الممرضة : انسه اتفضلي
لتقرر عذراء الدخول وعدم الهروب من هذا الواقع
لتدخل الي غرفة مكتبه
جسور وهو يقف مرحب بها: اهلا وسهلا اتفضلي
لتجلس عذراء ولا تعلم ماذا تفعل لتقف فجأة وتقول" عن اذن حضرتك انا همشي"
لتتجهه الي الباب وليوقفها جسور " ايه بس هو انتي جيتي في ايه وماشية في ايه"
عذراء : هو كدا ملكش دعوة بيا
لتتجه فعلا لباب ليقول جسور " بصي انتي جيتي عشان حاجة والحاجة ديه صعبه وهتفضلي تهربي واضح انك ضعيفة" لتتجه اليه وتقول" الزم حدودك وانت مين عشان تتكلم معايا بالطريقة ديه "
جسور: الطبيب النفسي الي حضرتك جيتيله عشان محتاجاه
عذراء: واضح اني غلطت لما جيت
لتتركه وتذهب وبعد خروجها نادي علي الممرضة
الممرضة" ايوه حضرتك"
جسور : المريضة اللي برا سابت بياناتها
الممرضة : ايوه
جسور: طب تبعتلي البيانات عل التليفون انا همشي دلوقتي
الممرضة: تحت امر حضرتك
ليغادر جسور ويتجه الي شركة والده
*******************************************
في لندن وتحديدا في شركات الدسوقي التي يديرها سليم يجلس في مكتبه وهو مشغول بالاوراق التي امامه ليأتيه فجأه هاتف من جسور ليرد عليه بسعادة
سليم: الو
جسور: الو.... تصدق والله هقفل السكة في وشك
سليم : بلاش ديه... مرحبااااا(علي طريقة هنيدي)😂
جسور بضحك: ايوه كدا.... عامل ايه
سليم : الحمد لله
جسور: انت مش ناوي تنزل
سليم بحزن: لا انا مبسوط هنا
جسور: مبسوط ولا بتهرب
ليقابل الصمت
جسور: صدقني انا لو عليا مش اتمني لأختي غيرك بس قلبها بقي... وبعدين يا اخي بابا عمال يزن عليا نفسه يشوفك عشان خاطرنا احنا
سليم: صدقني يا جسور مش هروب انا عملت كدا عشان ابقي بعيد لأني مش هقدر اشوفها معاه وهعمل حاجة وانا مش عايزها تكرهني عايز اي الذكري ليا عندها تكون حلوه....كدا احسن عشان تعيش براحتها
جسور بحزن: اللي انت شايفه يا سليم اهم حاجة تكون انت بخير
سليم: صدقني طول ماهي كويسة انا كويس
جسور: تمام... يلا مش اعطلك بقي سلام
سليم: سلام
ليغلق سليم الخط ومن ثم يرجع بظهره للخلف يتذكر ذلك اليوم
فلاش باك
كان سليم يجلس مع عائلة جسور ويقول" بصوا بقي انا عامل ليكوا مفاجأة تحفة"
يوسف: خير يا سليم
سليم : خير يا خالو بس نستني نارين
لتأتي نارين وهي ممسكة بيد يحيي وتقول" مساء الخير يا جماعة..... عندي ليكوا مفاجأه حلوة"
ريم: ايه المفاجأت الكتيرة ديه لا قلبي الصغير لا يحتمل
نازلي: بطلي لماضة يا ريم ولسانك الطويل دا
رامز: اه يا خالتو ربنا خد من طولها واديهالوها في لسانها
ريم : ايه مش احسن ما كون زي عمود النور كدا
ليضحك الجميع ليتحدث يحيي" عمي انا بطلب من حضرتك ايد نارين "
يوسف: موافقة يا نارين
نارين بسعادة: موافقه
لتحتل الصدمة وجه سليم فهو كان سيطلب ايد نارين من والدها وكان جسور يعلم ذلك لذلك مسك جسور يد سليم كالمواساه
يوسف: ادينا خلصنا مفاجأه نارين.. ايه بقي مفاجأة سي سليم
سليم : انا هسافر
جسور: ايييه
سليم: ايوه..... انا هسافر لندن
يوسف : ايوه يا بني بس انت مش خلصت دراستك لسه
سليم : لأ ماهو انا هكمل دراسة برة عل العموم انا هسافر بعد بكرة
نارين : يعني مش هتحضر الفرح
سليم : انا اسف يا نارين لو كنتي قولتيلي قبل كدا كنت جهزت نفسي بس انتي فاجأتيني... عل العموم الف مبروك وربنا يسعدك مع يحيي
باااك
لترفر دمعه من عيون سليم " بحبك يا نارين بحبك
...كنت مفكر لما اسافر هنساكي بس ولا مرة نسيتك وكل مرة جسور يحكيلي عل الحيوان دا بيعملوه فيكي بتقهر.... بحبك يا نارين"
*******************************************
في المساء وتحديدا في بيت عذراء
