صبر ايوب

البارت الثالث 🖤:زواج ابوي

و يا مَرارة ليشنة
بـ طَرف اللِسن

.............................
ضفاف:فتحنه الباب ومرت ابوي مو غريبة ، طلع ابوي ماخذ خالتي اللي هي اخت أمي

ام علي: ولك الله لايوفقك ان شاء الله ولك صدك تحجيي خلصن النسوااان تاخذذ اختي شريجه فوك راسي منين اترجاها انيي منك لو من العرك لو العيشه هاييي الله ياااخذنيي وارتاح (تحجي وهي تلطم على وجها)

ابو علي : دخلت للبيت وكلت للعروس فوتي برجيلتج اليمنى يبعد هلي
وإني أصلًا جنت احبها من جنه صغار بس تعاركنه واخذت اختها حتى اكسر كلبها

ضفاف : اضطريت اترك امي بهيج موقف لإن اخواتي الصغار يبجن جوه ودخلت اسكتهن ،دخلي اسكت نفسي بالأول

أم علي: اني رح اسكت لاجن والله جيف البنات كاسرات ظهري وهاي اختي رح اتبره منها لحد يوم الحساب

ابو علي :خذت الاحبها بس احس روحي مخنوك يمكن لإن ماشارب

ابو علي : حبيبه اليوم انتي تعبانه تعرفين بعد درب طويل من الناصرية لهنا راح اخليج ترتاحين واروحن شوي واجي

حبيبه: اني جنت منتظرة هاي اللحظة على أعصابي ماجنت اريدن تخلف منه بس شسوي امري لله -روحح يبعد جبدي روح انتظرك انه-

ابو علي : أول ماطلعت دخلت على ام علي كلتلها سوي اچل للعروس واذا ماسويتلها اشمر بنياتج بشط واخلي السمج تشبع اچل بيهن

ام علي (بخوف): هو هذا الما الة والي غير ربه _راحت سوت اكل وودته على غرفتها_

حبيبه: هلا بشريجتي واضح من هسا انه الآمر الناهي شوفي اذا ماعجبني طبخج ادك السراحية بالكاع خاطر تجين تشيلينه من جدامي

ام علي :وسفه اسميج اخت والله

ضفاف :مرت سنة ونص والمشاكل عالكه بين امي ومرت ابوي اللي هي خالتي  لحد ما صارت حامل وابوي كال ماحد يكرب صوبها

------------------------

في مكان أخر من النجف ( مدن النجف يعني خارج الريف )
 

أم مشتاق: يمة أنت كبرت راح اخطبلك واعرسك تاخذلك حرمة تنظفلك هدمتك تخلفلك ولد يشيل اسمك

علي : (ماكدر اكللها لا واني احب وحده ومن هالحجي لان هي استقبلتني وابد ماسمعتني حجاية و حبتني اكثر من أمي اللي عافتني بشدتي وبالجذب ماكالت لأم مشتاق عوفي هذا ضناي ) اللي تشوفيه عمة

أم مشتاق : خوش يايمة بس حتلو أكبر منك بنهاية الرجال يكبر الحرمة بعقله
(بمعنى الرجل يبقى أكبر من المرأة والعمر مجرد رقم)

علي :عادي مو مشكلة حتى شكلها مايهمني  اهم شي شريفه  وتصوني وعاقله وما تتعبني

ام مشتاق :جا خوش اذا هيج ،باجر نروح نخطب على بركة الله 

________________
*للمعلومة الكلام اللي بين القوسين يكون يا أمًا شرح او كلام تقوله الشخصية بقلبها يعني كلام غير مسموع