ايهما اوفى؟!

"الحلقه الثانيه عشر"

#ايهما اوفى

#بقلمي الكاتبه هديل احمد

الدنيا ماخلصت ولابد جيه بيك..
عازه الك يمي وتجيك عازتي..

صكر-

الى ان بيوم انفتح الباب..
وطب الامر والعساكر من كل النواحي..

الـصعب: يلا ياولد كومو احنا بأمان

صكر: فگلي ايدي

اجا هيثم يركض بأتجاهي..

هيثم: ولك عبالنا استشهدت اتخيل حته اهلك سوو فاتحه وحزنانين

صكر: شلون يسوون فاتحه بدون جثتي؟

هيثم: تعال خلي نطلع هسه بالطريق احجيلك

طلعنا وسلمت ع ولد الي جانو وياي..
اتحمدولي بالسلامه..

صارلي ٤ ايام هنا على لحم بطني..
بأي لحضه افقد الوعي..

صعدت السياره وجسمي متكسر..
يأذيني الحرگ الي بضهري..

صكر: هيثم احجي اهليي شبيهم

هيثم: من انخطفت انت الامر خابر اهلك وكاللهم صكر استشهد

صكر: وهو يدري انه انخطفت

هيثم: اي تلفونك يمه فـ خابرهم وانطاهم خبر انت مستشهد بس ليث وجود يدرون بيك عايش وكاله هذا خطه من عدنه حته نحاصر الجريذي

ماصدكت اريد اعرف من الامر..
وصلنا ديالى وكف السياره..
كبال المستشفى نزلوني وعافوني ع سديه..

طبيت لغرفه العمليات..
حته يطلعون الرصاصه من كتفي..
ويعالجون الحرگ..

ضربوني ابره تخدير..
بعدها غمضت عيوني..

فتحتها واشوف ليث والامر ديحجون..
ونيت بألم باوعولي..

الامر: الحمدالله على سلامتك صكر

صكر: الله يسلمك سيدي، ليث نطيني ماي

شربني ماي وانه اباوعلهم..
وكفو بعيد عني وكاموا يحجون بصوت.. ناصي..

صكر: سيدي ممكن تفهمني ليش كلت لأهلي صكر استشهد؟

الامر: ها ليث نكله؟

ليث: نكله لازم يعرف

الامر: شوف وليدي گبل الاشتباك وصلني رساله اهلك مهددين وبأي وقت ممكن ينقتلون اذا ماسلمناك الهم ، فـ انه وليث وجود اتفقنه وكت الاشتباك نسلمك الهم ونكول لأهلك استشهد ، بعدين خططنه وصلنا مكانك واجينا اشتبكنا وياهم وطلعناكم ، يعني كلشي صار في سبيل اهلك يعيشون

صكر: مشكور سيدي

الامر: راح انطيك اجازه بين متصير زين وتكوم على حيلك عود تعال داوم