كل هذا لم تنظر مليكه حتى لفاطمه ، لتومأ لحورية و تذهب معها ، اخذتها حورية و جلست معها في الحديقة الخلفية في هدوء و قالت ....
حورية ؛ و بعدين يا مليكه
مليكه : بعدين ايه
حورية : و بعد ما ترجعي ايه الي هيختلف ، هيرجع يضرب تاني امبارح ربنا ستر بس مش دايما محمد هيلحقك
مليكه : و ده نصيبي اعمل ايه
حورية : يابنتي محدش بيحط ايده في النار و يقولي ده نصيبي ، فكري في بنتك شوية
مليكه : ما انا بفكر في بنتي اصلا ، ولا عايزاها تتربى بين اب و ام منفصلين
حورية : احسن ما تبقى يتيمه
نظرت لها مليكه بصدمه لتقول حورية ....
حورية : معلش يابنتي متزعليش مني بس ده الي هيحصل اشتري نفسك و بنتك تعيش مع اب و ام منفصلين في حياه هادية احسن ما تعيش وسط اب بيضرب ام و صريخ و زعاق ، فكري يابنتي تاني
قالت كلماتها و تركتها تفكر ، مرت الساعات و ملك مكانها تتذكر كل شئ منذ اول زواجها الى الان الى ان لاحظت ان الوقت تأخر لتقرر الدخول للقصر ...
🥀🕊🥀🕊
اما في القصر كان الجميع جالس الى ان طرق الباب لتفتح حبيبة و كانت ندى التي دلفت بغضب و قالت......
ندى بغضب : هو ده يا محمد الي هتخلي بالك منها من اول يوم تتصل عليا علشان عايزة ترجع
محمد : يا امي اهدي الحكاية مش كده
ندى بغضب : اومال ايه ، دي واصلة لمرحلة انها ترجع لنار عماد ولا تعيش هنا ، انتوا عملتوا ايه بالظبط
محمد : صاحبتك الي عايزة تمشي احنا معملناش حاجة ، انا فاهم اننا السبب حتى لو مش عارف ازاي بس هي مش عايزة تدينا فرصة نعوضها اعمل ايه .
هنا دلفت مليكه لتتجه لها ندى و تقول بغضب ....
ندى بغضب : انتي غبية يابت هو ايه ده الي ترجعي ترجعي ايه اصلا و لمين ، ترجعي لموتك
مليكه : ندى....
ندى بمقاطعه و غضب : ندى ايه و زفت ايه ، فين العقل في الهبل ده ايه يابنتي انتي عايزة تموتي ولا حاجة
مليكه : انا هرجع علشان ينتي تتربى بين اب و ام
همت ندى بشتمها ليقول جلال ....
جلال : طيب خدي يابنتي صاحبتك و اطلعوا اتكلموا بره شوية و نشوف هنرسى على ايه
لتأخذ ندى مليكه و تخرج بها للحديقة و تقول ....
ندى : من غير عصبية اهو عايزة افهم فورا ، يعني ترجعي و ترجعي لمين اصلا
مليكه : ندى انا مستحيل هعرف افضل هنا
ندى : ليه يا امي
مليكه : اولا علشان انا مستحيل انسى هما عملوا فيا ايه ولا انهم كانوا السبب في كل الوجع الي عشته ثانيا علشان بنتي
ندى : مليكه انا عارفة ان الي اتعمل فيكي ظلم و انك كنتي ضحيتهم و انهم السبب في الي انتي عشتيه زمان بس بلاش تبقي ضحية نفسك كمان و تكوني السبب في الي هتعشيه في المستقبل
لم تجبها مليكه فقط دلفت للقصر و فور ان رأتها رؤية حتة اتجهت و عانقتها من قدمها و نظرت لها قائلة ....
رؤية : مامي احنا هنروح لبابا
مليكه و مسحت على شعرها : ايوه يا حبيبتي
رؤية : بس انا مش عايزة خلينا هنا مع بطوط و جدو و خالو ، انا مش عايزة ارجع البيت القديم يا مامي
مليكه بدموع : متأكده مش عايزة
هزت رؤية رأسها بنفي لتتنهد مليكه بينما اتجه لها محمد و قال .....
محمد : بلاش ، حتى لو احنا سبب وجعك زمان و مش هعرف امحي حاجة زي دي بس بلاش ترجعي حرام البنت تتدمر فكري فيها و سيبي على جنب مشاكلنا
نظرت مليكه لرؤية ثم نظرت لمحمد و اومأت له ، ليعانقها هو قائلا .....
محمد : صدقيني هخليكي تنسي كل حاجة
اما ندى فقالت : طيب يا ختي اقوم انا اروح لجوزي احسن اطلق بسببك
لتفصل كليكه عناقها مع محمد و تعانق ندى مودعه لها ، بينما قالت مليكه...
مليكه : انا عايزة برضو اعرف فين شنطي انا ملكتش غير الطقم ده الصبح على سريري و بس
محمد : رمتهم
مليكه : افندم ، عملت ايه !!؟
محمد : رمتهم
مليكه : ليه !!؟
محمد : علشان انا مش عايز اي حاجة تربطك بحياتك القديمه غير رؤية ، بكره هننزل نشتري هدوم جديدة
همت مليكه بالكلام لاكن قطعها جلال قائلة ....
جلال : و متتكلميش في فلوس و هبل علشان متعصبش
محمد و كتم ضحكاته : اقطع دراعي ان ما كنتي هتتكلمي في فلوس ، صح
اومأت له مليكه و هي تكتم ضحكاتها ، لينفجر في الضحك قائلا ....
محمد : طيب يلا يلا روحي اتفضلي نامي علشان بكره عندنا مشاوير كتييير اوي و هقولهالك بعدين ، حبيبة اديها حاجة من عندك و لبسي رؤية هدوم النوم بتاعت امبارح لحد ما نشتري بكره
اومأت له حبيبة و اخذت مليكه و صعدوا اولا لغرفة رؤية و قامت مليكه بالباسها ملابس النوم و تنيمها ثم اخذت من حبيبة ملابس نوم لها و بدلت ملابسها و ظلت تفكر هل قرارها خطأ ام صواب ، و ان كان يجب ان تعود ام ان تطلق ظلت هكذا لساعات الى ان ........
كده البارت خلص و ياريت متنسوش الفوت و الكومنت علشان تشجعوني اكمل و اكتب دمتم سالمين
