ايهما اوفى؟!

"الحلقه الرابعه والعشرون "

#ايهما اوفى

بقلمي هديل احمد

يخطئ القلب لحظه..
فيعاقبه العقل سنين..

صكر-

اليوم احله يوم بعمري..
جنت حاس بشعور كلش حلو..

كعدت الصبح مبتسم وبنشاط طبيت سبحت ونزلت جوه..

جانو كلهم كاعدين ينتضروني..
بوكته انطيتهم خبر بالليل وهم محضرين كلشي..

يعني جان ناقص عرس بس..

ام مهدي: كلووووووووش بالمبارك وليدي

رحت الها بستها وكلت:- الله يباركلج

مهدي: يلا امشي خلي نروح للحمام ونطلع للحلاق حته بـ ٢ نجيب العروس

هزيت راسي وطلعت للسياره..
جان كرار ومرتضى وعباس ويوسف..
باوعتلهم ناقصهم هيثم اخ لو يجي..

كرار: اليوم عرسك يابطل العب ع جربايه

صكر: لك كفوووو

مهدي: ماريد خبال خوش!!

ردو: تدلل

وصلنا الحمام وكعدو يجلفون بيه..
حرگو جلد جلدي بعدها طلعوني بالهلاهل..

وطبعا هوسات كرار الي فرحان اكثر مني..

صكر: اردلك ايٍاها بعرسك خويه

كرار: انشالله

رحنا الحلاق حلقت وكملت ورجعت للبيت..
واشوف الهوسه والركص..

صعدت لغرفتي وياي مهدي والولد الي مابطلو ركص..
لبست قاطي وعطرت ونزلت..
هلاهل..
ركص..
فرح..
هوسات..
كلشي جان موجود بهل يوم..
كأنو انه اول ابن الهم يتزوج..

صعدنا سياراتنا..

صكر: مهدي انه اسوق سيارة العرس

مهدي: هاك السويچ

صعدت السياره وشغلت اغاني..
فرحي مينوصف ابدآ..

وصلنا بيتهم نزلنا طبينا..
جانو مكعديها بالحديقه..
لابسه فستانها النفخ..
چنها ملاك من كد ماطالعه حلوه..
رحت يمها لزمت ايدها جانت ترجف..

همستلها:- ليش خايفه

ردت:- ماخايفه بس متوتره

صكر: انه من اليوم صرت سندج لتخافين

ياسه: الله يخليك اليه

ابتسمت شوي ركصو وطلعنا..
بعد ماطلعنا واشوف سيارات عسكريه..
نزلو جماعتي والامر وياهم..