صبر ايوب

البارت الرابع 🖤

بسك طال حلمك
والحلم لو طال
تتشتت الفكرة وتبرد الغاية
_________________
ام مشتاق : صباح الخير وليدي اكعد خلي ناكل لكمة ونروح للعالم

علي : هلا يمه صبحج الله بالعافية ،انتي انطيتيهم خبر عودك نجي لو نجفتهم هيج

ام مشتاق : هههههه لا يمة شون نجفت كللتهم اني

علي : جا بعد وكت الساعة بالسته ونص وين تردين

ام مشتاق: هم ياله نتريك و نروح لآن همه من كربلا

علي (بتعجب): بس انتي سبق وكلتي كل كرايبج البكربلا متزوجات ومخلفات ماعدهم بنية للزواج

ام مشتاق (بتلعثم): يـ يـ يمه هو كلهن معرسات جا اني كتلك البنية شوية جبيرة وعدها ثنين ولد صغار وبنية

علي : شنو اخوانها يعيشون وياي لو يبقون عد اهلها ،جا اذا تعرف تربي خوش

ام مشتاق : لا يمة مو اخوتها جهالها بس والله مو كلش كبار همه وعادي تكسب بيهم ثواب حسبة يتامى وشنسوي غير انو توكلهم

علي :يمة صدك تحجيننن خو كولي بعد ماكدر اتحمل عيشتك عدي وصدكي اطلع وحدي ليش تمشريني هالشمرة هاي جا اني خل اوكل روحي بالأول انوب اوكل جهال !!

ام مشتاق : يايمة مو عيب هالحجي والله اريدلك الاستقرار واريد افرح بيك قبل لا ربك ياخذ امانتة

علي : ( من شفتها هيج تحجي ودمعتها بعينه انقهرت وطاوعتها )  طلعت جكاارة وكعدت ادخن و كتلها خنشوف تاليتها يلا

تريكو ووصلو ومن شاف البنية انصدم

علي : (عبالك امي وحتى امي اصغر واحلا منها شضال بيها هاي هي تريد واحد يداريها تهي بهي) س س سلام عليكم

الكل : وعليكم السلام اهلا وسهلا

نعيمة: هلو اني بت خال ام مشتاق وعمري 38 سنة بس بعدني محافضه على رونق شبابي هههههه صح شوية تجاعيد بس عادي ، جنت متزوجة ابن عمي من جان عمري 14 وضليت وياه اربع سنين و بالاخير تهموني عودك انه عاكر ومابيه جهال وتطلكنه

وبعدين ضليت وي اهلي 3سنوات وشبعت ضيم وضرب من اخوي وكومي يالمطلكة وكعدي يالمطلكة وعبالك مو بتهم خدامة عدهم وبعدين اجت قسمتي وي واحد غريب يعني ميكربلنة بس اكبر مني ب 10 سنين يعني عمرة 31 و اول ماتزوجنه ورة شهرين حبلت و جبت ولد وسميته حسين

من صار عمر حسين سنتين هم حبلت بتوأم وشهرين وطرحت و انوب ماعدت سنة وحبلت بولد وسميته محمد و صار عمرة 3سنين حبلت ببنية
وسميتهه هدية على اسم ام رجلي

وضليت وي رجلي لحد ماصار عمره 39 جان يكول اريد اتزوج انه و خله املاك بأسم الجهال بس اني من سمعت يريد يتزوج تخبلت وضليت ادور مشاكل لحدما صار عمري 34 تطلكت ورجعت لنفس الضيم وانكس

لحدما اجاني هالحلو بس ماضنه مقتنع

بأختصار قبل بيها لان ام مشتاق كالتله هو انت منو يقبل بيك وانت لا اهل ولاعشيرة وابوك سكير ويوميه نايم بسجن وماعدك عمام يطلعون وياك
_________
بس شوفولي فارق العمر هو 18 وهي 38   !!!!😭😭😭

(الكاتبة كوثر حديد) حبيبيني داختصرلكم لأنو هاي بس البدايات وبعدين تعرفون الاحداث الجاية احلا واطول 🫶🏼♥️