ايهما اوفى؟!

"الحلقه الثالثه"

#ايهما اوفى..
#الحلقه الثالثه..
#الكاتبه هديل احمد..
       

خلهن مالي واهس حته اسولفهن...
طعناتك ولك شيبت من عدهن..
هيه المشكله يجرحك الموش بعيد..
وياريت اليجرحك يجي يعالجهن..
____________________________

كعدت مطيت جسمي وطكطكت عضامي..
كمت غسلت ولبست برموده..
طلعت من الغرفه صبحت ع امي وابوي..
رحت للثلاجه طلعتلي اكل..
اكلت وكمت لزمت تلفوني..

ابو ياسه:- بابا راح تضلين هيج انتي؟..

ياسه: بابا لاتخليني اطلع برا ولا عندي دراسه ضايجه شسوي..

ابو ياسه:  راح اسجلج بل نادي شوي تنزلين كرشج..

ياسه: يلا حته انزل ستوريات..

ابو ياسه:  اللهم طولج ياروح..

هسه شكلت قابل..
طبيت لحساب الكاتبه..
شفتها ناشره قصه جديده ومكملتها..
امداني لعد شبيه ماقريته..
كعدت اقره من اول..
وجذبني شخصيه "لـ صكر"..
حبيته كلش كلش..
كرهت هاي الحقيره الخانته لو اني منها مااعوفه..
شرايحلي بصراوي يطك بلكاع..
نزلت حساباتهم طبيت لحسابه..
سويت حساب جديد وطبيتله..

ياسه:  كود مورنينك..

" ورا ساعه"

صكر: اهلين..

ياسه:  وااااو ولا اصدك عزا رديت يمااه تعاي كرصيني..

صكر:  هههههههههه شبيج بويه كلحنه بشر..

اثكلي ياسه طاح حضج..
هسه يكول عليج خفيفه..

ياسه:  احم خويه شلونك شلخبار..

صكر:  عال العال..

ياسه:  اكول خومه ترد ع غير بنات..

صكر:  ههههههه مثل مارديت عليج ارد ع غيرج..

ياسه:  ههه اي اكيد طبعا هواي معجبات حبو شخصيتك..

صكر:  الحب من الله خيتي..

سويت لايك ع رسالته..
وطلعت من الانستا..
اني مو اخته ليش يكلي خيتي..

ام ياسه:  شبيج ادردمين..

ياسه:  كوليله مو اخته اني..

ام ياسه: اكول المن ولج..

ياسه:  ماما خلي ننزل للعراق اكمل سادس هناك..

ام ياسه:  مشوفين ابوج ميقبل..

اتأفأفت وكمت..
يعني ليش الا اطب سادس يلا ياخذنا للعراق..
يربي اقسم بالله ضايجه وحدي مثل البومه..
لا بنات عمام ولا بنات خوال..
حته صديقاتي مليت منهم..
لازم احجي ويا بابا..
لو بلهدف لو بلنجف..

_____"العراق"______

مهدي:  كوم يلا يادوب تلحك تنضف الديوان..

صكر:  ااخ راسي يايمه راح اموت..