أنه المتعـــوب بس مابيــنت تعبي
أنه البــيه الـــحزن يدبي
طول الطريق وانه افكر بالي حجا الي حسين فرحان برجولته جان يكدر يسوي مثل بعض الشباب يضحك على البنيه ويرقمهه ويكضي وقت وياهه وبعدين يعوفهه بس هوه اختار يجيهه من الباب
اني من النوع الي يحب النومه بالسياره لان ما احب دوخت الطريق فنمت كعدني صوت حسين
حسين : يلا حمودي اكعد وصلنه
أحمد : عوفني شويه تعبان كلش
حسين : تره مو بيت الخلفوك هذا تره ياخذك ابو السياره ويرجع بيك للجرف
أحمد : شنو يعني وصلنه
حسين : جا شجاي الغي انه
أحمد : يلا يلا كمت
حسين : يلا كوم اخذ جنطتك وانزل
أحمد : يلا
اخذت الجنطه مالتي وتوجهنه للبيت
حسين : شتكول هسه علاوي وصل
أحمد : اي لان من خابرته كال احنه هسه شويه ونطلع
حسين : بربك اتصل عليه شوفه انه ما عندي رصيد
أحمد : خلي نوصل ونرتاح وبعدين اخابره
حسين : لا خابره هسه حتى إذا جاي نتجمع بليل ونحجيله كلشي حتى باجر انفذ خطتنه
أحمد : هااا هلكول كاتل روحك على علي والله انته ميت عليه اثاري تريده يساعدك بالخطه
حسين : اي والله خويه مااريد هاي البنيه تضيع من ايدي اريد بهذا النزول اتقدم الهه وبالاجازه الجايه نسوي العرس
أحمد : كفو منك اخوي عرس وكذا حمستني والله
حسين : يلا هسه احنه راح نوصل وانته بعدك ما مخابره
أحمد : يلا هسه راح اتصل عليه
طلعت جهازي حتى اتصل بعلاوي
الوووو 📱
علي : هلا حمودي
أحمد : شني وين وصلتوا
علي : والله بعدنه بالديوانية
أحمد : ليش غير طالعين من الصبح
علي : والله خويه على حظي المصخم عطلت السياره وبالف يا علي يلا اشتغلت
أحمد : هااا اكلك اشبع نوم بالطريق حتى باليل تجي النه عدنه اجتماع
علي : اجتماع شنو
أحمد : موضوع مهم نريد نتناقش بي
علي : بس لا وره هذا الموضوع المهم مصيبه
أحمد : شعدنه وي المصايب ما تكلي احنه ناس فقره
علي : اي اي تشهد النه المنطقه( بضحك )
