واستغفرتلك مستحه وسجدة عشگ
خيعون ليلك بي ضوه
خليتني حجاية شمع كلما تسولفني احترگ
للناس مدري لغربتك
مدري اعله ميلادي التفت
واعثر بتابوت الوفه
وياخذني حزنك واختنك
ماگتلي عنك مونبي
وماگتلي عنك موصدگ
أحمد : رجعت للبيت منتهي من التعب والفره بوجهي كبل للحمام سبحت وغطيت بسبات عميق
كعدت والفرحه ما تنوصف واخيرا ليوم هوه يوم خطوبة حسين الي الي كلنه منتظرينه
جهزت نفسي وخابرت علاوي حتى نروح لحسين لكيته منتظرني بالباب
علي : صباحوو ضلع
أحمد : صبح مثل الاوادم وبدون دلع رجاءا
علي : صباح الخير يا وجه الخير
أحمد : عفيه هسه تمام صباح النور ضلع
علي : خاب الحماس يقره الف كوه لازم روحي
أحمد: اي والله واخيرا ليوم المنتظر يلا مشينه نروح نشوف حسون شسوه ما سوه ورانه هواي تجهيزات
علي : يلا مشينه نشوف العريس شوكت انه اصير عريس
أحمد : الله يساعد الي تأخذك شكد فكر هاي
علي : لا تحجي على زوجتي رجاءا ما اسمحلك
أحمد : هيه ويانهه
علي : ببيت أهلها هههههههه( ضحكه شريره)
أحمد : شو امشي وكافي تهذي
علي : إن شاء الله انه العريس الجاي حضرو روحكم
أحمد: شنو لازم لاكي مره حتى نخطب الك
علي : لا والله بس إلا ما يجي يوم ونتزوج خو ما نبقى هيج
أحمد : طبعا تتزوج عيني تتزوج بس امشينه نروح ورانه يوم طويل
رحنه لبيت حسين ولكيناه نايم
علي : نايم المدلول حلوه نومته
أحمد : حسين يمعود كوم ما شبعت لخاطر الله ورانه هواي شغل يلا كوم تريك حتى نروح نجهز
حسين : صباح الخير ضلوع
أحمد : صباح النور عريسنا
علي : صباح النور عريس ولك شطالع كمر كمر بس شو الكمر طالع من الصباحيات
حسين : ههههههههه كمر شاخط
