التخلف

البداية بارت -1-

نبدأ بأسمه الكريم ونقول بأسم الله

اسمي رينا متخرجة من الكلية اواشتغل اومتزوجة راح احجيلكم قصتي لمن جنت صغيرة :

لمن جان عمري 14 اجتني امي دكول
ام رينا : كومي حضري نفسج حنروح للعمارة يم بيت جدج
رينا : يمة اني بحياتي مرايحتلهم او حتى لمن ايراسلوني بالمواقع ما اعبرهم
ام رينا : احجي هذا الحجي الابوج لان خابرة جدج او كال خل تجي بتك مشايفيهة
رينا : يلة حروح احسهة مغامرة
ام رينا : دكليخرا او كومي حضري ملابسج
رينا : حاضر
قبل لا اكمل خل نتعرف على العائلة الكريمة
امي اسمهة رشا او ابوي رائد او اني الوحيدة عدهم

لميت غراضي او امي اخذتني للصالون ف اني كصيت شعري او صبغتة او من هاي السوالف
المهم طلعنة ورة صلاة الفجر او جنت ابدد ممتحمسة معنوياتي زفت او طريق طويل مدري احس الطريق كلة كلبي يوجعني الدرجة كمت ابجي بس اهلي ملاحظوني المهم وصلنة هناك جان اشوف واحد لابس مدري شنو براسة بعدين سألت بابة
رينا : بابة هذة شخال فوك راسة او منو هوة
ابو رينا : هاي غترة او هذة ابن عمج الي جدج انطاه المشيخة او اسمة احمد او عمرة 28
رينا : مكاعد اتعرف علية بس صرحة شكلة عصبي
ابو رينا : مو صوجج صوجي اني دا احاجي خبلة مثلج او علفكرة كلامج صحيح عصبي بشكل
رينا : اهااا
المهم طبيت للمطبخ شفت ثنين بنات وحدة اسمهة رنا او الثانية رسل المهم ررسل عمرهة 16 متكبرة لان شيخ معروف بالعمارة خاطبهة او كل كلمتين او الثانية ختيبي او ختيبي او اتصير اخت احمد
رنا عمرهة 17 متزوجة او عدهة تؤام بنية او ولد الولد اسمه باي على اسم الأمام علي عليه السلام او البنية ايليا هم على اسم الأمام علي عليه السلام او كلش حلوين او رنا حبابة كلش احسن من رسل او حبيتهة كلش او هم تصير اخت احمد
سألتهة : شلون تعرفتي على زوجج
رنا : اني زوجتة غصب لا اعرفة ولا يعرفني او الحد الان ما اطيقة بس من ورة اخوي احمد او امي زوجتهة لان عندة فلوس مو كذا هاي السوالف مال متخلفين
رينا :اخخ طلعتي مو متخلفة مثل اختج
رنا : ما مصدكة ختيبي او ختيبي نوب متقبل تحاجيج عبالك راح تاخذي منهة
رينا : علساس كاتلهة نفسي عليه
كعدنة نحش برايح او بالجاي لحد ما صار الغدة او رحنة نتغدة او اشوف احمد يخزر بية او ايباوعلي من فوك الي جوة اخر شي رحت للمطبخ جان فارغ مر من عندي او كال :
احمد : تعاي للغرفة الفوك بدون ميلاحظوج
رينا : عاملتة بشكل بارد حتى ما احجي بوجهة اباوع اوكتلة ما اصعد تريد شي او درت وجهي علي او رفعت حاجبي
احمد : مو بكيفج ترا اسحلج سحل او اصعدج فوك
رينا : او اني اصيح هنا او اكلهم متحرش
احمد:كلشي اتوقع منج اذا مستمرة بدراسة  دراسة او ما بطلت بسادس ابتدائي او رايحة جاية او شايفيج ولد ف مبين سافرة
رينا : دقيقة ليش الي مكملة دراسة مو زينة اذا نفس حجيك لعد ليش عدنة بدين ( طلب العلم فريضة ) ها جذب الدين هم او اذا شايفيني ولد معناه سافرا اذا هيج لعد اختك او امك سافرات لان اكو ولد شايفيهن
احمد : باعي لج مو مطلعة لسانج علي ترا اكضج امرعدج تمرعد
رينا : كمت اسب بي بلغات ثانية

او نسمع صوت صياح :

ان شاء الله عجبتكم القصة ❤️🗿