التخلف

البارت -4-

مرت يومين او اني مالي خلك اسوي اي شي لا اكل لا اشرب حتى نوم طار مني او اهلي ضلو قلقين علية او كلساع ايكلولي ناخذج للدكتور او ارفض المصيبة الاكبر انو عندي فقر دم حاد يعني ماكلة خرا حشاكم

شوية جان ايدخلون بيت عمو مصطفى
عمو مصطفى عايش بالبصرة او عندة خمس ولد اربعة مزوجين او كاعدين بالبصرة ما اجو وياه او واحد اجة وياه او اسمة يوسف او عمرة  17 سنة او عمو مصطفى ما عندة بنات

المهم سلمت على مرت عمو مصطفى او صعدت سبحت او بدلت لبست هودي او ستريج اسود او حذاء الايدول او سويت شعري ويڤي او سويت مكياج ال أي كيرل كيوت طلعت بيرفكتت عطشت ف نزلت اجيب مي رحت للمطبخ جان اشوف ولد طويل لابس كلة اسود بس نقشة مال التيشرت بيهة بياض مكتوب تاتاكويه معناهة قاتل عرفتهة لان ايرين من انمي اتاك دائما ايكولهة او الولد صاكك بشكل يعني ارموشة طوال او عيونة حادة بس اذا ضحك تتحول تصير  تخبل او شعرة نازل مو مسوي مثل الديج المهم  فتحت الثلاجة اخذت المي او سألني انتي منو اني سكتت شربت مي او حمدت رب العالمين او خليت البطل على صفحة او جاوبتة كتلة اني رينا بت رائد انتة منو جان ايكول انتي بنت عمي الي نسمع عنج بس منشوفج او ضحك او كال اني يوسف ابن مصطفى كتلة اهاا جاي اروح جان ايوكفني او ايكول انتي محجبة كتلة لا شدخلك جان يكول لا بس هيج اكعدي شوي مليت اريد احاجي اي شخص مو مجيم عقلة من العادات او التقاليد المعفنة او المتخلفة
رينا : ما اكدر اذا احد شافنة شيكول علينة مالي خلك فضايح
يوسف : تعاي اخذج برا البيت
رينا : بس شلون اقنع اهلي
يوسف : امج اكيد تقبل كليلهة او سوي نفسج كدام العالم تعبانة او رايحة تنامين  او اوكفلج بالباب الخلفي نطلع منا لليل يلة نرجع
رينا : اوكي مستحيل افوت هاي الفرصة
رحت كلت الامي حطلع وية يوسف علمود تغطي علي او قبلت بس كالت اذا اكتشفو انو انتي مو بالبيت اني مالي دخل كلتلهة اوكي  او سويت نفسي مواتة كدام نسوان عمي او بناتهن او امي تضحك علية من جوة الجوة المهم كتلهم رايحة انام بلكت الوجع ايروح او طلعت من الغرفة اخذت الفون او ركض للباب الخلفي جان اشوف احمد واكف بشارع هوة او يوسف المهم احمد ما لاحظني او اني ختلت او اشرت اليوسف علمود ايدخل احمد جوة البيت علمود اطلع المهم دخل احمد البيت او طلعت ركض يم يوسف او صعدت السيارة او كتلهة سوق بأسرع ما عندك
يوسف : ليش تخافين من احمد
رينا : حجيتلة القصة
يوسف : الله ايساعدج شلون ايزوجوج بهلعمر خصوصا انتي شاطرة بداسة يعني انتي لازم هسة اول متوسط صرتي رابع ادبي
رينا : شسوي ما بيدي حل
يوسف : اخطفج
رينا : فكرة بس لا يممعود الكامرات صورتني او اني طالعة وياك
يوسف : عزا هسة ننفضح
رينا : لا تخاف من ارجع احذف القطات الي طلعنة بيهة او الي رجعنة اعرف بهاي السوالف
يوسف : حطلع اغنية على ذوقي
رينا : طلع ضلت عليك
يوسف : هههههه
المهم طلع اغنيتي المفضلة او فتحلي الفتحة الي تصير فوك السيارة ما اعرف شسمهة او طلعت راسي منهة او الهوة يضرب وجهي فد راحة او ضلينة نحجي على الاغاني او طلعنة نفس الذوق بالاغاني  اني حسيت بي ولد زين تمنيتة ايكون هوة بدال احمد ف سألتهة
رينا : يوسف عندك حبيبة
يوسف : اي
رينا : بهاي اللحظة كلبي نكسر بس كلت انو مجرد شعور او هلاوس ما احبهة
يوسف : بس ..
رينا: احجي عادي ماكو غريب
يوسف : تركتني علمود ولد من بغداد تقدملهة او زوجت
رينا : ميخالف ركز على مستقبلك لا تهتم بيهة
يوسف : هوة هيج دا اسوي
رينا :

