التخلف

البارت -9-

رينا :
لميت نفسي او كمت مسحت الدم او سبحت او او بدلت او خليت مكياج حتى اخفي الأثار مال الضرب بعدين اجة يوسف
يوسف : شلونج رينا
رينا : الحمد الله
يوسف : هذا احمد الضاربج صح
رينا : لا لا وكعت من الدرج
يوسف : لا دافعين عليه احجي
رينا : لا لا مستحيل احمد يضربني بالعكس ايحبني
يوسف : اوكي صح دا اشوف اكو جذب بس يلة
رينا : تحب خطيبتك
يوسف : بالبداية لا خطبتهة علمود اهلي لان خبصوني
رينا : او هسة
يوسف : معجب بيهة بس مو كلش بعدني احبج
رينا : احسهة تناسبك حيلل اما اني لاا
يوسف : رينا اذا اطلكتي او اجيت خطبتج اتوافقين
رينا : لا لان ما اريد اظلم هاي البنية مبينة تحبك او انتة حافظ على النعمة الي بين اديك
يوسف : اي صح شكلي هيج حسوي
رينا :
طلع يوسف ورة نص ساعة اجت ماما

رشا : حبيبتي شلون وكعتي من الدرج
رينا : ماادري جنت دايخة او طحت
رشا : اجذبين على امج اني اعرفج زين
رينا : لا يمة ما اجذب
رشا : لعد من دخلنة الغرفتج مكسورة المزهرية او الدم بالكاع
رينا : خاف هذا احمد هوة من ايعصب يكسر كلشي كدامة
رشا : هسة ميخالف الله ايعوضج
رينا : شكال الدكتور
رشا : سقط الجنين او دخلتي بغيبوبة
رينا : شنوو
رشا : اهدي بنتي اهدي
رينا : يعني ميدرون وكع الرحم عزاا احمد شدعي عليك ... يمة خليني بوحدي
رشا : بعيني اني طالعة
رينا : صيحي وياج رنا
رشا : بعيني
رينا : اجت رنا اوضلت تسولف بعدين كالت
رنا : هاي بت خالتي رؤى الي ضلت تخزر بيج بعرسج
رينا : ايي اعرفهة اشبيهة
رنا : يومية جايتنة ما اعرف شكوو شعدهة تجي مستغلة الوضع
رينا : خليهة مالي خلكهن
رنا : هذن ميكعدن راحة احس وراهن شي
رينا : ماكو شي لتخافين
رنا : هية هاي رؤى مدهورة بعدين اخوي شبي وياج
رينا : اخوج كوا*
رنا : هههههههههه
رينا : قابل مجذبة
راحت رنا او اني ضليت بالغرفة بعدين جدو صاحني او دخلت لكيت احمد يمة
جدو : انتو شبيكم شكو شصاير وياكم
احمد : جدوو ماكو شي لتخاف رجال او مرتة اصير مشاكل دائماً
جدوو : اصير مشاكل بس مو لهل مرحلة
رينا : ماكو شي جدو اني الغلطانة او اني اعتذر او اسفة بعد متتكرر
جدوو : هوة شنوو
رينا : لا لا جدوو شغلة بيني او بين احمد
احمد : اي جدوو اني او مرتي شلكم غرض لتلزكون
رينا : ايي جدوو .... شو هذا احمد ركع الباب او طلع
جدوو : هذا شبي انجلب
رينا : لا بس صار شوي عصبي
بعدين صعدت الغرفتي ماكو سبة ما سبيتة الكوا* .......... بعدين كمت اكلب بالفون اشوف الصور القديمة جنت ابجي بعدين دخل احمد عصبي او ايصيح ضل يضرب بية راشديات كمت ما احس على اي شي بعدين سمعت احمد ايكول طالك ما اريد هيج انسانة بحياتي او وكعت او غمضت عيوني
—————————————————
احمد :
بعد ما اتزوجت رينا او عشنة احلى سنة بحياتنة او احس نفسي طاير من الفرحة او همين رينا حبلت او جان هذا اكثر شي فرحني بس بعد ايام بديت احس نفسي من اقرب يم رينا ارد اضربهة او اكسرهة تكسر او بديت اسوي شغلات حرام او اشرب الخ ما اعرف شنو الي ديصير كل ما اشوف رينا اموتهة كتل ليش ما اعرف بعدين من جدو صاحني انصدمت رينا ما كالت هوة الغلطان كالت هية الغلطانة اني طلعت او عفتهة رحت للحديقة او ادخن ورة شوية صعدت اعتذر منهة بس اجاني شعور غريب احس اكو شخص ثاني يتحكم بية او رحت ضربت رينا او طلكتهة بس رينا تخربطت ضليت حاير اذا اعوفهة لو اخذهة للمستشفى اخر شي كلت خل اخذهة شلتهة او وديتهة للمستشفى  ورة ساعة طلعت او الشاش ملفوف على وجهة او اديهة رجعنة للبيت او كلتلهم اني طلكت رينا جدوو عارض

جدوو : لكك ليش اطلكهة اشسوت شصاير شبيكم
احمد : ترى رينا لمن وكع الطفل وكع وياهة الرحم
يوسف : لك يا كلب من ورة ضرب مالك يا كوا*
احمد :كافي سكتو لا تاكلون راسي
رينا : كافي مشكلة بين اي اثنين صارت او انفصلنة هاهية
احمد : اي صح
جدوو : او هية شنو المشكلة غير نعرف
رينا : ضليت حايرة شكول لان اصلاً المشكلة ما بيهة منطق يجي يضربني هيج بدون سبب ... احجي ابداخلي
رينا : وكع الرحم بمعنى ما اكر اولد اطفال ف ما اريد اظلم احمد
احمد : بداخلي مصدووم ليش ما حجت الصدك بس ما اهتميت او صعدت فوك
رينا : ارد ارجع البغداد
رائد : يلة الفجر نطلع
جدوو : خليهة هنا خل ترتاح
رائد : راحتهة هناك بوية
رينا : اي جدوو راحتي هناك 
———————————————
كايز البارت قصير اسفة 💔🗿🥲