المهم بديت اشتغل او طلعت ابيت الوحدي ف جان اكو مطعم قريب يمي دائماً اروحلة او اكو بنية تشتغل بي اسمهة تقى خطية تقى امها او اختهة ماتو كدام عيونهة او ابوهة او عمامهة ايشربون كحول او ملاهي الخ عاد اني او ياهة صرنة صديقات كلشش هية عمرهة 20 تشتغل بالمطعم لان ابوهة هيج كال ضلينة سنة كاملة سوةة او صارت مثل اختي او اعزز ف مرة اجيت للمطعم او ما لكيتهة هية مو من عوايدهة متجي للمطعم سألت ابو المطعم كال بطلت من الشغل اني استغربت خفت عليهة رحت البيتهم اجاني عمهة كال اتزوجت او راحت الغير محافظة .. اني عرفت اتزوجت الولد الي تحبة ف اخذت عنوانهة او رحتلهة او طلع صدك او فرحت لان اتزوجت الولد الي تحبة او خلصت من ضيم بيت جدهة ف كلت هاهية أمنت عليهة او رحت بعد فترة كلت خل اكمل دراسات عليا شعندي او صدك رحت الامريكا بقيت سنتين ادرس او ايضاً اتعلمت اللغة الانكليزية بطلاقة او الفرنسية او الكورية رجعت للعراق بغداد اشتاقيت الاهلي او التقى او ماريا او جنات او رؤى او حوراء
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصلت او لكيت عنوانهة عرفت هية متزوجة شيخ عشيرة وصلت البيتهم جبير نفس بيت جدوو محمود بس هذا اكبر اسمع صوت ولد او هاي رينا : اكو بنية اسمهة ماريا اهنا الحارس : اي موجودة رينا : ممكن اصيحلياهة كوللهة رينا تريدج الحارس : دقايق دخل الحارس جوة بعدين اجة شخص لابس غترة ال دشداشة الخ ايليا : منو حضرتج رينا : صديقة ماريا بس منو انتة ايليا: اني ايليا زوجهة او اتفضلي ادخلي شوفي ماريا رينا : لا. لا خل هية تطلع ايليا: لا اسف ما اخلي نسوان برى عيب رينا : دخلت او شفت كومة ولد كلهم ايباعولي من فوك الجوة ما اهتميت دخلت او دخلني ايليا ضليت اباوع بس اريد اشوف ماريا ايليا : ماريا تعاي ماريا : اي اي جاية رينا : سمعت صوتهة دمعت عيني نزلت ماريا ماريا : رينا رينا : ايي وينج حضنتهة ماريا : ليش مسألتي علية رينا : شكد حقيرة غير سافرت او اهلج كالو اتزوجت ماريا : مشتاقتلج نعال رينا : اني اكثر فاكيوو بيج ماريا : وين جنتي رينا : خلصت ماجستير بأمريكا او انتي شصار او ياج
ماريا : اني اخوية دعم واحد بالغلط الولد الي هوة ايليا بس رجليه انكسرت ف هوة كال اريد فصلية اجيت اهنا هوة شافني بالبداية ما اهتم او جانت اخوانة كلهم زينين وياي بس هوة مدري شبي كل ما ايشوفني ايعصب او ايعيط بديت اكرهة كره العمى بعدين تغيرت تصرفاتة او بدة ايحبني بس اني رافضة لان جان قبل مضوجني حيلل ما اكدر اتخطى او هوة حاول بكل الطرق انو ايراضيني حتى سوالي عقد محكمة او سوالي عرس بديت احبة شوي شوي او هسة علاقتنة زينة الحمد الله
رينا : خوش طمنتيني اكلج انتي عازلة بيت الوحدج
ماريا : لا بس طالعين عدهم عرس عايشين ويانة علي اخو زوجي عمرة 27 سنة اما ايليا 30 سنة او اخت ايليا مريم عمرهة 10سنين امة او ابو ميتين الله ايرحمهم رينا : الله يرحمهم ضلينة كاعدين نسولف انفتح الباب اجت ابنية كيووت مريم : هلاا رينا : هلاا بيج شسمج يحلوة مريم : اسمي مريم رينا : تعاي يمي اجت مريم او حضنتهة اتذكرت بيوم وكع الطفل لو هسة عايش جان بكدهة او اصغر بجيت من كل كلبي مريم مسحت دموعي مريم : ليش تبجين كافي يعمري رينا : ما بيهة شي ماريا : كافي حبي لا تبجين رينا : وين الحمام ماريا : اطلعين كبل على اليمنة رينا : رحت غسلت وجهي او عدلت مكياجي طلعت دا امشي صادفت ولد ايخبللللللل علي : اسف رينا : ليش تتأسف علي : ما انتبهت انتي ما لابسة عباية اكرر اسفي رينا : لا تتأسف اني مو محجبة عن اذنك
رحت يم ماريا ضلينة نسولف بعدين اتأخر الوكت كلت اخذ شقة إيجار شهر علمود اشوف ماريا هواي بس مين الكاهة سألت ماريا اجت ماريا كالت علي هسة ايوديج رينا : لا لا اني اخذ تكسي مو مشكلة ماريا : انجبي اهنا مو مثل بغداد رينا : لتخليني بموقف محرج ماريا : دكليخراا يا احراج اجة علي او كال يلة تعاي اوصلج اني توترت رحت بست مريم او حضنتهة او هم نزلن دموعي كعدت بسيارة اليورة علي : تعاي كعدي اليكدام رينا : لا لا مرتاحة هنا علي : تعاي بلا عناد رينا : صعدت اليكدام او هوة ايسوق علي : ليش بجيتي لمن شفتي مريم رينا : اتذكرت طفلي شلون مات علي : اهنا انكسرت طلعت متزوجةةة لااا ...... انتي متزوجة رينا : اطلگت علي : اهنا گلبي ارتاح ...شنو سبب الطلاق رينا : مرة اجة سكران ف ظل يضرب بية الحد ما وكعت الطفل او وكع الرحم او دخلت بغيبوبة شهرين حتى بعد ما طلعت من المستشفى صار ايعاملني بسوء او قسوة مع انو هوة شيخ عشيرة او اني مو بس زوجتة لا او بت عمة مع هذا جان سيء وياي بالاخير اطلكت او ورة طلاك هوة اتزوج بعدين طلك لان عرف بيهة مسويتلة سحر بعدين رجعلي يتوسل حتى ارجعلة اني ما وافقت ابددد بعدين اتزوج وحدة ثانية علي : شكد ناقص لعد رينا : بضبط علي : انتي مكملة راسة رينا : اي قانون او خلصت ماجستير بأمريكا علي : كم لغة تعرفين رينا : انكليزي فرنسي كوري علي : زين رينا : انتة شنو مخلص علي : طب عام او دارس ب هولندا رينا : زين ضل يمشي او اني اباوع من الجامة وصلنة نزلت الغراض او رحت للشقة عدلت غراضي او نمت ———————————————— 🌚🌚
