : ميهمكيش يا حبيبتي طيب بتاكلي كويس
تذكرت هداية أنها لم تأكل من الامس: ها اه يا حبيبي الحمد لله 
مصطفى :طيب محتاجة اي حاجة
هداية :عايزة سلامتك ...غادر الجميع وتركوها بمفردها .... وسط كل هذا كان هناك من يراقب المنزل عند بعد ...في صباح اليوم التالي كان الجميع يستعد لعقد القران
فرح : السلام عليكم ورحمة الله وبركاته
هداية : وعليكم السلام ورحمة الله وبركاته الو ازيك يا فرح عاملة
فرح : الحمد لله يا قلب فرح وعيون فرح وكل حاجة لفرح
هداية بشغب : طيب كده استاذ ياسين هيغير
فرح بمشاكسة : الليلة ليلتك يا قمر ميهمكيش
هداية بخجل : فرح اتلمي
فرح :حاضر يا ستي على العموم احنا في الطريق جايين ليكي خدي أمك يا ستي عايزة تكلمك
حنين :هداية يا حبيبتي عاملة أي
هداية : الحمد لله يا ماما انتي كويسة
حنين : بخير طول مانتي بخير اجهزي كده وجهزي حاجتك احنا قربنا عليكي اهو يلا سلام ..وما أن اغلقت الخط حتى سمعت هداية صوت رنين جرس الباب
هداية في نفسها : معقولة لحقوا يوصلوا ...مين على الباب
شخصا ما : جاي اخد الايجار
هداية فهمت أن شئ غير طبيعي لأن العمارة ملك لوالدها في الاساس : طيب تمام أول ما حد يجي هبعته لحضرتك على طول
الشخص بتوتر : لا مانا عايزه دلوقتي علشان مسافر
هداية بخوف شديد ولكن لم تظهره : قولت لحضرتك أول ما راجل من البيت يجي هبعته لحضرتك
الشخص بعصبية : بقول مسافر مش هينفع استنى ...صادف كل هذا صعود فرح وحنين وفارس على السلم
حنين بقلق : فارس اطلع قدامنا كده في حد بيخبط على هداية وواضح أنها مش عايزة تفتح
فارس : حاضر ..نعم مين حضرتك وعايز اي
الشخص بتوتر : كنت محتاج الايجار بس بتاع الشقة وهي مش راضية تفتحلي
امسكه فارس من لياقة قميصه لانه يعلم أن العمارة ملك هداية : ماهو انت يا غلطان في العمارة يا بتستظرف وبعدين هي مادام مش راضية تفتح لك يبقى اكيد أنها لوحدها انت متخلف واندفع ضرب فيه بلا رحمة ..كل هذا وهداية تموت خوفا من الداخل
فارس :وبعدين يا شاطر ابقى ألعب غيرها علشان العمارة كلها ملكنا اصلا ويكش حتى أعرف أن لمحت العمارة بعينك يلا غور
حنين : افتحي يا هداية انا جيت اهو متخافيش ..فتحت الباب وارتمت بين احضانها
فارس لم يرد أن يدخل حتى لا يزعجها : انا رايح مشوار لو احتجتوا اي حاجة كلموني
فرح :بيتكم حلو اوي يا هداية
هداية : تسلميلي يا رب
حنين : حلو باصحابه
هداية بحزن : صحابه مشيوا وبقى بايخ اوي من غيرهم
حنين : ربنا يجعله عامر بيكي دايما يا حبيبتي
فرح : جماعة
حنين : خير يا آخرة صبري
فرح : في اي يا ماما دانا زي بنتك برضو وانتي أمي حبيبتي الغالية
حنين فهمت أنها تريد شيئا منها : انجزي قولى عايزة اي
فرح :انا جعانة
حنين بصدمة : أمي اللي لسه فاطرة قبل ما نيجي
فرح :ماهو يا ماما الطريق بيجوع الصراحة واما شوفت هداية نفسي اتفتحت
حنين : فرح يا حبيبتي انتي نفسك مفتوحة على طول اصلا
هداية بضحك : تعالي يا فرح معايا المطبخ نعمل اكل واهو تفتحي نفسي على بالمرة علشان مش قادرة اكل
فرح : اهو جالكم بفايدة هخليها تاكل
حنين : هداية يا حبيبتي انا جايبة معايا فطار ليكي اهو قومي كلي
في مكان ما حيث يوجد فارس وياسين