كانت تجلس في غرفتها عل السرير تفكر في كلام جسور هل فعلا هذا صحيح هل هي حقا ضعيفة لا تستطيع مواجهة شئ هي تعلم انه طبيب نفسي يعني ما ستقوله سيبقي سر ولن يفضحها ولكن هي قررت ان يبقي هذا السر بداخلها ولن تخبر به احدا ولكن فعلا بداخلها معترفه بأنها تكره جنس ادم كله لتقوم وتتوضأ وتعزم الامر علي استخارة ربها هل فعلا تذهب اليه ثانية ام لا وبعد اداءها صلاة الاستخارة اخذت المصحف واخذت تقرأ ايات الذكر الحكيم بصوت عذب 🌺
******************************************
في منزل عائلة الغامري
يجلس في الحديقة كل العائلة يقيمون حفلة شوي مسائية
رامز : ايه دا وعملالي فيها ست بيت يا نص لبه انتي
ريم وهي توجه السكينه اليه: عارف يا رامز لو مش بطلت تضايقيني هقطعلك لسانك
رامز: اهدي يا محسن السلاح يطول
ريم بصراخ: برررده
جسور: بس بقي انتي وهي الله
رامز : بشهدك يا جسور بيه ده طبق سلطة ولا عجينة
لينظر الي الطبق ويقول بأسف لأخته" بصراحه عنده حق "
لتضع السكينه ولتدفعهم بيدها " طب يلا انت وهو من هنا ملكوش دعوة بيا يا ماماااااا"
نازلي: ايه ايه انتو في شارع الصوت.. وانتو ابعدوا عنها لتذهب وتتركهم
رامز وهو يخطف خيارة ويقول" يعني هنبعد عن الجنة يا خي.....بس بردة عجينه"
ليجري من امام ريم التي اخذت عصا وجدتها ملقاه على الارض وتجري وراؤه "والله ماهسيبك يا رااااامز"
ليضحك جسور عليهم ومن ثم توجه عيناه الي اخته التي تجلس شاردة حزينه ليتجه اليها
جسور: قمري سرحان في ايه
نارين: ابدا يا حبيبي
جسور: هو انا مش عارفك بقي ديه نارين الي كانت وشها البسمه مش بتفارقه
نارين: صدقني والله مفيش
ليقطع ذلك صوت رنين هاتف نارين وكان من شخص طلبت منه مراقبة يحيي" الو.... بجد... دلوقتي... طيب شكرا "
نارين : سوري يا جسور بس لازم اروح دلوقتي
جسور : طب استني اوصلك
نارين وهي تغادر " لا ابدا يلا سلام"
ليقف جسور ينظر لأخته بحسرة فهي التي تمنع اباه وهو من التعامل معه ليأتي في تلك الاثناء رامز وريم
رامز" هي مشيت ليه"
جسور" جالها تليفون واضطرت تمشي... يلا نشوف احنا كنا بنعمل ايه "
*******************************************
في منزل يحيي المنشاوي
تصعد نارين لغرفتها ولا تجد احد لتجد يحيي يخرج من حمام الغرفة وهو يلف منشفة حول خصره " في ايه"
نارين بغضب: هي فين
يحيي: مين ديه
نارين: مش تستهبل فين اللي كانت معاك
يحيي " انا بحبك ولا يمكن اخونك نفسي تبطلي تشكي فيا بقي"
ليأخذها ويغرقها في بحور اكاذيبه
عل الناحية الاخري كانت ريناد تخرج من الفيلا وتتجه الي سيارتها
فلاش باك
كانت ريناد تركب مع يحيي وبالفعل صعدوا الي الغرفة واخذ يقبلها ليقطع ذلك صوت رنين هاتف يحيي " ايوه... ايه جات.... طب اقفل. "
يحيي : معايا ومش عاوز صوت
ليأخذها ويخرجها من الباب الخلفي ويصعد غرفته ويتجه الي حمامه
*******************************************
في منزل عذراء
كانت تحلم بأنها في بير مظلم وحولها الكثير من العقارب والافاعي لتصرخ وهي تطلب المساعده حتي يتدلي لها حبل تمسكه وترتفع به عن القاع وهي تحاول رؤية ذلك الوجه لتجده جسور
لتستيقظ علي أذان الفجر وتستمع الي الاذان بصدمة" ديه اكيد اشارة.... انا لازم اروح لدكتور دا بكرة"
*******************************************
يتبع........
أنت تقرأ
عذراء
عاطفيةعندما تخطط لمستقبلك وحياتك عندما تسعي وراء اهدافك ويأتي من يقلبها رأس عل عقب يحولها لجحيم هكذا انا وقعت في تلك المأساه واصبحت لا احمل غير اسمي عذراء
