الهاربة

البارت العاشر

"تاهَت عيوني في بحور عيونِها
‏وأختَار قلبي أن يغوص فيغرقَ
‏أوَّاهُ من رِمشٍ أحاط بعينها
‏سهمٌ توغَلَ في الوَريد فَمزقَ
‏العَينُ بحرّ والهيامُ قواربٌ
‏والشرع واجبها بأن تتمزقَ
‏حَتى إذا ركب الفؤادُ هيامه
‏شَاء الإلهُ بأن نغوص فنغرقَ"
     
  ~~~~~~~~~~~~~~~~~~~~~~~~~~~~
                               "ذهب "

-گعدت الصبح على صوت طگطگه...لكيت خاله كاعده وتسبح...عدلت گعدتي " صباح الخير....التفتت الي

فضة : صباح النور يمه

ذهب : سألتها " خاله شنو هذا الصوت برا

فضة : عدنه عمال هسه شويه ويرحون

ذهب : هاا...گعدت عدلت الچربايه ولميت شعري ودخلت الحمام غسلت....شويه وسمعت صوت ابنها يصيح

صگر : يله يمه اطلعوا راحوا

فضة : تعاي يمه يله

ذهب : لبست حجابي ولبست رداء خالتي جابته البسه فوك ملابسي...طلعت اروح للمطبخ صاحت خالتي

فضة : وين رايحه تعاي يمه

ذهب : التفت الها خاله رايحه اسوي ريوگ

فضة : لا يمه تعاي عندي شغله وبعدين روحي سوي

ذهب : تقربت يمها...بسرعه غمضت عيوني....ليش خاله

فضة : امشي بلا كلام ...عندي شغله الج

ذهب : مشت وهي مغمضه عيوني واني وياها...فتحت عيوني ونصدمت واني اشوف ....غرفه كلش حلوه واثاث يجنن ...

-سالتها ..المن هاي

فضة : ضحكت " الي لگيتلي شايب وراح ازوج حلوه

ذهب : هههه لا خاله صدك

فضة : بضحك " يالفطيره الج هاي

ذهب : فتحت عيوني بصدمه ..واشرت الي ...

فضة : هزت راسها

ذهب : حضنتها قوي " احبج خاله ولله ماعرف شكلج...

فضة : غير بنيتي انتِ شعندي غيرج

ذهب : اباوع الغرفه تجنن ونازكه

فضة : علمود بعد تاخذين راحتج ومحد يدخل عليج ...يله تعاي خل ننقل ملابسج

ذهب : لا خاله اني اشيلهن انتِ تعبتي ...رحت للغرفه لميت الملابس بسله ....طلعت ومادري انضربت بشي وطشترت الملابس كلها