روايتي الاولى ( وينها ياسعود قلت بالقلب )

Part 5

( بعد مرور يومين )

فايز جلس متنوم ومارح يطلع الا بعد بكره
وريم قدرت تتخطى شوي لن اهلها وقفو معاها و ساندوها
كان باقي يومين على زواج قاسم من بنت خالته والكل مرجوج و متوتر و متحمس ، طبعا قاسم و امه كانو في الشرقيه يشترون مناك اثاث جناح قاسم و الهدايا .
/
/
بيت العنود تحديدًا في الصالة
العنود : يمه ترا اليوم عمي ظافر اعطى خالد وعمي فهد ظرف زواج قاسم .
ام العنود : ايه يا بنيتي اخيك عطاني اياه بس اني مشغوله ما فتحته روحي جيبيه من داري ( داري معناها غرفتي )  .
( العنود راحت تجيبه من غرفه امها وفتحته وكان مكتوب )
/
/
/
بكل معاني الحب نتشرف بدعوتكم لحظور حفل زفاف

                              قاسم & ساره

وذلك بمشيئة الله
يوم الخميس
10/12 /2022
بقاعة الفخامه .
/
/
ظرف كان مزخرف وشكله فخمم لنه من ذوق ساره و قاسم
( اليوم و تاريخ و القاعه من عقلي 😭)
/
/
ام العنود : ماشاءالله الكرت فخم وجميل مره .
العنود : ايه حلو مره ، جت رساله في جوال العنود
العنود : يمه شوفي بعد ارسلو فيديو في الواتس ومنزلينه في الستوري سناب و انستا و واتس وكل مكان
ام العنود : اي ماشاءالله هاذي ام سعود مرسله لي ومنزله بالواتس ، الله يوفقهم ويرزقهم الذريه الصالحه و اشوفك انتي وخالد و دارين و يزيد و سعود و ريم با زفافكم فرحانين و اشوف احفاد احفادكم .
العنود وهي مبتسمه : امين امين والله يطول بعمرك ويخليك لنا ذخر و تشوفين مو بس احفادك تشوفين احفاد احفاد احفادك ، يلا يمه بروح عند ريم لننا بنزل السوق توصين شيء .
ام العنود : لا يا بنيتي بحفظ الرحمن استودعتك ربي ودخلي خذي من محفظتي فلوس .
العنود : ابشري يلا مع سلامه حبت راس امها وطلعت لريم .
.
.
.
.
.
( في قصر ظافر )

ريم : ريناددد عجلي الحين البنات ينتظرون .
ريناد : جايه جايه ( نزلت ريناد و وراها ميار ) افف ترا عادي لو انتظرو شوي مارح ينكسر منهم شيء .
ريم : على تبن و امشي لن سعود قال للسواق ألي تتأخر اسحب عليها تبغين يسحبون علينا .
ميار بدلع : سعود ما يسويها اكيد العنود تسويها لن ما صدقت ان عندها سواق .
ريم بعصبيه : شوفي انتي مالي خلقك امسكي لسانك ولا اسمعك تتكلمين معي ولا مع البنات اجلسي مع ريناد وفكينا من لسانك الطويل فاهمه .
ريناد : خلاص كانكم بزران فضحتونا اسكتو و امشو .
/
/
( طلعو برا لقو العنود و دارين يقنعون السواق انه ما يمشي و يسحب ).
سعود الي كان يناظر من بعيد جاء وضحك : خلاص كومار انتظر شوي .
دارين : انا عارفه انه انت الي قلت له اذا تاخر احد اسحب عليه وش ذنب ريم ها؟
سعود ابتسم : هاذي جزاتي اني اساعدكم من تأخير ريم .
ريم : حيوان لو انها العنود ما كان خليتنا نتحرك الا وهي راكبه .
سعود طالع بالعنود وبسرعه نزل راسه وهو يضحك وطالع بريم : قلتيها العنود اما انتي بطقاق ما همني غير عنودي .
العنود استحت و حاولت تغير الموضوع: خلاص لعد تتهاوشون وامشو بيسكر المول .
سعود وهو رايح سيارته : لو سكر خليته يفتحونه لعيونك .
/
/
ركبو سياره وهم يضحكون على وجهه العنود الاحمر ،  ميار جلست عند الدريشه وحاطه يدها على خدها وتفكر كيف تبعد سعود عن العنود لن من قبل شوي كانت بتموت غيره و عيونها تطلع شرار جلست تفكر الين طلع براسها فكره وقررت تطبقها بعد الزواج عشان لا تخرب فرحت قاسم و ساره ، وصلو و فرفرو كل المول في الاخير اجتمعو عند كوفي .
/
/
ميار : اخخخ رجولي تعبت وانا افرفر .
ريم : لو انك لابسه شوز مو ابرك لك من ذا الكعب العالي.
ميار بدلع : فكرت سعود الي بيودينا وما حبيت امشي جنبه وانا قصيره .
دارين : احلمي اصلا توقفين جنبه وبعدين لعد تدورين كذا وتدلعين بصوت عالي عند الشباب لن اصلا سعود ما يحب البنات الصايعات .
ميار ما ردت لنها عارفه نفسها غلطانه : لوسمحت المنيو .
ضحكت ريم قربت من اذن العنود : عرفت نفسها غلطانه وضيعت الموضوع ب المنيو ومعليك  سعود ما كان طالع لغيرك و يحبك .
العنود ضحكت : خليها مو احنا الي بنحاسبها ربي يحاسبها وبنسبه ل سعود انا اثق بسعود الي مستحيل يطالع في غيري .
/
/
طلبو حلى و قهوه ورجعو البيت قبل صلاة المغرب كل وحده دخلت بيتها غيرت و صلت وجلست توري امها وش شرت .
.
.
.
.
( بيت العنود تحديدًا غرفة العنود )