ايهما اوفى؟!

"الحلقه السادسه"

ايهما اوفى..
بقلمي هديل احمد..
الحلقه السادسه..
  
صوجي من قررت اتقرب عليك..
وصوجي من كلت غلاتك يا حجم..
بس ارجعك للمكان الجنت بي..
والا اخلي شوفتي بعينك حلم..
     

ياسه-

طبيت للغرفه وشفت جوليا كاعده ع جربايه وتهز رجلها يعبر عن التوتر الي هيه بي خفت ذبيت جنطتي ع جربايه واتقدمت..
بعد ماحجيت شي جان تحضني وتبجي..

ياسه:  شبيج حبيبتي ليش جاي تبجين..

جوليا:  كولي لنفسج ليش جاي ابجي..

ابتسمت وكلتلها..

ياسه:  جاي تبجين لان اني راح ارجع للعراق..

جوليا:  ومو بس هيج لا حته اديان قرر يرجع وتدرون اني بدونكم مااعرف شسوي ويمكن اموت يعني لو بابا او ماما عراقين جان اني هم قررت نرجع..

ياسه:  اش حبيبتي ماراح انقطع عنج صدكي اكو انترنيت وتلفون

(طبعا جوليا اوكرانيا ع كولت صكر ف جاي تحجي بلغتهم)

جوليا: ماكدر صدكي بعدكم راح يأذيني اصلا لو ما انتم جان هسه اني بيه حاله نفسيه ولا طبه ولا طلعه..

ياسه:  ليش تحجين هيج ترا ازعل وبعدين انتي صرتي زينه مو بسببنا لا رب العالمين يحبج وخلاج اتصيرين زينه وتكومين ع حيلج..

جوليا: يمته ترجعون؟..

ياسه: الصبح بـ ٩..

جوليا:  يعني خلص راح تعوفوني وتروحون..

ياسه: تعاي كعدي خلي افهمج الوضع وليش نريد نرجع للعراق..

جوليا:  اسمعج..

ياسه:  حياة بابا بخطر جاي تفهميني شحجي اذا مارجعنا للعراق ممكن بابا ينقتل واحنا ماندري بي تقبلين لا سامح الله اصير يتيمه وابتعد عن الكل؟ اذا تقبليها كولي حته ابطل ماارجع للعراق..

هزت راسها بحركه سريعه بمعنى، لا،

جوليا:  لالا خلص روحو وعد ماابجي وراح نتواصل ع نت..

ياسه:  اي حبيبتي هيج اريدج وتدرين العراق احسهم غربه عني واني هنا تربيت وكبرت يعني احس سويسرا هيه مكاني الاساسي مو العراق..

جوليا:  صحيح بس بعد كلشي متكدرين تسوين اذا حياة عمو بخطر..

ياسه: تعاي نباوع فلم بما انو حتبقين يمي..

جوليا:  لا مااكدر ابقه لازم اروح اصلا اخوي واكف بره..

ياسه:  ياا هاذ اخوج شكد عيب..

سلمت عليه حضنتني وبجينا شوي ودعتني وراحت.. وكالت الصبح امر عليج وارجع ع اديان اودعه..

ضجت كلش احس كلبي انلزم ماكدر اتنفس..
استغفرت ربي بدلت وتمددت اجا بالي بطلي صكر..
اووي من يمته صار بطلي هفف ياربي ان كان حبي اله خير فـ خلي ينبت بداخلي وان كان حبه شر فـ ياربي ابعده عني..
اخذت وضع الجنين وتغطيت مكدرت انام..
صعبه كلش صعبه اعوف المكان الي عشت بي واروح للغربه رغم اني جنت ادوس بطن اهلي حته نروح للعراق بس مادري هسه شبيه..