ايهما اوفى؟!

"الحلقه الثالثه والعشرون"

ايهما اوفى

بقلمي هديل احمد

مو شامة عدها ،..
شذر أسود ..! 🌿..

صكر-

محسيت غير على تلفون يرن..
شفته ياسه غلست مجاوبت..
ماعرف ليش جاي اتصرف هيج..
بس يكون احسن..

وره شوي رجعت اتصلت عليها..
كبل ردت..

صكر: جنتي متصله؟

ياسه: اي ومالحيت كلت اكيد نايم

صكر: لا منايم التلفون جان صامت

ياسه: شلون صرت

صكر: احسن ، اي ليش
مخابره او ليش منايمه

ياسه: شوف ابوي اقترح عليه اقتراح وكلت استشيرك بما انو انت مسؤل عني

كبرت بعيني كلش..
رديت عليها بفخر..

صكر: اي شنو الاقتراح

ياسه: اشتغل ويا بعيادته مازال اني معطله

صكر: ضروري؟

ياسه: اذا وافقت فـ اني معندي مانع واذا مموافق مااضغط عليك ولا اعصبك

صكر: شوفي انتي متعرفين كلشي عن شغل الدكاتره صح؟

ياسه: هاي هيه وصل جوابك تأمر مراح اروح

صكر: عفيه بويه خليج هيج

ياسه: تدلل ، يلا اروح انام

صكر: تصبحين على خير

ياسه: وانت من اهلي..

مرت اسبوع وانه بالمستشفى..
بين النوم والاكل وياسه..

تعلقت بيها ويومي ميكتمل بدونها..
تعودت هيه تخابرني واذا مخابرت اضوج..

علقتني على هدوئها..
علقتني على صوتها اليرد الروح..

هنا اعترفت انه حبيتها ..
كل ماا اسمع صوتها لو اشوف لمعه عيونها..
كلبي يدك بقوه ومااسيطر على روحي..

بين قوسين ياسه اخذت كلبي بطولها..
وانه اتعمد اتعبها..
لان من تتعب ماتستلم وتوكف على حيلها..
نستني سرور بيوم وليله وشهر..

جنت بالبيت صرت احسن وكدرت اطلع واطب براحتي..

خابرتني ياسه وكلبي دك ويا الرنه..
رديت عليها وحاولت ابين روحي ممهتم..

صكر: نعم؟

ياسه بدموع: كافي صكر تعبتني اجيتك من كل جهه ورجعتك مثل اول واحسن بس ليش جاي تعاملني ببرود ليش تحرك كلبي؟

صكر: ياسه حضري روحج جايج انه

ياسه: ماريد اطلع

صكر: يلا انه بالباب انتضرج لاطولين..