فارس : فرحان اوي يا ياسين بجد انا ساعة علا مكنتش فرحان وانا رايح أم طبعا حتى مع أن هداية مش بتحبني بس انا فرحان
ياسين :ليك حق تبقى فرحان والله علشان هتاخدها بس انت مستعجل لي كده
فارس : مش عارف بس لقيتها موافقة قولت خير البر عاجله يعني وكده
ياسين : ربنا يهنيك معاها ويسعدك ..تذكر فارس اتفاقه مع هداية أن كل منهم في حياته الخاصة وشعر بالحزن بداخله
مر وقت ليس بقليل وذهب فارس واخذهم للمسجد الذي سيعقد فيه القران نعم هداية أرادت أن يكون هكذا
كان الجميع فرحون لهذا الحدث وتم عقد القرآن وامتلاء المسجد بصوت الجملة الشهيرة "بارك الله لكما وبارك عليكم وجمع بينكما في خير"
حنين : هداية مبارك يا عيوني ربنا يهنيكي
فرح :مبروك يا هداية ربنا يهنيكي يا حبيبتي
هداية : مبروك لما يركبك يا فرح مش قولنا اسمها مبارك
فرح : اني اسف
تقدم الجميع لتهنأتها وسلموا عليها وسط كل هذا هناك أحد يجلس ولا توجد سعادة بداخله ابدا
جويرية بدموع : يعني خلاص كده يا هداية هتسبينا وتمشي ومش هتقعدي معانا تاني
هداية : لا يا حبيبتي لسه شوية
مصطفى : يلا يا عروسة اسلمك لعريسك علشان مستنيكي
زادت ضربات قلب هداية مع سماع هذه الكلمة
في لحظة ما رئاهم حتى أسرع اليهم وقبل رأس هداية
فارس :طيب يا جماعة انا هاخد هداية نروح مشوار كده عن اذنكم .... في السيارة
هداية : ممكن افهم اي اللي حضرتك عملته ده
فارس :كان لازم اعمل كده علشان يبقى الامر طبيعي ولو ضايقتك انا اسف يا ستي
هداية :طيب ممكن ترجعني البيت
فارس : هو انتي مضايقة مني للدرجة وبعدين مينفعش في ناس عندكم في البيت أما ترجعي دلوقتي يقولوا اي
هداية :انا مش مضايقة من حضرتك بس...
فارس : عارف انك مكسوفة مني بس مش هينفع كده انا بس عايزك تتعاملي معايا عادي مش اكتر
في اليوم التالي في كافيه الجامعة
ايمان :في واحدة عاقلة تنزل الكلية تاني يوم كتب كتابها
هداية : انا متاكليش دماغي
مريم : هداية بجد اي اللي نزلك
هداية : عادي يعني اي الفرق ...على طاولة اخرة
شخص من طلاب الجامعة ولكن بكلية اخرى وهو ينظر لهداية :محمد انا مش قادر استنى بجد كل يوم بتاخر فيه اني اكلمها بحسها بتضيع مني انا هروح اكلمها
محمد زميل له : انت عبيط  يا ادهم أهدى هتروح تقولها اي وبعدين هداية الملتزمة هتوافق بناس زينا
ادهم :مش عارف يا محمد بس انا اتغيرت خالص والله علشانها
محمد : طيب ما ده غلط يعني لو هي رفضت هترجع تاني
ادهم : متقولش كده ياخي الملافظ سعد بس انا اتغيرت علشان ربنا يكرمني بيها ويساعدني واستحقها لما قعدت تتكلم أول امبارح وتحكي قصة سيدنا جليبيب وكله اتاثر بكلامها اسمع ولد بيتكلم ان نفسه تبقى من نصيبه ابقى هتجنن ونفسي اروح امسك لسانه اعصره
محمد :مش عارف والله اقولك اي بس انا حاسس بالغيرة اللي جواك دي ..لم يكمل الجملة ولاحظ وصول ادهم إلى هداية
أدهم : آنسة هداية
هداية بتوتر : نعم حضرتك محتاج حاجة
ادهم : محتاج بس رقم والدك مش اكتر انا معجب بيكي من فترة و....لم يكمل جملته بسبب وجود فارس امامه ........يا ترى ماذا سيكون رد فعل فل فارس
________________________
فوت وكومنت وشير فضلا