عتبها هــــواي
مايخلص عتب روحــــي 💔
رحنه نركض بلا وعي ومااشوف الا علي مدد بلكاع وحسين يمه يصرخ وكلها لتمت عليه اجه المدرب
ابو فاطمه ( المدرب ) : وخرو عنه شويه خلي يشتم الهوه مجرد إغماء من التعب مابيه شي
جاب ماي ورش على وجهه استعاد وعيه واخذو يرتاح شويه بالمعسكر كملنه تدريب ورجعنه تعبانين كلش
حسين : خويه شو من اول يوم هيج نتهينه وهذا تخربط شلون بعدين
أحمد: هذا كله من ما متعودين على الرياضه كاضينهه راحه
حسين : چا والعماله شنو.
أحمد: وين اذا احنه كله بلشهر نطلع مَـرّھٌ يلا خويه تكضي ان شاء •اللّـہ̣̥ وتصير سوالف كل هاي التدريبات والتعب م̷ـــِْن صالحنه حتى نصير زلم
حسين: اي والله گلآمَگ. صحيح يا خوي وارجل والله بينه راح يصير علاوي فيكه (بضحك)
أحمد : شدراك يجوز صدك تره العكسريه مصنع زلم والايام راح تثبتلك ه̷̷َـَْـُذآ الشي عالم خاص لٱ بيه نفاق ولا كره گلب واحد
حسين: واهم شي ماكو طائفيه شفت شلون البارحه تجمعنه كلنه السني والشيعي والمسيحي تكول واحد يعرف الثاني م̷ـــِْن الف سنه
أحمد: حب الوطن هوه الي جمعنه هيج لان دمنه واحد وتجمعنه كلمة عراقيين
حسين : اي والله صحيح شفت شلون بس انطو الفتوى كلهه لبت لان الدم تحرك بيهم
أحمد: اي والله صحيح يلا خويه گوم خلي نسبح ونبدل ونروح نشوف علاوي شلون صار
رحنه سبحنه وبدلنه ورحنه يم علاوي
أحمد: هاا خويه بشر شلون صرت
علي: والله خويه الحمدالله بس لو بعد يريكونه يلا نتدرب مو احسن
حسين : هوه انته بطنك فارغه ما كدرت تركض مو انوب متروسه
أحمد : مع مرور الوقت تتعود يا بزر الدلال
مرت الايام بدون ما نحس بيها وجانت التمارين تصعب يوم بعد يوم بس جسمنه تعود على التمارين وجنه كدها الي صدمنه علي صار أنشط واحد بينه وحتى المدرب خلاه بالمقدمة خلصنه فترة التدريب وصار لازم نروح لجبهات القتال نزلنه لاهلنه حتى نودعهم ونروح لجبهات القتال
ودعت اهلي واجه خالي حتى يودعني ويبقى يم امي واخواتي
ابو محمد : حمودي انته زلم وشجاع لان اختاريت هذا الطريق ما ضاع تعب ابوك وتربيته الك رفعت راس انته
احمد : خالي هذا درب الاحرار وبس الي الله يحبه يختارله هذا الطريق والشهادة مو بسهوله تتحصل
ابو محمد: إن شاء الله تنال الشهاده وترفع راسنه بين الناس
أحمد : إن شاء الله خالي امي واخواتي امانه عندك
