بعده أخضر جرحنـه البارحه أتخيط "💔🥺
وصلنه للوحده مالتنه استلمنه السلاح ورحنه للغرف مالتنه
أحمد: شفت ام الشهيد شلون صبوره ما توقعت ابد هيج ردت فعلهه
حسين: الله نزل عليهه هذا الصبر
أحمد: اي والله اكلك راح اخابر علي نكله نتقلنه لغير وحده
حسين : اي بس افتح سبيكر خلي اشوف شراح يهذي ( بضحك)
أحمد : تمام
الووو
علي : هلا حمودي شعجب ذكرتني من لبارحه اتصل عليكم ماكو
أحمد : لبارحه جان عدنه هجوم وراحو هواي شهداء وجرحى
علي : اي سمعت ظليت اتصل عليكم حتى اطمن انتم شلونكم
أحمد : الحمدالله بخير شخبارك انته
علي : والله مو زين اكل ماكو ماي ماكو صارلي ٤ ايام بدون سبح حال الضيم حالي خويه
أحمد : الله يساعدك مو الي يسمعك يكول احنه بفندق خمس نجوم
علي : والله مليت اريد اجي يمكم راح اتخبل بس اصفن بلحيطان
أحمد : خليك بوحدتك احسن احنه مكانه خطر
علي : اصلن طلبت نقل يمكم
أحمد : ليش ولك مو احنه نتقلنه لغير وحده
علي : شنو ليش
أحمد : الأمر نقلنه طلبو جنود لجرف الصخر ونقل ١٠٠ جندي واحنه من ضمنهم
علي : خويه خطره جرف الصخر والله طاك كلبي عليكم شوكت ناوين ينزلونه لاهلنه
أحمد : والله احنه هم مشتاقيلك شلونه الوضع يمكم
علي : والله الحمدلله بس بليل هواي جاي تجي سيارات وطيارات أمريكيه حتى الاتصال يروح
أحمد : دير بالك على نفسك خويه
علي : إن شاء الله سلملي على حسوني
حسين : يوصل ان شاء الله ( بضحك)
علي : يعني صارلك ساعه تصنت النه وما تحجي
حسين : ردت اشوفك تسأل عني تجيب طاريي
علي : دومك على البال العزيز
حسين : يا بعد حيلي خويه والله مشتاقلك
علي : إن شاء الله باول نقل اجي يمكم
أحمد : لا يابه خليك بمكانك واستر علينه نحير بالدواعش نحير بيك
علي : لا انه بس خلي يوفرولي اكل وماي تستقر احوالي
أحمد : تعود تعود لان هاي حياتك بعد دوم هيج لا ماي ولا اكل
علي : خايب سنوني راح تطيح من هذا الصمون اليابس
حسين : خرب حظك والله ضحكتني وانه مابيه حيل اضحك نكعه بماي واكله ( بضحك)
أنت تقرأ
سالوفة حشد
Aktuelle Literaturتدور احداث القصه عن الشاب احمد وكيف عاش ايامه في الحرب مع داعش
