صبر ايوب

البارت الاول:ضيم والدي

وين نروح ؟؟
يا روحي لوين نروح
والصفنة وجع ياكل بلب الروح
---------------------
اسمي ضفاف من النجف وعندي خوات ثنين اصغر من يمي وحدة اسمها نور طفلة وحدة اسمها بتول عمرها 7سنين واني جان عمري 9سنين و اخو واحد أكبر مني اسمه علي وعمره15سنة و امي وابوي،ابوية سكير جان دائمًا يرجع للبيت سكران وكلما يرجع للبيت يضرب امي موت يعني اول يضربها بيده لحد مايُغمى عليها وبعدين يبلش بخشبة و ابراس هاي گير ع شكل دائرة ويضربها ع ظهرها واني واخويه نسمع صوتها و نسد اذاناتنه و بس نبجي  ،مرت على ابوية فترة ماعنده فلوس  ويريد يسكر فه ماكو شي عنده حتى يبيعه شاف اختي نور جانت طفلة تزحف شالها ويريد يطلع يبيعها فه امي ضلت بس تصيح وتلطم واحنا كذلك وبالاخير شمرها هي فحطت من البجي حتى صوت ماضل عدها اخر شي ابوية كال لامي هاي مو عيشه وياج واني جزت روحي منج راح اتزوج عليج
ام علي :عادي تزوج علية. بس خلصني منك انت علة ع كلبي مرمرتني ومرمرت الجهال
ابو علي: لج هاي ويامن بت الكلب اليوم ر*** ارويجياه وخاف عبالج تخلصين من اتزوج عليج لا متلخصين وهسه تكولين رح يتزوجله وحدة بت خاله لو شي لا وحك ربج يكاضمية اذا ماخليتج تنهضمين اني ماطالع من ظهر ابوي و شريجتج فد اسبوع وتشوفيه
ام علي : تهي بهي عود انقهر والله تحلم وهو انت وين تكدر تتزوج هم رجليك مدندلة بالكبر و انت قبل كم يوم ردت تبيع بنتك حتى تجيب بطل عرك

ضفاف: احنه صافنين ونقره ايات وحتى مايتعاركون ومايضرب امي بس ماكو فايدة ورة ماكملت كبل ضربها وكاللها شو طولان لسانج اليوم اشرب من دمج وضل يضربها لحد ماتقيأت من كد الخنكه

احنه كاعدين بالمشخاب والمكان الكاعدين بي مومتحضرين وهم متروسين سكارة واحنه نظام كون تصير 9 كحد اقصى الكل فارش ونايم وكلها بالبيت

فه يوم من الأيام علي اتأخر و صارت العشرة و ابوية جان شارب هوايه وامي توسلت بي وتكله ماعليك بي عوفه شاب ويكعد ع الشط يم اصدقاءه بس ماكو فايده ضربها

لحد ماصارت 11بالليل اندكت الباب
ابو علي:اسمعي لجج زراب تروحين تفتحين الباب ونفس ماتتنفسين وماتحجين ويا شي وترحين تكوليله ابويه نام

ضفاف:صار
رحت فتحت الباب وابويه يمشي وراي ووكف ورة باب البيت و بيدة بندقية و الخشبة ام الگير
واول مافتحتها باوعت .....