صبر ايوب

البارت الثاني(الصدمة)

من طحِت وتراكمن
حِزني اعلى حِزني
محد تدنة وهِمس
موجود مَتني

.........................

و فتحت الباب وجانت الدنيا ظلمة
علي: وينه هذا  ابوج العار ابو العرك بس لا كاعد
ضفاف:الدموع تارسه عيوني لان اعرف ابوي مو بوعيه ويمكن اخوي يموت وهو جان سندنا ويدافعلنه وصح تحملت ضرب من اخوي و ابوي بس من هو موجود ابوي مايحاجينه ،هو كبل افتهم كال اكيد كاعد
علي:لتخافين اني يمج واخواتي اني يمهن هم
ضفاف:بعده ماكمل كلامة ابوي دفر الباب بحيث انقفلت

وضرب اخوي علي بالخشبة ام الگير على ظهر بحيث سمعنه صوت تكسر مال ضلوعه  و ضل مثل الدايخ يروح منا ويجي منا

واني بس ابجي و اكول لأمي كوليله خلي يعوفه حبابه

امي بس تباوعله شون ايعنف بأبنها وساكته ومارمشت الهه عين ولا تكول ابنها عبالك ابن شريجتها و علي فقد الوعي من كد ما حمل ضرب

اخر شي رفع البندقية و وجهه علي وجان اميي اتصيح
ام علي :عوفه عووفه هذا درس الة

ابوي كبل من اعصابه لان امي كالت عوفه ضربه على راسه بالبندقية

واني ضليت اصيح يبووو والطم على وجهي لان اخوي كدامي دمايته تجري وياريت غريب اللي ضربه لا ابوه

اخويه ضل نايم بالباب لحد الصبح اجت كرايبنه اني ماعرفها امي تعرفها وهي مرة جبيرة بالعمر تسكن بنجف تكرب لأمي دخلت وشافت علي بالباب مكسر ومُغمى علي

هي كامت تصيح عبالها ميت انوب حركته وشافته مابي شي ووكفت بالباب صاحت منو وياه امي طلعت سولفتلها وهي كامت تصيح الله لا يوفقك يابو علي الله لاينطيك ان شاء الله

ابو علي :روحيي يلااا طلعي من بيتي ولاتحطين رجلج هنا بعد

ام مشتاق (كرايب امي): هو راح اروح جا ياعاقل هذا الللي يجي البيتك ياا اغم وخلي يكون بعلمك هذا ابنك بعد متشوفه راح اخذه وياي وبعد ماعندك ابن اسمه علي مات بدنيا ومشكولة ذمتك انت منا ليوم الدين نتواجه يم الله على هاي العملة مالتك

هو يعني واذا اتأخر وذا قابل بنية وتخاف عليها لا تجيبلك العار انت ومرتك همج

علي :كعدت لكيت روحي بغرفة ،هاي شنو معقولة امي حنت عليه اباوع للسكف هاذا مو قوقات عكادة يعني اني مو ابيتنه دخيلك ياربي

اجت يمي ام مشتاق وخلتلي و جايبه بيدها سطل ماي غسلتلي وخلت قطعة القماش الموجودة بالماي على وجهي عود تسوي خافض حرارة وهيج

وصبتلي ريوك وحجتلي شون اجت وشلون شافتني و اني دايخ كلشي مافتهمت و  بطتنه طبت ابطن بطتكم

بس اكللها اي و لاا صدكك و الله عليج وارفع بشعري عن عيوني عودك مصدوم

ضفاف :ضليت بس ابجي على حضي الزفت وانوب مسحت دموعي كلت يلا بهاي ولا بغيرها جا اني من الطفولة جبتها مرارة بمرارة  جا اذا بعدني بالكماط وصابتني حساسية مدري شسمها يمكن كزاز وكالولها تموت هايه

وشالتني وشمرتني بالمقبرة و الدود اكلاني مال القبور و كمت ابجي وهي تكول من سمعتج تبجين رجعت عليج كلت ختموت يمي ليش اخلي الجلاب تاكلها والدود داوي عليها خطية

وجابتني شمرتني بالسنك علمود الدود يوخر عني وانوب لفتني
وكل هذا حجته بلسانها

مرت الأيام واجه ابوي للبيت عريس ودخل للبيت و ودخلت ورا العروسه ومن شفنه العروس وكتلهم هاي مو......

--------
يتبع حبيبيني علمود تتحمسون 🫶🏼😂😂😂
بآخر بارت راح اخلي يوزري مال الانستا حتى اللي يريد اكتبله قصته او قصة احد يعرفه وبشرط قابل فه اكتبها