التخلف

البارت -8-

لكيت احمد وية ابن خالة اني صار عندي فضول اسمعهم شيكولون ف نزلت على كيفي جوة للحديقة او ختلت المهم سمعتة ايكول
حسام : ترى داليا طلكت
احمد : ادري
حسام : اليوم تجي للشقة لو لا
احمد : اي اجي شلون غير فرحان اليوم اجي نلعب لعب ههههههه
حسام : جبتلك وحدة صاكة تخبل
احمد : ههههههه ونسة للصبح هههههههه
حسام : اكيد هههههههههههه
رينا :
اني نصدمت شجاي يمضرطون هذول صعدت الفوك او اني منهارة حيلل فتحت الفون او دخلت على الصور اكلب بيهن شفت الفديوهاتي اني او احمد لمن خليتة ايصير أي-بوي بوقتهة جنهة كاعدين او اجتني الفكرة او كتلهة الاحمد بالبداية عارض بس بعدين :
رينا : شبيك حباب ارد اسويك اي-بوي حبابب
احمد : يلهة ميخالف
رينا : انتهة لحيتك خفيفة منلعب بيهة بس شعرك راح اسوي
احمد : بكيفج عمري
رينا : بديت اشتغل على شعرة هوة دائماً ايسوي تسريحة الديج هلمرة ما رفعتة نزلتة صار نفس شعر كوك 😭😭 بعدين صفنت كلت خل اسوي نفس ايرين احلى او صدك سويتهة نفس ايرين او لبستة بلوز ابو ركبة هاينك او خليتلة سناسل طلع ايجننننن او اني هم سويت مثلهة هم تسريحة ايرين او الخخ او عدنة مسدس مو حقيقي لعبة اخذناهن او رفعتة براس احمد او احمد رفعة براسي او اخذنة صورة بعدين اخذنة كل واحد جكارة او هوة شعل الجكارة مالتي او هم صورنة بعدين طلعنة اغنية فرنسية رومانسية او ركصنة او صورنة او متونسين او هاي او حياتنة تخبل بس هسة ليش تغير علية شنو شصار سويت شي غلط ضليت ابجي مقهورةة حيل كلبي محترك او اني اكلب بالفون شفت الفديو الي بيوم احمد عرف بيهة حامل بوقتهة خليت رنا اصور او اجة احمد او شافنة ملتمين او سأل
احمد : اكو شي صاير
رينا : سلامتك ماكو شي بس
احمد : بس شنو
رينا : اني حامل
شالني او افتر بية كتلة الحمل ضعيف وداني للغرفة او اول ايام مدللني ولا ايخليني اتحرك هسة شبي ولا عبالك راح ايصير اب بعدين فكرت او كلت خل اعرف منية داليا الي اطلكت ف دكيت على رنا
رينا : هلا شلونج شلونهم الاطفال تمشتاقيلهم
رنا : زينين الحمد الله او احنة مشتاقيلكم ماكو كم اسبوع او نجيكم الطفل اشلونة
رينا : زين
رنا : رسل اخوي جدي هم شلونهم
رينا : زينين
رنا : الحمد الله
رينا : اكلج
رنا : هاا حبب
رينا : تعرفين داليا
رنا : ضليت مصدومة مين عرفت داليا عزااا ...
رينا : ليش ساكتة جاوبي
رنا : باعي انسي داليا
رينا : شبيج فدووة كولي منو حبابة نفسيتي تعبت واكفة على اعصابي هسة كوليي رنااا
رنا : داليا احمد جان ايحبهة من جان سادس اعدادي او جانت بت جيرانة لمن راح الغير محافظة علمود ايكمل الكلية اتزوجت ابن عمهة او احمد صار عدة انهيار او راح الدكتور نفسي لان جان ايحبهة حيل بس من شافج حبج او تزوجج بعد سالفة قديمة ليش نفتحهة او هوة ايحبج او ميشوف غيرج
رينا :  زين كلتي يلهة مع السلامة بوسيلي الاطفال
رنا : بعيني يلة مع السلامة
رينا :
سديت الخط من رنا او ضليت ابجي انقهرت حيل بس كلت خل اخذة اني قبل لا هية تاخذة مني ف رحت تمكيجت مكياج  سايكوو لان حلوو علية المهم او عدلت شعري او لبست فستان قصير اسود او الخخ اتعطرت او رتبت الغرفة المهم اجة احمد اني سويت نفسي مو مهتمة العب بالفون او العب بشعري اجة يمي او كومني او طلعنة اغنية رمانسية او ركصنة هنا ذكرت يوم الخطوبة بعدين همس بأذني :
احمد : احبج رينا
رينا : مي تووو بيبي مي توو
احمد : احجي عدل ذاك اليوم هم دزيتيلي طلباتج بالواتساب انعوج حلكي او اني اقرة
رينا : اويي هاي شبيك دادة على كيفك
احمد : غير تكعد البغدادية خربب يومجج
رينا : شتريد اكول
احمد : كولي چا شمالك
رينا : ما احب اكول چا
احمد : خل اتعلم بغدادي احسن علميني
رينا : كول همممم اهاا دادة شبيك
احمد : شايفتني زعطوط
رينا : لا حبيبي حشاك
احمد : شكلتي
رينا : حشاك
احمد : لا الي قبلهة
رينا : اهاا حبيبي
احمد : يمةةةة  عسل من حلكج الكلمة عسللل
رينا : احمدد
احمد : عيونة الاحمد
رينا : تذكر اول مرة تقابلنهة بيوم كتلك اذا متوخر اعتبر نفسك حامل
احمد : همزين ذكرتيني بذاك اليوم صار عندي مغس بطني موتتني
رينا :هههه
احمد : خل اخذ حقي منج
رينا : شحسوي
احمد : قربت عليهة او حظنتهة او .............
