الهاربة

البارت الاول

إذا كنا في حالة حزن
فإن العالم يلوح كئيباً بالنسبة لنا،
حتى ولو كنا في منتصف نهار مشرق بديع،
وعلى النقيض تماماً،
إذا سمحنا لبذور السعادة أن تنمو بداخلنا،
فإنّ أسوء عاصفة، أمطار لا يمكنها عندئذ أن تعكر مزاجناً الرائق.

---------------------------------------------

بيت عائلة ذهب

ساعة ٦ونص الصبح

لمياء : ذهب ياذهب يلة ماما راح الوقت وانتِ بعدج نايمه

ذهب : اي ماما شويه فدوه

لمياء : شنو فدوه لج گومي لمدرستج اكعد جود واجي اذا مالكيتج كاعده تعرفيني شسوي

ذهب : اووف كعدت يله
لميت شعري ونزلت غسلت وجهي ودخلت المطبخ ولگيت بابا كاعد صبحت علي وكعدت يمه شويه ودخل جود

جود : بابا ماريد اروح اريد انام

رافد : بضحك شنو ماتروح بابا غير لازم تتعلم شلون تريد تصير ضابط وانت ماتريد تروح ها گلي

جود : وهو يفرك بعيونه ..صدك يله يله اروح بس من اصير ضابط ابطل هااا

ذهب : الكل ضحك على سوالف جود

هاي عائلتي اني ذهب طالبه سادس وكلش شاطره بدراستي بس اتعاجز من كعده الصبح