رجعنة للبيت او اني افكر شلون يوسف حباب او روحة رياضية او كوميدي مو مثل احمد بس فكرت او كلت لا احب هذا ولا احب هذة خلي كلبي كما هوة لا حب ولا خرابيط

مر خمس ايام او هاي الخمس ايام دوخة بدت تكثرر او الالم مدا يروح اخذت مسكنات او نزلت اشوف احمد او يوسف بالمطبخ يوسف كال شلونهة بنت العم
رينا : زينة الحمد الله انتة شلونك يا حيوان
يوسف : اني حيوان يا صخلة ترا انتي كولش قاسية علي ترا ابجي مدا اتحمل اوييي
رينا : شبيك هيج تحجي
يوسف : اقلدج  هيج انتي مايعة .. انتبهي انتبهي ابو بريص يمةةة
رينا :  اوكف خل الزمة لزمتة من ذيلة او وديتة يم يوسف ضل ايصيح اجة احمد اخذة  او كتلهة
رينا : شلونج يا مايعة انطيني رقمج
يوسف : انجبي
رينا  : لا من صدك اريد يوزرك مال الانستكرام علمود اشوفك الاغاني الي دائما اسمعهن
يوسف : هاج اليوزرج
رينا : ضفتك كلب وافق
يوسف : مممم افكر
رينا : انجب او وافق
يوسف : اوكي ضفتج بس لا تاكليني راح اصعد امدد لان تعبان
رينا : اوكي ولي
يوسف : وجع
دخل احمد المطبخ
رينا :

صعد يوسف فوك او اباوع على احمد عيونة صارن بكصتة اني رددت اطفر بس ملحكت لزمني او قفل باب المطبخ او جان الوكت عصر ف اللكل نايم جان ايكول لج من سمحلج تحجين وياه ترا اكصة للسانج بعدين اريدج تتحجبين لان ما احب احد ايشوف هلجمال غيري ولا تشاقين وية احد غيري
رينا : بعد كلي لا اتنفس اوكسجين احد غيرك حتى اختنك او اموت موو
احمد : اسم الله عليج بس انتي ما خذة راحتج
او بدا يتقربلي اني كتلة وخر ترا شوف شي ميعجبك وخررر
بعدين تقرب علي كلش ضربتة راشدي على كيف كفكم ضل معصب اني بدت دوخة زيد جان يضربني راشدي او طحت اخر شي سمعت صوت يوسف او هوة ايكول بس الشاحنة او نمت بعدين كعدت اباوع من يميني الكة يوسف اباع من يساري الكة احمد او هموة ديجون او احمد يعتذرلي اني رجعت نمت او سمعت نفس هذاك الصوت الي طلعلي او ايضا الملامح مو مبينهة او ايكول
"(تفرج بأذن الله فقط تحلي بصبر) "
كعدت لكيت نفسي بنفس المكان او اشوف احمد يعتذرلي او ايكول اسف مجان قصدي او يوسف ايكول اسف لان ما حميتج من هذة الهمجي او تعاركو اثنينهم اني صيحت اني بيحال او انتم شهلتفكير كافي تعبانة مو مال عرك اهلي درو اني بالمستشفى جان ايكولون لا كتلهم خلنرجع لا يضل بالهم علي جان ايكولون يلة طلعنة او الطريق كلهة يوسف او احمد يتخازرون اخر شي كتلهم بعد هاي الخزرات راح تحبون بعض او ضحكت او همة ضحكو ضحكة تسليكية او كتلهم جوعنة خلننزل ناكل نزلنة او همة ياكلون او يخزرون بعض اخر شي التفتو علي او ايباعولي بنضرات رمانسية كلتلهم لو توخرون عيونكم عني لو اطلعهة من مكانهة او اثنينهم ضحكو او صرفو نضرهم عني
—————————————-
ان شاء الله عجبكم البارت ❤️🗿