رينا : احمد كافي كافييي
احمد : بس شوي
رينا : خلصت الشوية خل نكوم نركص او نصور او بعدين شتريد سويي
احمد : يلهةةة لعد
رينا : كمنة صورنة او ضحكنة او اتونسنة بذاك اليوم بعدين نمنة او هوة حاظني كعدت الساعة 1 بليل اباوع احمد ماكو ضليت بقلق صارت 3 رجع احمد ريحتة مو حلوة او مبهذل او حجية ما مفهوم عرفت شارب شوي او اجة ايقرب مني او دفرني حيلللل بطني او ضل يضرب بيهة بوجهي او بكل جسمي او ايصيح ليش تزوجتي او عفتيني اني ضليت ادرس او اتعب حتى اجي ازوجج اتزوجتي هذاك الخايس او عفتينيي كح.. انعل ابوج ........ او اني بديت انزف بعدين الدم بدة يطلع من خشمي او هوة مستمر يضرب الحد ما كسر المزهرية على راسي هنا ما ححسيت غير الدنية مغوشة او سودة حيللل كعدت لكيت نفسي بالمستشفى او وحدة دكول
،،الحمد الله على سلامتج
رينا :شكد صارلي هنا
،، شهرين مدام
رينا : الطفلل بخير
،، للأسف طرحتي او رحمج ما تحمل ايضاً او الله ايعوضج
رينا : يعني شلت الرحم او الطفل مات
،، للأسف ايي  او دخلتي بغيبوبة
رينا : لعد وين اهلي
،، هسة اتصل عليهم 
رينا : اتصلت البنية على اهلي اجة احمد من شفتهة مدري حسيت بتجاهة بكره او هوة لا اجهة اعتذر ولا اجهة كال مو قصدي
احمد : يلهة رينا ما اعندي وكت تعاي نرجع للبيت
رينا : احمد وديني البغداد
احمد : بعدج مريضة من اطيبين عود اوديج
رينا : انتهة دمرت حياتي وكع طفلي او بعد ما اكدر اخلف من وراك
احمد : بالبيت نتناقش مو هنا عيب
رينا : اي عيب احجي الصدك بس مو عيب اشرب عرك او اكتل مرتي او ادخلهة بغيبوبة او توكع الرحم او الطفل لا مو عيب
احمد : كافي رينا عندي شغل يلهة
رينا :
كمت حتى اطلع رجلية ما كدرت اشيلهة لان تعودت على نوم اجة ممرض سندني احمد مقبل كال اني اسندهة او ما لزمني كشت روحي بس كلت ميخالف صعدنة بسيارة او رجعنة للبيت اجهة جدو او رنا او رسل او امي او ابوي او يوسف  او خطيبتة اني جنت بحالة تصعب على الكافر وجهي اصفر او اكو زراك داير مداير عيوني او شفتي مفطرة او ادية  زركة او جسمي اصلاً ضعيف نوب هسة صرت اضعف حرفياً جنت بحالة تصعب على الكافر الكل تحمدولي على السلامة او اجة يوسف ينكت او يشاقيني او خطيبتة حبابة كلش او دمهة خفيف اجة احمد كعد كبالي مخنزر وعلي بي ركعة هيج مال اموتهةصحت عليهة حتى ايصعدني للغرفة  صعدني او سألتهة
رينا : كلتلهم انتة كتلتني لو شنو
احمد : كلتلهم وكعت من الدرج
رينا : او صدكوك
احمد : لا
رينا : لعد شسويت
احمد : عفت البيت او رحت البيت صديقي او هسة اني يمج
رينا : اهاا
احمد : يلة ان رايح يم جماعتي
رينا : بس جيبلي مي عطشانة
احمد : جريتهة من شعرهة او كلتلهة مو اني ال أمروني اني ألمر افتهمتي او ضربتهة راشدي
رينا : ضليت مصدومة هذا شبي ليش ياكل خراا شكلتلة هوة مي كبرر كلتلهة احمد هاهية روح
احمد: اطرديني ضربتهة  ضرب الحد ما كامت تتقيء دم او خشمهة كلة دم عفتهة او طلعت
————————————
هذا البارت تعويض لان مناشرة صارلي هواي ف اعذروني اسفة 🥲💔