شسويلي ولا اعوفك
ياخذني قطار الليل كل ليله
واطيح بسچه زلوفك
اليحرك بابكم مو ريح
روحي متانيه تشوفك
رحت جبت المسواك ورجعت للبيت تلكتني اختي وامي بالمطبخ
أحمد : اكلج طلعي ملابسي اغسليهن واكويهن باجر عندي طلعه
زهراء: صار خويه
أحمد : أنه رايح انام كعدني من يأذن
زهراء : إن شاء الله
رحت التعب يقره عندي الف رغم اني لا مشتغل ولا شي بس رحت وي الجماعه بس تعب العسكريه كله طلع بيه من رتاحيت
كعدتني اختي للصلاه صليت وتغديت وهم رجعت نمت هيج تقريبا ساعه بس وتصل عليه علاوي
الووو 📱
علي : شوف البطران انه حاير شلبس باجر وهذا كاضيهه نوم
أحمد : أنه بس اريد اعرف حسين الي راح يخطب لو انته
علي : حسين
أحمد : جا شسوي كاشخ لخاطر الحمزه البس اي شي وتعال
علي : يعني بربك تدري بالباب مراقب من فوك والبنات كلهه فوك السطح تباوع على جماعة العريس من يجون وتريدني ما اكشخ
أحمد : وانته شدراك بهاي الأمور البنات يباوعون من السطح
علي : معليك خبره بهيج أمور
أحمد: علاوي فدوه اعفيني من هاي المهمه وعوفني اريد انام راسي مصدع
علي : صدك اذا كالو أعرف صاحبك من اول موقف
أحمد: هذا منو الي كال
علي : هسه انه اخوك وجايك طايح بشده ما توكف وياي
أحمد: الي يسمعك يكول صدك يا شده لخاطر ربك وثاني شي حجي حمزه كال بليل ينطي خبر لزلمه انته لا تسبق الأحداث
علي : هاي يعني هيج
أحمد : اي اي بليل هيج ب ٩ نروح يم حجي حمزه ونشوف شسوه
علي : تمام ارجع نام
أحمد: رحمه الله والديك راح احظرك خاف الك نيه تتصل بعد
علي : اي احظرني لان بعدني ما اقتنعت
أحمد : في امان الله
سديت الخط من علاوي وجريتهه نومه ل ٧ بليل كعدت غسلت وصليت وما جان الي نفس اكل شربت بس كلاص جاي
ام أحمد: يمه ليش ما كليت شي وشلون تشرب جاي على معده فارغه
أحمد: ما اشتهي يمه بعدين اكل من ارجع
ام أحمد: خوش يمه زهراء ضمي عشه اخوج بالثلاجة
زهراء : صار يمه
