الهاربة

البارت الثاني

لگينه الدنيا ما تنحب
‏حزن ودروب ما تنطب
‏درب مكتوب بي نبچي
‏ودرب مكتوب بي نتعب

————————————————————-

ذهب :  اليوم الثالث على وفاتهم واني كاعده بالغرفة وجودي مخلي راسه بحضني خليت اصابعي بين شعره الناس طابة طالعه البيت مايفرغ منهم واسمع النسوان

" خطيه هل مسكينه وهذا الطفل يكولون لاعدها لا عم ولا خال الله يعلم وين تروح "

خالتي ام علي وام أحمد هنه تكفلن بالفاتحه كلها وماعافني ولا لحضة الاثنين الي عمري ماراح اجازيهن

ام علي : هم ماكلت مو راح تموتني هل بنيه ٣ ايام مامخليه شي بحلكلها على الماي

ام احمد : شسوي جبرتها وحجيت لمن مليت ماكو فايده
انوب جود مايرضه يكول ذهب ماتاكل اني هم مااكل

ام علي : ياربي اني اعرف شلون اقنعها ضلي يم النسوان هسه اجي
اخذت الصينيه ورحت يمها
دخلت الغرفة لكيتها كاعده وهم صافنه ودمعتها على خدها
حبيبتي ذهب يمه ليش هيج مو حرام عليج ليش تسوين بروحج هيج ولله هسه اهلج يزعلون منج انتي مو زغيره يمه إذا ماتاكلين هذا الصغير هم مايرضه واذا جود ماكل يتمرض وانتي ماعايزه يامي كومي لخاطر هل صغير

ذهب : مسحت دموعي خاله ولله مالي نفس اكل ماكدر

ام علي : يامي مو كتلج الخاطر جود دكومي ياعيني يله بعد امج

جود : ذهب اني جوعان بس اذا ماتاكلين ماريد هم ابقى مثلج

ذهب : ليش انت من شوكت ماماكل

جود : لمن انتي مااكلتي أني هم بطلت اكل

ذهب : من سمعت جود هم ماياكل اخذت الصينيه وأنجبرت اكل لخاطر جود بقيت اسويله لفات واوكله حسيته صدك جوعان اني شلون هيج اسوي لازم اتحمل علموده واضغط على نفسي واهتم بي......